បន្ទាប់ពីស្ទ្ទះចរាចរ នាយកក្រុមហ៊ុនខេបីឌាអ៊ែរផតប្រកាសដាក់ដំណើរការផ្លូវអាទិភាព សម្រាប់បុគ្គលិក និងអ្នកដំណើរ នៅអាកាសយានដ្ឋានអន្តរជាតិតេជោ

ភ្នំពេញ:ឧកញ៉ា វ៉ាន់ ឆារស៍ជួន នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) ដែលជាម្ចាស់ព្រលានយន្តហោះអន្តរជាតិតេជោកាលពីថ្ងៃទី១៤ ខែកញ្ញា ឆ្នាំ២០២៥ បានបញ្ជាក់ថា ក្រុមហ៊ុនបានសហការជាមួយអាជ្ញាធរខេត្តកណ្តាល ក្នុងការរៀបចំបែបផែនសម្រួលដល់ការធ្វើដំណើររបស់ប្រជាពលរដ្ឋ ភ្ញៀវទេសចរ ព្រមទាំងកំពុងសាងសង់ផ្លូវអាទិភាព សម្រាប់បុគ្គលិក និងអ្នកដំណើរ ដើម្បីបញ្ចៀសការកកស្ទះចរាចរណ៍ នៅអាកាសយានដ្ឋានអន្តរជាតិតេជោ។ 

លោកឧកញ៉ា វ៉ាន់ ឆារស៍ជួនដែលគេដឹងថាជាមនុស្សរបស់ជំទាវហ៊ុនម៉ាណាបាន បន្ថែមថា ក្រៅពីសម្រួលនៅការងារខាងលើ ក្រុមការងារព្រលានក៏នៅមានវិធីសាស្ត្រច្រើនទៀត ពោលគឺ ផ្លូវអាទិភាពដែលក្រុមហ៊ុនមិនទាន់បានបើកដំណើរការ និងខ្សែផ្លូវសាគួរជាច្រើនទៀត សម្រាប់តែអ្នកដំណើរហោះហើរ បុគ្គលិក និងក្រុមមនុស្សសំខាន់ៗជាច្រើនទៀត។សូមបញ្ជាក់ថាកាលពីថ្ងៃទី១៤កញ្ញាដោយសារមានប្រជាពលរដ្ឋសម្រុកនាំគ្នាទៅលេងព្រលានយន្តហោះច្រើនបណ្តាលឲ្យស្ទះផ្លូវខកជើងយន្តហោះដែលជាបញ្ងាត្រូវគិតគូឲ្យច្បាស់។