វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3985 នាក់
ម្សិលមិញ 8227 នាក់
សរុប 14130866 នាក់
ភ្នំពេញ៖ នៅថ្ងៃទី១២ ខែកញ្ញា ឆ្នាំ២០១៩នេះ មេដឹកនាំកំពូលកម្ពុជា-ឡាវបាន សម្រេចបង្កើនចំណងទាក់ទងរវាងប្រទេសទាំងពីរឲ្យទៅជាដៃគូយុទ្ធសាស្ត្រគ្រប់ជ្រុងជ្រោយ ដើម្បីផលប្រយោជន៍ សម្រាប់ប្រទេសជាតិ និងប្រជាជនទាំង២ កាន់តែប្រសើរឡើង។លោកខៀវកាញារីទ្ធរដ្ឋមន្ត្រីក្រសួងព័ត៌មានដែលកំពុងចូលរួមប្រជុំទ្វេរភាគីរវាងនាយករដ្ឋមន្ត្រីកម្ពុជា-ឡាវ នាវិមានសន្តិភាព បានបញ្ជាក់លើ Facebook យ៉ាងដូច្នេះថា «នៅថ្ងៃនេះ កម្ពុជាឡាវសម្រេចបង្កើនចំណងទាក់ទងរវាងប្រទេសទាំងពីរឲ្យទៅជាដៃគូយុទ្ធសាស្ត្រគ្រប់ជ្រុងជ្រោយ»។
លោកបណ្ឌិត ថងលូន ស៊ីស៊ូលីត បានដឹកនាំគណៈប្រតិភូជាន់ខ្ពស់អញ្ជើញមកដល់ប្រទេសកម្ពុជា នៅម៉ោងប្រមាណ៩៖៣០នាទីព្រឹកថ្ងៃទី១២ ខែកញ្ញា ឆ្នាំ២០១៩ នេះ ដើម្បីបំពេញទស្សនកិច្ចផ្លូវការរយៈពេល២ថ្ងៃ នៅថ្ងៃទី១២-១៣ ខែកញ្ញា ឆ្នាំ២០១៩ តាមការអញ្ជើញរបស់នាយករដ្ឋមន្ត្រីកម្ពុជា។ក្នុងវត្តមាននៅកម្ពុជាអ្វីដែលជាការកត់សម្គាល់ដែលភាគីទាំងពីរសម្រេចបានចេញសេចក្តីថ្លែងការណ៍មាន១២ចំណុចដែលរួមគឺការបង្កើនទំហំពាណិជ្ជកម្មដែលជាដំបូងគឺការចុះហត្ថលេខាក្នុងចុះទិញអគ្គិសនីពីឡាវ។ ការសន្យាដោះស្រាយបញ្ហាព្រុំដេនដែលនៅសេសល់ផងដែរ។
ក្នុងសន្និសីទកាសែតរួមគ្នា ជាមួយនាយករដ្ឋមន្ត្រីឡាវ លោក ថង លូនស៊ីស៊ូលីត នាព្រឹកថ្ងៃទី១២ កញ្ញា សម្ដេចតេជោ បានបញ្ជាក់ថា «ទាក់ទងជាមួយបញ្ហាព្រំដែន នាយករដ្ឋមន្ត្រីទាំងពីរ បានឯកភាពគ្នា ដើម្បីធ្វើការរៀបចំ ឲ្យមានសន្ធិសញ្ញាព្រំដែនកម្ពុជា-ឡាវ ពាក់ព័ន្ធទៅសមិទ្ធផល ដែលសម្រេចបាន ៨៦% ។ នេះជាកិច្ចការសំខាន់ណាស់ ដែលកាលពីមុនព្រំដែន ប្រទេសទាំងពីរ ពុំមានភាពច្បាស់លាស់នោះទេ ។ យើងក៏បានព្រមព្រៀងគ្នា ដូរបង្គោលព្រំដែន ព្រោះបច្ចុប្បន្ននៅមានទំហំតូចណាស់ ហាក់ដូចជាបង្គោលព្រំដីរវាងប្រជាជន និងប្រជាជន មិនសមជាបង្គោលព្រំដែនខណ្ឌសីមា រវាងរដ្ឋនិងរដ្ឋទេ» ។
សម្ដេចបន្តថា ភាគីទាំងពីរ ក៏បានប្រគល់ភារកិច្ច ឲ្យគណៈកម្មការព្រំដែននៃប្រទេសទាំងពីរ គូសប្លង់យកទៅ ឆ្លងនាយករដ្ឋមន្ត្រីទាំងពីរ ហើយព្រមព្រៀងគ្នា ចែកការចំណាយ ៥០% ម្នាក់ នៃការផលិតបង្គោលថ្មី ជំនួសឲ្យបង្គោសចាស់ដែលមានទំហំតូច ។ ដោយសារតែបង្គោលព្រំដែន មានចំនួនតិច ភាគីទាំងពីរ ក៏បានព្រមព្រៀងគ្នា ដើម្បីឈានទៅសម្រេច បោះបង្គោលព្រំដែនបន្ថែមទៀតព្រំដែនកម្ពុជា-ឡាវ បានជួបភាពតានតឹងខ្លាំង កាលពីអំឡុងខែសីហា ឆ្នាំ២០១៧ ដោយសារយោធាឡាវ បានចូលមកឈរជើង នៅតំបន់អូរអាឡៃ និងអូរតាង៉ាវ ស្ថិតក្នុងស្រុកសៀមប៉ាង ខេត្តស្ទឹងត្រែង។
កាលពីថ្ងៃទី៥ ខែធ្នូ ឆ្នាំ២០១៨ នាយករដ្ឋមន្ត្រីកម្ពុជា និងនាយករដ្ឋមន្ត្រីឡាវ ក៏បានយល់ព្រម ប្រគល់ភារកិច្ច ឲ្យប្រមុខការទូតទាំងពីរ ធ្វើកិច្ចការងារទៅលើ បែបបទបច្ចេកទេស ដើម្បីផ្ញើលិខិត ទៅប្រធានាធិបតីបារាំង លោក ម៉ាក្រុង ឲ្យផ្ដល់ផែនទីបោនខ្នាត ១លើ១០០ពាន់ មកផែនទីខ្នាត ១លើ៥០ពាន់ ដើម្បីវាស់វែងព្រំដែន ឈានទៅបញ្ចប់បញ្ហាជម្លោះព្រំដែន តាមអ្វីដែលជាគោលបំណង របស់ថ្នាក់ដឹកកំពូល ប្រទេសទាំងពីរចង់បាន ដើម្បីបំពេញតម្រូវការផ្នែកសន្តិសុខ ដល់ពលរដ្ឋតាមបណ្តោយព្រំដែន។ ប៉ុន្តែហាក់មិនទទួលបានផ្លែផ្កាអ្វីឡើយ ទើបនាយករដ្ឋមន្ត្រី បានកំណត់ពេលជួបគ្នាម្តងទៀត លើទឹកកម្ពុជា នាព្រឹកថ្ងៃទី១២ កញ្ញា ដោយសម្រេចលទ្ធផលល្អមួយ ចំនួនផងដែរ បន្ទាប់ខ្វែងគំនិតគ្នា។
ភ្ជាប់ជាមួយរឿងព្រុំដែននេះដែរនៅចំពោះមុខសម្ដេចតេជោ ហ៊ុន សែន, លោក ថងលូន ស៊ីស៊ីលីត ក៏បានប្រកាសជំហរដ៏រឹងមាំរបស់រដ្ឋាភិបាលឡាវថា មិនអនុញ្ញាតដាច់ខាតឲ្យទណ្ឌិត សម រង្ស៊ី ឆ្លងកាត់ប្រទេសឡាវ ចូលមកបំផ្លិចបំផ្លាញប្រទេសកម្ពុជានោះឡើយ ហើយរដ្ឋាភិបាលក្រុងវៀងច័ន្ទ នឹងចាត់វិធានការយ៉ាងម៉ឺងម៉ាត់ ជាទីបំផុត។
លោក ថងលូន ស៊ីស៊ូលីត «ខ្ញុំទើបបានព័ត៌មានពីសម្ដេចតេជោ ហ៊ុន សែន មុននេះ។ ខ្ញុំសូមបញ្ជាក់ថា បុគ្គលណាដែលមានទោសមកឆ្លងប្រទេសឡាវ សញ្ជាតិណាក៏ដោយ ដើម្បីយកឡាវជាកន្លែងឆ្លងកាត់ដើម្បីទៅបំផ្លាញប្រទេសផ្សេងនោះ យើងនឹងដំណើរការ យ៉ាងម្មត់ចត់ យើងនឹងធ្វើការយ៉ាងម្មត់ចត់ មិនឲ្យកើតបញ្ហានេះឡើង»។លោក ថង់លូន ស៊ីស៊ូលីត ក៏បានបញ្ជាក់យ៉ាងច្បាស់ៗទៀតថា វាជាព័ត៌មានក្លែងក្លាយ ជាព័ត៌មានមិនពិត ដែលមានបំណងបង្កើតការបែកបាក់រវាងប្រទេសទាំងពីរ កម្ពុជា-ឡាវ។
នាយករដ្ឋមន្ដ្រី ថង់លូន បានបញ្ជាក់ជូនសមភាគី និងជនជាតិកម្ពុជាទូទាំងប្រទេសយ៉ាងដូច្នេះថា៖ «ដោយឡែកចំពោះប្រទេសកម្ពុជា ដែលជាមិត្តភ័ក្រ ករណីនេះមិនពិតដូចគេនិយាយនោះទេ [...] ជាព័ត៌មានមិនល្អ បង្កើតភាពបំបែកឲ្យប្រទេសឡាវ និងកម្ពុជា»។
សម្ដេចតេជោ ហ៊ុន សែន បានបញ្ជាក់ថា សាលដីកាចាប់ខ្លួនទណ្ឌិត សម រង្ស៊ី បានបញ្ជូនទៅកាន់ប្រទេសជាសមាជិកអាស៊ានទាំងអស់ ដើម្បីឲ្យដឹងថា បុគ្គលរូបនេះបានប្រព្រឹត្តខុសច្បាប់យ៉ាងធ្ងន់ធ្ងរនៅក្នុងប្រទេសកម្ពុជា។«គេនឹងចាត់ទុកថា ក្រុមនោះ (ទណ្ឌិត សម រង្ស៊ី) នឹងអាចប្រើប្រាស់ដីឡាវ ដើម្បីចូលមកកម្ពុជា ខ្ញុំចង់ឲ្យឯកឧត្តម នាយករដ្ឋមន្ដ្រីបញ្ជាក់ទៅពួកគេអំពីគោលការណ៍អាស៊ាន អំពីគោលការណ៍របស់ឡាវ ដែលមិនផ្ដល់ មិនអនុញ្ញាតឲ្យប្រើប្រាស់ទឹកដីរបស់ខ្លួន ប្រឆាំងប្រទេសកម្ពុជា ឬប្រឆាំងជាមួយប្រទេសជិតខាង។ ខ្ញុំក៏សូមបញ្ជាក់ជូន ផងដែរថា មិនមែនគ្រាន់តែឡាវទេ ទាំងថៃ រដ្ឋាភិបាលថៃ បានទទួលរួចមកហើយ នូវសាលដីកាតុលាការដើម្បីចាប់ខ្លួនជនណាដែល មានសាលដីកាតុលាការ។ យើងក៏នឹងបញ្ជូនសាលដីកាតុលាការនោះ ទៅកាន់ប្រទេសទាំងអស់ នៅក្នុងក្របខ័ណ្ឌអាស៊ានរបស់យើង។ ចឹងសូមអញ្ជើញធ្វើតាមចំណង់របស់ខ្លួនទៅចុះ»។