លោក អាន់វ៉ា នាយករដ្ឋមន្ត្រីម៉ាឡេស៊ីសាទរតួនាទីចិន និងអាម៉េរិក ក្នុងការដោះស្រាយជម្លោះព្រំដែនកម្ពុជា

ប្រទេសម៉ាឡេស៊ី៖លោក អាន់វ៉ា អ៊ីប្រាហ៊ីម នាយករដ្ឋមន្រ្តីម៉ាឡេស៊ី នៅថ្ងៃទី៣០ ខែធ្នូ បានសាទរតួនាទីរបស់ចិន និងអាម៉េរិក ដែលបានចូលរួមចំណែកលើបទឈប់បាញ់ ក្រោយការឈ្លានពានរបស់ថៃលើកម្ពុជាជាច្រើនថ្ងៃ។ លោក អាន់វ៉ា ជាមេដឹកនាំដ៏សំខាន់មួយ ដែលបានរួមចំណែកក្នុងការរកបទឈប់បាញ់រវាងកម្ពុជា​ និងថៃក្នុងនាមជាប្រធានអាស៊ាន។ 

ចាប់តាំងពីថ្ងៃទី៧ ខែធ្នូមក ថៃ បានបើកការឈ្លានពានជាថ្មីទៀតលើដែនអធិបតេយ្យរបស់កម្ពុជាទាំងកំរោល និងប្រើប្រាស់សព្វាវុធជាច្រើន រួមទាំងយន្តហោះទម្លាក់គ្រាប់បែកដែលកាលពីថ្ងៃទៅ២៦តុលា២០២៥លោកអាន់វ៉ានិងលោកដូណាល

ត្រាំបានធ្វើជាសាក្សីនៃកាចុះហត្ថលេខាលើសេចក្តីថ្លែងការណ៍សន្តិភាពបញ្ចប់សង្គ្រាម៥ថ្ងៃកាលពីចុងខែកក្កដាម្តងហើយ។ ក្រោមការជួយសម្របសម្រួលពីម៉ាឡេស៊ី ចិន និងអាម៉េរិក កម្ពុជា និងថៃ បានសម្រេចអនុវត្តបទឈប់បាញ់ ក្រោយកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) នៅថ្ងៃទី២៧ ខែធ្នូបន្ទាបពីមានកិច្ចប្រជុំពិសេសារដ្ឋមន្ត្រីការបរទេសអាស៊ានកាលពីថ្ងៃទី២២ធ្នូ។

បន្ទាប់ពីប្រទេសជិតខាងទាំងពីរមានបទឈប់បាញ់ លោក អាន់វ៉ា អ៊ីប្រាហ៊ីម នាយករដ្ឋមន្រ្តីម៉ាឡេស៊ី បានសាទរពីតួនាទីចិន និងអាម៉េរិក ក្នុងការរួមចំណែកលើកិច្ចការស្វែងរកសន្តិភាពមួយនេះ។

«ខ្ញុំពិតជាអរគុណដល់តួនាទីចិនក្នុងការរៀបចំកិច្ចពិភាក្សា និងផ្តល់វេទិកាសម្រាប់ភាគីកម្ពុជា និងថៃ សម្រាប់ជំហានប្រកបដោយការអនុវត្ត ដើម្បីកាត់បន្ថយហានិភ័យ និងកសាងទំនុកចិត្តឡើងវិញ»។ នាយករដ្ឋមន្រ្តីម៉ាឡេស៊ី បានថ្លែងបែបនេះនៅក្នុងសន្និសីទសារព័ត៌មានពិសេសមួយនៅថ្ងៃទី៣០ ខែធ្នូ។

ទន្ទឹមនេះ លោក អាន់វ៉ា​ ក៏បានទទួលស្គាល់ពីតួនាទីរបស់ប្រធានាធិបតីអាម៉េរិក លោក ដូណាល់ ត្រាំ ដែលបានជួយឱ្យមានកិច្ចព្រមព្រៀងសន្តិភាពទីក្រុងគូឡាឡាំពួកើតឡើង ដ្បិតជាមូលដ្ឋាននៃបទឈប់បាញ់រវាងកម្ពុជា និងថៃ។ នេះបើតាមការចុះផ្សាយរបស់សារព័ត៌មាន Bernama។

នៅក្នុងថ្ងៃ២៧ ខែធ្នូដែល កម្ពុជា និងថៃ មានបទឈប់បាញ់ ម៉ាឡេស៊ី ដែលនឹងផុតអាណត្តិជាប្រធានផ្លាស់វេនអាស៊ាននៅឆ្នាំ២០២៦ ក៏បានសាទរផងដែរ ហើយបន្តជំរុញឱ្យភាគីទាំងពីរអនុវត្តឱ្យបានត្រឹមត្រឹម ដើម្បីរក្សាសន្តិភាពក្នុងតំបន់៕