ទីតាំងល្បែងស៊ីសងកត់ឆ្នោតយួនដ៏ធំ យីហោ «V168» និង « K38 » ជារបស់ឧត្តមសេនីយ៍ទោ ហេង ឡាលីន ???លោកនាយឧត្តម សេនីយ៍ សុខ ផល មេ ដឹកនាំក្រុមបង្ក្រាបបទ ល្មើសល្បែងស៊ីសង គ្រប់ប្រភេទ នៅទូទាំង ប្រទេស អត់ដឹង ឬមិន ហ៊ានបង្ក្រាប ?
03-July-2026 / ព័ត៌មានជាតិ
ភ្នំពេញ ៖ តាមការ ផ្សាយព័ត៌មានតាមគេហទំព័រក្នុងស្រុក បានឲ្យដឹងថា មានមនុស្សពី ៦នាក់ ទៅ៧នាក់ជាអ្នក កាងឆ្នោតយួនយីហោ « V168 » ដែលពួកគេអះអាងថា : ជាមនុស្ស ជំនិតៗ របស់លោកផ្កាយ២ ហេង ឡាលីន ជាយោធានៅអង្គភាព កងពលតូច លេខ៧០ ជាអ្នកនៅពីក្រោយខ្នង បាននាំគ្នាប្រើវិធានការច្បាប់ព្រៃ លួង លោមផង និងគម្រាមផងលើពួកអ្នករកស៊ីកត់ឆ្នោតយួនយកទឹកតែ ឬ ហៅ ថា( កំរ៉ៃ) ។បើអ្នកណាមិនព្រមកត់កន្ទុយលេខឲ្យខ្លួនទេ ពួកគេគម្រាម និងមិនអនុញ្ញាតិ អោយរកស៊ីកត់ឆ្នោត និងកន្ទុយ លេខយួននៅទូទាំងរាជ ធានីភ្នំពេញ បានជាដាច់ ខាត ។
ជាក់ស្តែងកាល ពីពេលថ្មីៗនេះ យោងតាមប្រភព បានអោយដឹងថា លោកផ្កាយ ២ ហេង ឡាលីន បានបញ្ជាបក្ខពួក របស់ខ្លួនឲ្យលើកគ្នាមកទាំងហ្វូងទៅសម្លុត បំបាក់ស្មារតីអ្នករកស៊ីកត់ឆ្នោតយួន ១កន្លែង ដែលមិនមែនជាកូនកញ្ច្រែងរបស់ខ្លួន ។ ប្រភពបានបន្តថា : ដំបូងក្រុមអ្នកកាងល្បែងឆ្នោតយួន របស់ ហេង ឡាលីន ប្រើវិធានការលួង លោម បញ្ចុះ បញ្ចូល អោយអ្នកកត់ឆ្នោតយួន ឬកន្ទុយលេខ យកមកអោយ ( ឡាលីន ) គេនឹងធានា ការពារមុខរបររកស៊ីនៅពីក្រោយខ្នង ។ តែបើអ្នកណា មិនព្រមកត់ឲ្យទេ គឺក្រុមបងធំ ក្រោមការបង្គាប់បញ្ជាពីលោកផ្កាយ២ ហេង ឡាលីន ទៅគម្រាម អុក ឡុក អោយភ័យខ្លាច បំបាក់ ស្មារតី និងបញ្ជាសមត្ថកិច្ចឲ្យចុះមកចាប់ បង្ក្រាបតែម្តង? ។
នៅពេលថ្មីៗនេះ ក្រោយពីក្រុមអ្នកកាងឆ្នោតយួនយីហោ «V168 » របស់លោកផ្កាយ២ ហេង ឡាលីន ចុះទៅគំរាមអ្នករកស៊ីឲ្យកត់ឆ្នោតយួនឲ្យពួកខ្លួន ប៉ុន្តែម្ចាស់ទីតាំងនោះបដិសេធ មិនព្រមកត់អោយ ក៏ត្រូវបាននគរបាលចុះបង្ក្រាបតែម្តង ជាការ ព្រមាន អោយឃើញពីឥទ្ធិពល អំណាចរបស់ឈ្មោះ ហេង ឡាលីន តើខ្លាំងប៉ុនណា គឺថាចាប់ គឺចាប់ហើយ បើមិនមែនជាដៃគូររកស៊ី ឬកូនកញ្ច្រែងរបស់ ផ្កាយ ២ ហេង ឡាលីនទេនោះ កុំចេះតែហ៊ានរកស៊ី ? ។ ប្រភពពីអ្នករកស៊ីកត់ឆ្នោតយួន ដែលធ្លាប់រងគ្រោះដោយសារឥទ្ធិពលអំណាច របស់លោកផ្កាយ២ហេង ឡាលីន បានបញ្ជាក់ថា ៖ ក្រុមអ្នកកាងឆ្នោតយួនដែលមានយីហោ « V168 » នេះ ក្នុងនោះមានស្ត្រីម្នាក់ឈ្មោះ ហ្វី លីត និង ឈ្មោះ សេក សុភាស់ ហៅ " បារាំង " បានអួត ខ្លួនថា ជាជំនួយការលោកផ្កាយ ២ យោធាឈ្មោះ ហេង ឡាលីន នៅអង្គភាពកង ពលតូចលេខ៧០ ដើម្បីដើរ ប្រមូលកូនកញ្ជ្រែងឆ្នោតយួនទាំងអស់ ក្នុងរាជធានីភ្នំពេញឲ្យលោកផ្កាយពីរ ។
ដោយឡែកតាមអ្នកធ្លាប់ស្គាល់លោក ហេង ឡាលីន (សុំលាក់ឈ្មោះ) បានខ្សិបប្រាប់ថា : លោកផ្កាយ២ ហេង ឡាលីន នេះ មានខ្សែ ទុយោធំៗណាស់ សុទ្ធតែ ខ្សែជំទាវៗធំៗនៅក្បែរស្តេច ឯណោះ ? ចឹងហើយបានជាមុខរបរ បើកល្បែងស៊ីសងឆ្នោតយួន របស់គាត់ គ្មានអាជ្ញាធរ ឬសមត្ថកិច្ចថ្នាក់ណា ហ៊ានរំខាននោះ ។ ចាំ មើលៗតើ លោកនាយ ឧត្តមសេនីយ៍ ផ្កាយមាស ៤ ឯ.ឧ សុខ ផល រដ្ឋលេខាធិការក្រសួង មហាផ្ទៃ និងជាមេធំបង្ក្រាបបទល្មើសល្បែងស៊ីសងគ្រប់ទម្រង់ នៅទូទាំងប្រទេស ចាត់ វិធានការក្តៅចំពោះទីតាំងកត់ឆ្នោតយួន យីហោ " V168 " របស់លោកផ្កាយ២ ហេង ឡាលីន ដែរ ឬអត់ ? ។ ពាក់ព័ន្ធនឹង សេចក្តីរាយការណ៍ព័ត៌ មានខាងលើនេះ ការិយាល័យនិពន្ធគេហទំព័រ មាតុភូមិ www.meatophoum.com ពុំអាចស្វែងរក ការសុំបកស្រាយបំភ្លឺ ពី លោកផ្កាយ២ ហេង ឡាលីន បានទេ ព្រោះពុំមានលេខទូរស័ព្ទ ។ ការ ផ្សាយព័ត៌មាននេះ ការិយាល័យនិពន្ធយើង រង់ចាំការបកស្រាយបំភ្លឺពីគ្រប់ភាគីពាក់ព័ន្ធ ៕ ដោយ: សុផល Tel : 012 953 824
