វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2276 នាក់
ម្សិលមិញ 5304 នាក់
សរុប 14141802 នាក់
ភ្នំពេញ ៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ ដែលបានចាក់វ៉ាកសាំងប្រឆាំងកូវីត១៩ស្ងាត់ៗមុនវ៉ាកសាំងជំនួយមកដល់ស្រុកខ្មែរទៀតនោះនៅព្រឹកថ្ងៃថ្ងៃទី១០ ខែកុម្ភៈ ឆ្នាំ២០២១ បានអះអាងថាវ៉ាកសាំងប្រឆាំងកូវិតដែលជាជំនួយរបស់ចិននេះមានគុណភាពនិងប្រសិទ្ធភាពមិនមានបញ្ហាអីទេ!។
ការបញ្ជាក់របស់សម្ដេចពិជ័យសេនា ទៀ បាញ់ បានធ្វើឡើងនៅក្នុងសន្និសីទកាសែតនារសៀលថ្ងៃទី១០ ខែកុម្ភៈ ឆ្នាំ២០២១ នេះ នៅមន្ទីរពេទ្យព្រះកេតុមាលា ខណៈពេលដែលសម្ដេចអញ្ជើញចុះទៅពិនិត្យការចាក់វ៉ាក់សាំងការពារជំងឺកូវីដ19 ជូនដល់មន្ត្រីឥស្សរជនជាន់ខ្ពស់នៃក្រសួងការពារជាតិ។សម្ដេចពិជ័យសេនាដែលមានអាយុលើសពី៥០ឆ្នាំខុសលក្ខន្ធ័ថ្នាំតម្រូវ បានបង្ហើបអំពីរឿងដែលសម្តេចបានចាក់វ៉ាក់សាំងបង្ការជំងឺកូវីដ-១៩ ស៊ីណូហ្វាម (Sinopharm) របស់ចិន កាលពី២០ថ្ងៃមុន។
សម្តេចបានអះអាងថា រយៈពេលជាង២០ថ្ងៃមក នេះ សម្តេចមានសុខភាពល្អជាធម្មតា មិនមានអ្វីប្រែប្រួលគួរឱ្យកត់សម្គាល់ឡើយ ដោយសម្តេចបានអះអាងថា សម្តេចបានចាក់វ៉ាក់សាំងស៊ីណូហ្វាម នៅមន្ទីរពេទ្យព្រះកេតុមាលានេះតែម្តង ហើយវេជ្ជបណ្ឌិតរបស់ចិន ជាអ្នកចាក់ឱ្យសម្តេចដោយផ្ទាល់។
សម្ដេចពិជ័យសេនា ទៀបាញ់ ប្រមុខការពារជាតិកម្ពុជាបានឲ្យដឹងថាមុនពេលដែលសម្ដេចចាក់វ៉ាក់សាំងការពារនេះក៏មានអ្នកមួយចំនួនទៅចាក់វ៉ាក់សាំងការពារមុនសម្ដេចផងដែរ ។ ចំណែកមនុស្សមួយចំនួនដែលនៅជុំវិញខ្លួនសម្ដេចក៏បានចាក់វ៉ាក់សាំងការពារជំងឺកូវីដ១៩ នេះហើយដែរ ។
ចំពោះសម្ដេចនិងមនុស្សនៅជុំវិញខ្លួនសម្ដេចដែលបានចាក់វ៉ាក់សាំងនេះគឺឃើញថាមានគុណភាពនិងប្រសិទ្ធភាពល្អ នឹងមិនមានបញ្ហាអ្វីទាំងអស់ ។គេមិដឹងថាហេតុអីបានជាចិននាំវ៉ាកសាំងមកចាក់ឲ្យរដ្ឋមន្ត្រីការពារជាតិខ្មែរដែលមានអាយុលើសពី៦០ឆ្នាំស្ងាត់ៗដូច្នោះឡើយ?។សម្ដេចពិជ័យសេនា ទៀ បាញ់ បានបន្តថា នៅថ្ងៃនេះដែលជាថ្ងៃយុទ្ធនាការដំបូងនៃការចាក់វ៉ាក់សាំងការពារជំងឺកូវីដ១៩ ថ្នាក់ដឹកនាំជាន់ខ្ពស់នៃក្រសួងការពារជាតិ។ការចាក់នេះគឺជាការការពារខ្លួនមួយកម្រិតទៀតផងដែរ ។
សម្ដេចពិជ័យសេនា ទៀបាញ់ ក៏បានថ្លែងអំណរគុណយ៉ាងជ្រាលជ្រៅដល់រដ្ឋាភិបាលនៃសាធារណៈរដ្ឋប្រជាមានិតចិនដែលបានផ្ដល់វ៉ាក់សាំងការពារជំងឺកូវីដ១៩ ដល់រដ្ឋាភិបាលកម្ពុជាដើម្បីចាក់ជូនកងកម្លាំងប្រដាប់អាវុធ ឥស្សរជនជាន់ខ្ពស់ និងប្រជាពលរដ្ឋកម្ពុជាដើម្បីការពារកុំអោយឆ្លងរីករាលដាលនៃជំងឺកូវីដ១៩៕