គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 10862 នាក់

ម្សិលមិញ 9639 នាក់

សរុប 20701033 នាក់

ប្រធានាធិបតីឥណ្ឌូណេស៊ីប្រកាសលុបអត្ថប្រយោជន៍តំណាងរាស្ត្រតាមការទាមទាររបស់បាតុករ!

21-September-2026 / ព័ត៌មានអន្តរជាតិ

ប្រទេសឥណ្ដូណេស៊ី៖ ប្រធានាធិបតីឥណ្ឌូណេស៊ី លោក ប្រាបូវ៉ូ ស៊ូប៊ីយ៉ង់តូ នៅថ្ងៃអាទិត្យបានប្រកាសថា គណបក្សនយោបាយនានាបានយល់ព្រមលុបចោលអត្ថប្រយោជន៍ និងឯកសិទ្ធិមួយចំនួនសម្រាប់សមាជិកសភា ដែលជាសម្បទានដ៏ធំមួយចំពោះចលនាបាតុកម្មប្រឆាំងរដ្ឋាភិបាលដែលបានផ្តាច់ជីវិតមនុស្ស ៥នាក់។ ទីភ្នាក់ងារសារព័ត៌មាន Reutersបានឲ្យដឹងថាលោក ប្រាបូវ៉ូ បានថ្លែងនៅក្នុងសន្និសីទសារព័ត៌មានមួយថា «មេដឹកនាំក្នុងសភាបានបញ្ជាក់ថា ពួកគេនឹងលុបចោលគោលនយោបាយសភាមួយចំនួន រួមទាំងទំហំនៃប្រាក់ឧបត្ថម្ភសម្រាប់សមាជិកសភា និងការផ្អាកដំណើរទស្សនកិច្ចការងារនៅក្រៅប្រទេស»។ a indo demonst

លោក ប្រាបូវ៉ូ ដែលអមដំណើរដោយមេដឹកនាំគណបក្សនយោបាយជាច្រើនរូប បានបញ្ជាក់ផងដែរថា លោកបានបញ្ជាឲ្យយោធា និងប៉ូលិស ចាត់វិធានការតឹងរ៉ឹងបំផុតប្រឆាំងនឹងអ្នកបង្កភាពចលាចល និងអ្នកលួចប្លន់ ដោយបានព្រមានថា សកម្មភាពមួយចំនួនមានលក្ខណៈជា «ភេរវកម្ម» និង «អំពើក្បត់ជាតិ»។សូមបញ្ជាក់ថាបាតុកម្មបានផ្ទុះឡើងពាក់ព័ន្ធនឹងប្រាក់ឧបត្ថម្ភ ប្រាក់បៀវត្សបន្ថែមដ៏ច្រើន និងអត្ថប្រយោជន៍ផ្ទះសម្បែងសម្រាប់សមាជិកសភា ខណៈពលរដ្ឋមួយចំនួនស្ថិតនៅក្នុងស្ថានភាពលំបាកសម្រាប់ផ្គត់ផ្គង់ជីវភាព។ ដំបូងឡើយ ការតវ៉ាធ្វើឡើងដោយសន្តិវិធី ប៉ុន្តែភាពចលាចលនេះ បានកើតឡើងបន្ទាប់ពីមានការបង្ក្រាបរបស់សមត្ថកិច្ច ដោយបានឆក់យកអាយុជីវិតអ្នកដឹកម្ហូបអាហារម្នាក់នៅតាមដងផ្លូវ អំឡុងការតវ៉ាកាលពីថ្ងៃព្រហស្បតិ៍ ។

ភាពចលាចលខាងលើ បានបណ្ដាលឱ្យមនុស្សយ៉ាងហោចណាស់ ៥នាក់ស្លាប់ ក្នុងរយៈពេលប៉ុន្មានថ្ងៃមកនេះ រហូតនាំឱ្យអ្នកចូលរួមតវ៉ាកាន់តែមានការខឹងសម្បារ និងបង្កជាអំពើហិង្សាផ្សេងៗ ដោយមានទាំងការលួចគាស់ផ្ទះមន្ត្រី ដុតអគារសភា និងប៉ះទង្គិចជាមួយកងកម្លាំងសន្តិសុខជាដើម ។នៅក្នុងសុន្ទរកថាថ្នាក់ជាតិនៅថ្ងៃអាទិត្យ (ទី៣១ ខែសីហា) លោកប្រាបូវ៉ូ (Prabowo) មានប្រសាសន៍ថា «សេរីភាពនៃការបញ្ចេញមតិ ត្រូវតែមានការគោរព ហើយលោកបានទទួលស្គាល់ទំហំនៃការខឹងសម្បារជាសាធារណៈ ដោយសន្យាស្ដាប់តាមការទាមទាររបស់ពលរដ្ឋដើម្បីរក្សាច្បាប់និងសណ្ដាប់ធ្នាប់ ប៉ុន្តែអំពើហឹង្សា សកម្មភាពលួចប្លន់ និងការបំផ្លិចបំផ្លាញទ្រព្យសម្បត្តិសាធារណៈ នឹងមិនទទួលបានការអត់ឱនឡើយ‍» ។

បន្ថែមពីនេះ លោកបញ្ជាក់ថា មេដឹកនាំគណបក្សបានចាត់វិធានការយ៉ាងម៉ឺងម៉ាត់រួចហើយ ដើម្បីប្រឆាំងនឹងសមាជិកសភា ដោយការដាក់ទណ្ឌកម្មនឹងចូលជាធរមានចាប់ពីថ្ងៃចន្ទ (ទី១ ខែកញ្ញា)។ លោកមានប្រសាសន៍ដែរថា គោលនយោបាយមួយចំនួននឹងត្រូវបញ្ចប់ រួមទាំងទំហំប្រាក់ឧបត្ថម្ភសម្រាប់សមាជិកសភា, ផ្អាកការបំពេញទស្សនកិច្ចការងារនៅក្រៅប្រទេស ព្រមជាមួយនឹងការដកហូតអាសនៈរបស់សមាជិកសភាផងដែរ។ លោកបានសង្កត់ធ្ងន់ថា មន្ត្រីត្រូវតែឈរនៅខាងផលប្រយោជន៍ប្រជាជន ។

ក្នុងពេលដំណាលគ្នា លោកប្រធានាធិបតី បានជំរុញឱ្យមានការសន្ទនា និងធានាថាសំឡេងរបស់ប្រជាពលរដ្ឋនឹងមានការដឹងលឺ។ លោកបានណែនាំសភាឱ្យអញ្ជើញនិស្សិត អ្នកដឹកនាំសហគមន៍ និងក្រុមសង្គមស៊ីវិល មកចែករំលែកបំណងប្រាថ្នារបស់ពួកគេដោយផ្ទាល់។ លោកក៏បានជំរុញឱ្យមានភាពស្ងប់ស្ងាត់ និងបានអំពាវនាវឱ្យប្រជាជនឥណ្ឌូណេស៊ី ជឿជាក់លើរដ្ឋាភិបាល ដោយមានប្រសាសន៍ថា គណបក្សនយោបាយទាំងអស់ត្រូវរួបរួមគ្នាការពារប្រជាជន ជាពិសេសជនងាយរងគ្រោះបំផុត ។គួរបញ្ជាក់ថា បាតុកម្មនេះបានបង្កឲ្យលោកប្រធានាធិបតីឥណ្ឌូណេស៊ីផ្អាកដំណើរទ្សនៈកិច្ចនៅប្រទេសចិនដើម្បីចូលរួមទិវាបណ្យខួបយោធាចិននិងសន្និសីទកំពូលនៃសហប្រតិបត្តការបូក សៀងហៃនៅប្រទេសចិន។ a indo demonst1 a indo demonst2