វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3562 នាក់
ម្សិលមិញ 10264 នាក់
សរុប 14142744 នាក់
ភ្នំពេញ៖ លោកឧត្តមសេនីយ៍ ហ៊ុន ម៉ាណែត កូនប្រុសច្បងរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ត្រូវបានគណបក្សប្រជាជនកម្ពុជា ដំឡើងឋានៈជា អនុប្រធានគណៈចលនាមហាជន នៃគណៈកម្មាធិការកណ្តាល។
សេចក្តីសម្រេច ចុះហត្ថលេខាដោយ សម្តេច សាយ ឈុំ អនុប្រធាន គណបក្សប្រជាជនកម្ពុជា ចុះថ្ងៃទី២៣ ខែធ្នូ ឆ្នាំ២០២០បានបញ្ជាក់ថា ការតែងតាំង លោកបណ្ឌិត ហ៊ុន ម៉ាណែតដែលជាសមាជិកអចិន្ត្រៃយ៍គណកម្មាធិការកណ្តាលគណបក្សប្រជាជន ត្រូវបានធ្វើឡើងតាមសេចក្តីសម្រេចរបស់គណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា ដែលមុនការតែងតាំងនេះ លោកមានតួនាទីជាប្រធានយុវជនគណបក្សប្រជាជនកម្ពុជាថ្នាក់កណ្តាល និងជាសមាជិកគណៈចលនាមហាជន នៃគណៈកម្មាធិការកណ្តាលផងដែរ។
សូមបញ្ជាក់ថាគណៈចលនាមហាជន នៃគណៈកម្មាធិការកណ្តាល គណបក្សប្រជាជនកម្ពុជា នាបច្ចុប្បន្ននេះ ដឹកនាំដោយ លោកស្រីឧបនាយករដ្ឋមន្ត្រី ម៉ែន សំអន។គណៈចលនាមហាជន មានតួនាទីសំខាន់ ក្នុងការឃោសនាផ្សព្វផ្សាយ អំពីគោលនយោបាយ ដែលធ្វើយ៉ាងណាឱ្យមហាជនមានការយល់ដឹង ជឿជាក់ និងដើរតាមការដឹកនាំរបស់គណបក្ស និងរាជរដ្ឋាភិបាល។នេះបើតាមលោកសុខឥសាន្តប្រាប់កាសែត។
សូមបញ្ជាក់ថា លោក ហ៊ុន ម៉ាណែតដែលជាមេបញ្ជាការកងទព័ជើងគោក ត្រូវបានគណបក្សប្រជាជនកម្ពុជា ប្រកាសតែងតាំងជា ប្រធានយុវជនគណបក្សប្រជាជនកម្ពុជាថ្នាក់កណ្តាលជាផ្លូវការ កាលពីទី១៣ ខែមិថុនា ឆ្នាំ២០២០។លោក ហ៊ុន ម៉ាណែត ទទួលការងារគ្រប់គ្រងក្រុមយុវជន គណបក្សប្រជាជនកម្ពុជា នៅក្រៅប្រទេស ផងដែរ។លោកហ៊ុនម៉ាណែតត្រូវបានសម្តេចតេជោប្រកាសជាបេក្ខភាពនាយករដ្ឋមន្ត្រីរបស់គណបក្សប្រជាជនកម្ពុជាមុនលោកអូនពន្ធ័មុននីរដ្ឋដែលជាឧបនាយករដ្ឋមន្ត្រីនិងជារដ្ឋមន្ត្រីក្រសួងសេដ្ឋកិច្ចហិរញ្ញវត្ថុដែលទើបប្រកាសនាពេលថ្មីៗនេះ។ដូចច្នោះការតែងតាំងត្រូវបានគេមើលខើញថាជាការហ្វឹកហាត់ទទួលខុសត្រូវដើម្បីឈានទៅរកតំណែងជាអនុប្រធានគណបក្សដែលជាប៉ុស្ត្តិសម្រាប់បេក្ខភាពនាយករដ្ឋមន្ត្រី។