បនល្បែងបញ្ជល់មាន់និងអាប៉ោងខ្នាតធំរបស់ឈ្មោះម៉ូម បាននិងកំពុងបើកដំណើរការ នៅស្រុកកែវសីមា!

មណ្ឌលគិរី៖ សង្វៀនបញ្ជល់មាន់និងអាប៉ោងខ្នាតធំ មួយកន្លែងស្ថិត ក្នុងចម្ការកៅស៊ូ ក្រោយភូមិឆ្នែង ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី កំពុងបើកដំណើរការអាជីវកម្ម ដោយខុសច្បាប់ដោយសមត្តកិច្ចមិនអើពើដោយគ្រាន់តេនិយាយថាគេ  ចាត់មន្ត្រីចុះពិនិត្យហើយ!!?។

នៅសង្វៀននេះនៅវេលាថ្ងៃត្រង់ក្នុងថ្ងៃទី០៦ធ្នូឆ្នាំ២០២៥ គេឃើញក្រុមអ្នកញៀនល្បែង មកពីភូមិ-ឃុំ ដែលនៅក្បែរ និងមកពីតាមបណ្ដាស្រុកផ្សេងៗធ្វើដំណើរប្រសេកប្រសាច តាមដងផ្លូវ ខ្លះជិៈម៉ូតូឌុបគ្នា ស្ពាយកន្ត្រកមាន់ជល់ ខ្លះទៀតជិៈរថយន្តសេរីទំនើបៗ ដឹកមនុស្ស រួមនិងកន្ត្រកមាន់ជល់មកជាមួយផង.មកចូលរួមុំប្រកួតស៊ីលុយ នៅទីតាំង”សង្វៀនបញ្ជល់មាន់និងអាប៉ោង”ក្នុងចម្ការកៅស៊ូ ត្រង់ចំណុចខាងលើ យ៉ាងគគ្រឹកគគ្រេង។

សេចក្ដីរាយការណ៍ពីប្រជាពលរដ្ឋបានឱ្យ ដឹងថាៈ”សង្វៀនបញ្ជល់មាន់និងអាប៉ោង”លំដាប់VIPខាងលើ.!បានបើកដំណើរការ ចាប់តាំងពីពាក់កណ្ដាល ខែវិច្ឆិកា ឆ្នាំ២០២៥ រហូតបច្ចុប្បន្ន ពោលគឺ បើកលេងរាល់ថ្ងៃតែម្ដងដោយមិនរំខានសមត្តកិច្ចនិងអាជ្ញាធរស្រុក។តាមអ្នកធ្លាប់ចូលភ្នាល់បានឲ្យដឹងថាសង្វៀននេះមាន់ជល់១គូៗ ពួកគេភ្នាល់ចាក់លុយ ចាប់ពី៣លានរៀល ទៅ២០លានរៀល!។ចំពោះអាប៉ោងវិញ ពួកគេភ្នាល់ចាក់លុយចាប់ពី ១លានរៀល ទៅ២០លានរៀលក្នុង១គ្របៗ!។

បនល្បែងនេះជួយឲ្យម្ចាស់ទីតាំង អាចប្រមូលលុយពីការ”ដកតុងហាន់សាវ”បានរាប់សិបលានរៀលក្នុងមួយថ្ងៃៗ សម្រាប់យកមករត់ការ ជាមួយអ្នកមានអំណាច បានយ៉ាងងាយស្រួល។ជុំវិញបនល្បែងជល់មាន់នេះលោក សាន គឹមអ៊ាប អភិបាលស្រុកកែវសីមាមិនអាចទាក់ទងសុំការពន្យល់បានទេ។ឯលោក ហេង អ៊ួង អធិការនគរបាលស្រុកកែវសីមា បានប្រាប់តាមរបៀបការទូត"ឲ្យដឹងថា ករណីខាងលើលោកបានចាត់កម្លាំងចុះត្រួតពិនិត្យ និងមានវិធានការហើយ?។បើតាមពលរដ្ឋវិញនិយាយ សកម្មភាពនៃការ លេងល្បែងខ្នាតធំ ត្រង់ចំណុចខាងលើ អាចប្រព្រឹត្តទៅបាន.ពុំមែនមកពីអាជ្ញាធរនិងសមត្ថកិច្ចមូលដ្ឋានមិនដឹងនោះទេគ្រាន់តែគេទុកចិញ្ចឹមឆ្នាំងគេ?។