មានអីដើម្បីគេចផុតពីការរឹតបន្តឹងការអនុវត្តន៍អនុវត្តន៍ច្បាប់ចរាចរនិងអនុក្រឹត្យផាកពិន័យថ្មី
26-March-2024 / ព័ត៌មានជាតិ
ភ្នំពេញ៖ ភ្នំពេញ៖ សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជាតាមហវេសប៊ុកនាថ្ងៃទី៣០ ខែមេសា ឆ្នាំ២០២០ នេះ បានផ្តាំផ្ញើប្រជាពលរដ្ឋហាមដាច់ខាតបញ្ជាយានយន្តនៅលើដងផ្លូវដោយគ្មានប័ណ្ណបើកបរឬប័ណ្ណបើកបរផុតកំណត់ដោយមិនបានបន្តអោយបានត្រឹមត្រូវតាមច្បាប់ ដែលអាចប្រឈមនឹងការផាកពិន័យធ្ងន់ធ្ងរ ។
,
សម្តេចតេជោ ហ៊ុន សែន មានប្រសាសន៍ថា ក្នុងពេលដែលសមត្ថកិច្ចកំពុងរឹតបន្តឹងសុវត្ថិភាពចរាចរណ៍ផ្លូវគោក សូមបងប្អូនប្រជាពលរដ្ឋ និង ក្មួយៗយកចិត្តទុកដាក់ពិនិត្យរថយន្តរបស់ខ្លួនថាតើដល់ថ្ងៃឆៀកហើយឬនៅ? បើដល់ហើយត្រូវយកទៅឆៀកអោយបានទាន់ពេល ចៀសវាងការផាកពិន័យក្នុងពេលបើកបរ។ ព្រោះតម្រូវការឆៀកនេះ គឺដើម្បីធានាសុវត្ថិភាពរថយន្តរបស់បងប្អូនក្នុងពេលបើកបរមិនបង្កគ្រោះថ្នាក់ផ្សេងៗ និងបង្កការបំពុលបរិស្ថានជាដើម ។
ក្នុងសន្និសីទសារព័ត៌មាន ស្ដីពី «វិធានការរឹតបន្ដឹងការអនុវត្តច្បាប់ ស្ដីពី ចរាចរណ៍ផ្លូវគោក» នារសៀលថ្ងៃទី៣០ ខែមេសា ឆ្នាំ២០២០នាយឧត្តមសេនីយ៍ ហ៉ឹម យ៉ាន អគ្គស្នងការរង នៃអគ្គស្នងការដ្ឋាននគរបាលជាតិ បានថ្លែងថា យោងតាមអនុក្រឹត្យលេខ៣៩ ជនណាដែលល្មើសច្បាប់ចរាចរណ៍ផ្លូវគោក មានរយៈពេល១៥ ដើម្បីទៅបង់ប្រាក់ពិន័យ។ រយៈពេលកំណត់នៃការបង់ប្រាក់ពិន័យនេះ បើទុកដល់រយៈពេល ៣០ថ្ងៃ ត្រូវពិន័យគុណនឹង២ដង ហើយបើសិនជាទុកដល់រយៈពេល ៦០ថ្ងៃ ត្រូវពិន័យគុណនឹង៣ ខណៈទុកលើសពី ៦០ថ្ងៃ ត្រូវបញ្ជូនទៅតុលាការ ដើម្បីចាប់ការបន្តតាមនីតិវិធី។
លោក ហ៊ឹម យ៉ាន បានរំលឹកថា ថវិកានរគបាលផាក ពិន័យបាន រាជរដ្ឋាភិបាល ផ្ដល់រង្វាន់លើកទឹកចិត្តដល់នគរបាល ៧០% ក្រៅពីនឹង ផ្ដល់ឲ្យអង្គ ភាព និងក្រសួងសេដ្ឋកិច្ច និងហិរញ្ញវត្ថុ។លោកថា ការផាកពិន័យមិនចង់សំដៅចង់បានថវិកា ពីពលរដ្ឋឡើយ គឺធ្វើឡេីងក្នុងគោលបំណងកាត់បន្ថយ គ្រោះថ្នាក់ចរាចរណ៍នៅកម្ពុជា។លោកថា «សម្រាប់ប្រទេសយើង កូរូណានេះ (កូវីដ-១៩) មិនទាន់មានស្លាប់ទេ ទោះវាជាជំងឺឆ្លងក៏ដោយ ដែលពិភពលោកខ្លាចវា។រាជរដ្ឋាភិបាលកម្ពុជា ខិតខំដឹកនាំបង្ការ មិនឲ្យមានគ្រោះថ្នាក់ដល់ស្លាប់ សម្រាប់ប្រទេសយើង។ផ្ទួយទៅវិញ គ្រោះថ្នាក់ចរាចរណ៍ មានស្លាប់រាល់ថ្ងៃ។ហើយបញ្ហាគម្រោងរឹតបន្ដឹងនេះ (រឹតបន្ដឹងច្បាប់ចរាចរណ៍) មិនមែនទើប ថ្ងៃនេះទេ គឺគម្រោងតាំងពី ខែតុលា ឆ្នាំ២០១៩ ក្រោយពីមើលឃើញថា កំណើនគ្រោះថ្នាក់ ក្នុងឆ្នាំ២០១៩ មានការកើនឡើងខ្ពស់ គម្រោងមុនកូរូណាកើតទៀត»។
លោកអគ្គរងស្នងការនគរបាលជាតិរៀបរាប់ថា នៅពេលពលរដ្ឋបង់ប្រាក់ពិន័យ គឺត្រូវបង់កន្លែងស្នាក់ការនគរបាល ដែលនៅជិតផ្ទះពួកគាត់។លោកថា តម្លៃកម្រិតផាកពិន័យ មិនស្នើនឹងជាមួយ កម្រិតនៃការ ព្យាបាលរបួស នៅពេលជួបគ្រោះថ្នាក់ទេ។នៅពេលពលរដ្ឋគោរពច្បាប់ចរាចរណ៍ បានចំណេញ ច្រើនណាស់ ព្រមទាំង ចំណេញពេលវេលាផងដែរ។អគ្គស្នងការរងនគរបាលជាតិរូបនេះ ក៏បានអំពាវនាវ ទៅដល់ម្ចាស់រថយន្ដទាំងអស់ ត្រូវយករថយន្ដទៅ ត្រួតពិនិត្យលក្ខណៈបច្ចេកទេស (ឆៀក) កុំឲ្យទទួលការផាកពិន័យ បន្ថែមទៀត។
លោកហ៊ឹមយ៉ាន រំលឹកថា ច្បាប់ចរាចរណ៍ បានចែកថា ប្រសិនបើ នគរបាលចរាចរណ៍ណាម្នាក់ ប្រព្រឹត្តិខុសឆ្គងពីភារៈកិច្ចរបស់ខ្លួន គឺត្រូវទទួលទោសតាម ផ្លូវច្បាប់ ជាពិសេស ពលរដ្ឋក៏មានសិទ្ធប្ដឹងទៅតុលាការ ចំពោះនរគបាលណា ដែលប្រព្រឹត្តិ ខុសឆ្គង ដើម្បីចាត់វិធានការតាមផ្លូវច្បាប់។ឯ លោក សូ ពីសី អគ្គនាយករង នៃអគ្គនាយកដ្ឋាន ដឹកជញ្ជូនផ្លូវគោក បានលើកឡើងថា «យើងតម្រូវឲ្យមានបណ្ណបើកបរ ប្រភេទ ក គឺសម្រាប់តែម៉ូតូ ដែល មានកម្លាំង ១២៥ C C ឡើងទៅ ទោះបីយើងមានបណ្ណបើកបរ ប្រភេទ ខ គ ឃ ង ក៏ដោយ មិនអាចមកបើកបរម៉ូតូបានទេ»។
លោករៀបរាប់ថា ម៉ូតូកម្លាំង១២៥ C C ឡើងទៅ ត្រូវមានបណ្ណបើកបរ ប្រភេទ ក ហើយរថយន្ដត្រូវមានបណ្ណបើកបរ ប្រភេទ ខ គ ឃ ង។ជាងនេះទៅទៀត អ្នកមានបើបករ ប្រភេទ ក មិនអាច បើកម៉ូតូកង់៣ ឬម៉ូតូកង់៤ បានឡើយ ត្រូវមានបណ្ណបើកបរប្រភេទផ្សេងៗ ទៀត។ទោះបីយ៉ាងណានៅព្រឹកថ្ងៃទី៣០មេសានេះដែរសម្រាប់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃទាក់ទងនិងការត្រួតពិនិត្យនេះ បានគូសបញ្ជាក់ថា « សមត្ថកិច្ចនឹងមិនឃាត់ដំណើរ បងប្អូនជនរួមជាតិ ដែលធ្វើដំណើរ ប្រកបដោយ ការគោរពច្បាប់ ដើម្បីសួរនាំ រកឯកសារនោះទេ។ បងប្អូនអ្នកត្រឹមត្រូវ គឺអាចធ្វើដំណើរ បានដោយរលូន លើកលែងតែ បានធ្វើដំណើរដោយបំពានច្បាប់ ត្រង់ចំណុចណាមួយ ដូចជាមិនពាក់មួកសុវត្ថិភាព ឬបំពានភ្លើងសញ្ញា ទើបសមត្ថកិច្ចឃាត់ មិនឱ្យធ្វើដំណើរ ហើយចាប់ផ្ដើមសួរនាំរកឯកសារ » ។
សូមរំលឹកថា ចាប់ពីថ្ងៃទី១ ខែឧសភា ឆ្នាំ២០២០ តទៅ កម្លាំងននគរបាល ត្រៀមអនុវត្តច្បាប់ ចរាចរណ៍ផ្លូវគោក នៅទូទាំងប្រទេស ចំនួន៣.៩១៩នាក់ និង៥៦៨គោលដៅ ផងដែរ៕
