វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1323 នាក់
ម្សិលមិញ 4027 នាក់
សរុប 14153993 នាក់
ប្រទេសថៃ៖បន្ទាប់ពីឧបទ្ទវហេតុបាញ់ប្រហារនៅឯផ្សារទំនើបស្យាម ផារ៉ាហ្គន (Siam Paragon) ជាផ្សារទំនើបដ៏មមាញឹកសម្រាប់ភ្ញៀវទេសចរណ៍នៅចំកណ្តាលក្រុងបាងកក បណ្តាលឱ្យមានស្ត្រីរងគ្រោះពីរនាក់ស្លាប់ ម្នាក់ជាជនជាតិចិន និងម្នាក់ទៀតជាជនជាតិមីយ៉ាន់ម៉ានិងប្រមាណជា ៥ នាក់ផ្សេងទៀតទទួលរងរបួស រដ្ឋាភិបាលនៃប្រទេសថៃឡង់ដ៍ បានសន្យាថានឹងផ្តល់ការគាំទ្រយ៉ាងពេញទំហឹងដល់ជនរងគ្រោះនៅក្នុងហេតុការណ៍នៃការបាញ់ប្រហារកាលពីល្ងាចថ្ងៃអង្គារ និងប្តេជ្ញាពង្រឹងសុវត្ថិភាពបន្ថែមទៀតសម្រាប់អ្នកទេសចរទាំងអស់ ។
ជនសង្ស័យជាក្មេងស្ទាវ បានប្រើកាំភ្លើងខ្លីពាក់កណ្តាលស្វ័យប្រវត្តិ ដែលបានកែច្នៃដោយខ្លួនឯង។ នេះបើតាមការរៀបរាប់របស់មេប៉ូលិសរងថៃលោក សំរ៉ាន នួនម៉ា ដោយសន្យាពង្រឹងច្បាប់និងការគ្រប់គ្រងការប្រើប្រាស់កាំភ្លើង។ជនសង្ស័យត្រូវសមត្ថកិច្ចចាប់បញ្ជូនប៉ុស្តិ៍នគរបាលដើម្បីសួរចម្លើយ ប៉ុន្តែសមត្ថកិច្ចសង្កេតឃើញថាជនសង្ស័យមានអារម្មណ៍វិលវល់ និងច្របូកច្របល់ខ្លាំងមែនទែន។ ទោះបីសមត្ថកិច្ចចង់សួរនាំគាត់ក៏មិនកើត។ គាត់គ្រាន់តែនិយាយប្រាប់ត្រួសៗថាមុនពេលបាញ់ប្រហារនោះ, គាត់ស្ដាប់ឮសំឡេងមនុស្សខ្សិបដាក់ត្រចៀកថា «ត្រូវតែកេះកៃកាំភ្លើងបាញ់មនុស្សភ្លាមទៅ»។ ក្មេងប្រុសនេះធ្លាប់ព្យាបាលជំងឺផ្លូវចិត្តនៅមន្ទីរពេទ្យរាជាវិថី (Rajavithi)។ ប៉ុន្តែមួយរយៈចុងក្រោយនេះ គាត់ខានលេបថ្នាំសរសៃប្រសាទ។ សមត្ថកិច្ចមិនធ្វើអត្ថាធិប្បាយលម្អិតពេកទេនៅក្នុងរឿងនេះព្រោះជនសង្ស័យជាអនីតិជន។
តាមរយៈវីឌីអូឃ្លីបដែលបង្ហោះនៅលើបណ្ដាញសង្គម, គេឃើញក្មេងប្រុសដែលទុកសក់វែង ពាក់អាវខ្មៅ ពាក់វ៉ែនតា ពាក់មួកកន្តិបមានរូបទង់ជាតិអាមេរិក ត្រូវសមត្ថកិច្ចនាំខ្លួនទៅកន្លែងឃុំឃាំង។ ក្រោយពេលបាញ់ប្រហារនោះ ជនសង្ស័យក៏លើកដៃឱ្យសមត្ថកិច្ចចាប់ខ្លួនតាមសម្រួល។ វីឌីអូឃ្លីបដែលទាញចេញពីកាមេរ៉ាសុវត្ថិភាពបង្ហាញរូបជនសង្ស័យលុតជង្គង់ចុះនៅលើកម្រាលឥដ្ឋ។ សមត្ថកិច្ចក៏ដើរមួយៗតម្រង់ទៅរកជនសង្ស័យដើម្បីចាប់ខ្លួន និងរឹបអូសបានកាំភ្លើងខ្លី១ដើម។លោកនាយករដ្ឋមន្ត្រីសេដ្ឋា ថៈវីស៊ីន បានអញ្ជើញទៅដល់កន្លែងកើតហេតុ និងបានស្មឹងស្មាតមួយនាទីផង។
សោកនាដកម្មនេះ បានកើតឡើងនៅស្របពេលដែលប្រទេសថៃឡង់ដ៍ កំពុងស្វែករកវិធីសាស្ត្រនៅក្នុងការលើកកម្ពស់សេដ្ឋកិច្ចរបស់ខ្លួន ជាមួយនឹងគោលនយោបាយជាបន្តបន្ទាប់ដើម្បីពង្រឹងវិស័យទេសចរណ៍ឡើងវិញ នៅក្នុងនោះ រួមបញ្ចូលទាំងគោលនយោបាយមិនតម្រូវឱ្យមានការស្នើសុំទិដ្ឋាការសម្រាប់អ្នកទេសចរជនជាតិចិន ដែលចាប់ផ្តើមមានសុពលភាពចាប់តាំងពីថ្ងៃទី២៥ ខែកញ្ញា មុនពិធីបុណ្យសែនព្រះខែ និងថ្ងៃបុណ្យជាតិនៅក្នុងប្រទេសចិន និងកំណត់ដំណើរការមិនតម្រូវទិដ្ឋាការរហូតដល់ចុងខែកុម្ភៈឆ្នាំក្រោយ ។
ថ្លែងនៅក្នុងសន្និសីទសារព័ត៌មានមួយ កាលពីថ្ងៃពុធ រដ្ឋមន្ត្រីទេសចរណ៍ថៃ ស៊ូដាវ៉ាន់ វ៉ាងស៊ុផាគិចកុសល (Sudawan Wangsuphakijkosol) បានបញ្ជាក់ថា ជនរងគ្រោះដែលបាត់បង់ជីវិត បានចូលមកលេងប្រទេសថៃឡង់ដ៍ តាមរយៈកម្មវិធីលើកលែងទិដ្ឋាការ (visa-free program) កាលពីថ្ងៃទី ២៧ ខែកញ្ញា។ ស្របពេល ប្រទេសចិន គឺជាទីផ្សារដ៏សំខាន់បំផុត សម្រាប់ឧស្សាហកម្មទេសចរណ៍នៅក្នុងប្រទេសថៃឡង់ដ៍ ហើយភ្ញៀវទេសចរចិនមានចំនួនប្រហែលមួយភាគបីនៃភ្ញៀវទេសចរសរុបជិត ៤០ លាននាក់អំឡុងឆ្នាំ ២០១៩។ការទន្ទឹងរង់ចាំកំណើនភ្ញៀវទេសចរចិននៅប៉ុន្មានខែខាងមុខ ដែលជំរុញដោយវិធានការលើកលែងទិដ្ឋាការនាពេលថ្មីៗនេះ បានបង្អាក់ដោយដោយព្រឹត្តិការណ៍បាញ់ប្រហារកណ្តាលទីក្រុង កាលពីថ្ងៃអង្គារ ខណៈអ្នកទេសចរជាច្រើន បង្ហាញអារម្មណ៍ភ័យខ្លាចចំពោះសុវត្ថិភាពរបស់ពួកគេ ។
លោកនាយករដ្ឋមន្ត្រី សេដ្ឋា ថាវីស៊ីន បានទូរស័ព្ទដោយផ្ទាល់ទៅកាន់ឯកអគ្គរដ្ឋទូតចិនប្រចាំនៅប្រទេសថៃឡង់ដ៍ លោក ហាន ជីឈៀង (Han Zhiqiang) ដើម្បីសុំទោសនិងសន្យាអំពីការប្តេជ្ញាចិត្តយ៉ាងមុតមាំ ថានឹងស្តារទំនុកចិត្ត និងការធានាឡើងវិញ ។រដ្ឋាភិបាលថៃឡង់ដ៍នឹងធ្វើឱ្យអស់ពីលទ្ធភាព” ស្របពេល “ឯកអគ្គរដ្ឋទូតចិនប្រចាំនៅប្រទេសថៃឡង់ដ៍ ឯកឧត្តម ហាន ជីឈៀង បានឆ្លើយតបមកវិញថា នឹងផ្តល់ការគាំទ្រ និងយោគយល់ដល់រដ្ឋាភិបាលថៃ ហើយឯកឧត្តមប្រាកដណាស់ថា វានឹងមិនប៉ះពាល់ដល់ទំនុកចិត្តរបស់រដ្ឋាភិបាលចិន និងភ្ញៀវទេសចរចិនឡើយ” នេះបើយោងតាមការបញ្ជាក់ប្រាប់ដោយលោក ថាវីស៊ីន (Thavisin) ទៅកាន់ប្រព័ន្ធផ្សព្វផ្សាយពេលអញ្ជើញទៅត្រួតពិនិត្យស្ថានការណ៍នៅឯផ្សារទំនើបស្យាម ផារ៉ាហ្គន កាលពីថ្ងៃពុធ ។
ទោះបីជាអះអាងពីវិធានការការពារសន្តិសុខយ៉ាងណាកៅដោយបើតាទីភ្នាក់ងារ Xinhua បានផ្សព្វផ្សាយនៅថ្ងៃទី៤ ខែតុលា ឆ្នាំ២០២៣ថា មន្ត្រីរដ្ឋាភិបាលម្នាក់ បានឲ្យដឹងនៅថ្ងៃពុធនេះថា មនុស្សយ៉ាងតិច១៣នាក់ បានរងរបួស នៅគ្រាដែលគ្រាប់បែកលាក់ មួយបានផ្ទុះនៅភាគខាងត្បូង នៃប្រទេសថៃឡង់ដ៏ ។យោងតាមរបាយការណ៍ ដែលបានចេញផ្សាយនៅលើគេហទំព័រ របស់រដ្ឋាភិបាល ដោយដកស្រង់ សម្តីឧបនាយករដ្ឋមន្ត្រី Somsak Thepsutin ថា កាលពីថ្ងៃអង្គារ គ្រឿងផ្ទុះដែលលាក់ទុក នៅក្រោមដីត្រូវបានបង្កឡើង បន្ទាប់ពីពិរុទ្ធជន នៃឧប្បត្តិហេតុបានព្យួរបដា ដើម្បីទាក់ទាញអាជ្ញាធរឱ្យត្រួតពិនិត្យ តំបន់ក្នុងខេត្ត ប៉ាតានី ។