សម្តេចធិបតីអរគុណសហរដ្ឋអាមេរិកដែលបានសម្រេចបញ្ចុះពន្ធលើទំនិញនាំចេញពីកម្ពុ ពី៣៦មកត្រឹម ១៩ភាគរយ!
11-March-2026 / សេដ្ឋកិច្ច
ភ្នំពេញ៖ជាថ្នូនិងទទួលបានកិច្ចព្រមព្រៀងនេះកម្ពុជាក្រៅពីការយកពន្យសូន្យលើទំនិញនាំចូលពីអាមេរិកកម្ពុជាក៏បានប្រកាសទិញយន្តហោះពីអាមរិកផងដែរ។ក្រុមហ៊ុន Air Cambodia នឹងទិញយន្តហោះ Boeing 737 MAX 8 ចំនួន ១០គ្រឿង ដោយភ្ជាប់ជាមួយជម្រើសទិញយន្តហោះប្រភេទនេះ ១០គ្រឿងបន្ថែម។ នេះបើតាមលោកឧបនាយករដ្ឋមន្ត្រី ស៊ុន ចាន់ថុល ឲ្យដឹងនៅថ្ងៃទី១ ខែសីហា។
សម្តេចធិបតីហ៊ុនម៉ាណែតសសេរក្នុងហ្វេស៊ុកថា:ខ្ញុំសូមអរគុណឯកឧត្តមប្រធានាធិបតី Donald Trump ដែលឯកឧត្តមបានយកចិត្តទុកដាក់ដោយផ្ទាល់ នៅក្នុងការផ្ដួចផ្ដើមនិងជំរុញឲ្យមានការឈប់បាញ់គ្នារវាងកងទ័ពកម្ពុជានិងកងទ័ពថៃ និងបន្តតាមដានការអនុវត្តបទឈប់បាញ់ដោយផ្ទាល់ រហូតដល់មានសន្តិភាពជាអចិន្ត្រៃយ៍និងប្រក្រតីភាពនៃទំនាក់ទំនងរវាងកម្ពុជា-ថៃនៅពេលខាងមុខ។ បន្ថែមលើនេះ ឯកឧត្តមប្រធានាធិបតីក៏បានផ្ដល់នូវការយោគយល់សម្រាប់កម្ពុជា ដោយបានផ្ដល់នូវឱកាសក្នុងការបន្តពង្រឹងការអភិវឌ្ឍន៍សេដ្ឋកិច្ច និងទំនាក់ទំនងពាណិជ្ជកម្មរវាងកម្ពុជានិងសហរដ្ឋអាមេរិកបន្តទៅទៀត។
នៅក្នុងអំឡុងពេលដែលខ្ញុំបានសន្ទនាតាមទូរសព្ទជាមួយឯកឧត្តមធានាធិបតី Donald Trump កាលពីថ្ងៃទី ២៦ និង ២៨ កក្កដាកន្លងទៅនេះ ខ្ញុំបានបញ្ជាក់អំពីសារៈសំខាន់នៃសន្តិភាពនិងការអភិវឌ្ឍន៍នៃប្រទេសកម្ពុជាដោយសារកម្ពុជាទើបងើបពីសង្គ្រាមរ៉ាំរ៉ៃនៅក្នុងប្រទេសជាង ៥០០ឆ្នាំមកហើយ។ នៅក្នុងឱកាសនោះ ខ្ញុំក៏បានស្នើសុំឲ្យឯកឧត្តមប្រធានាធិបតីផ្ដល់ការយោគយល់ផងដែរ សម្រាប់បន្ធូរអត្រាពន្ធលើទំនិញនាំចូលពីកម្ពុជា អោយនៅត្រឹមអត្រាទាបណាមួយដែលជួយឲ្យកម្ពុជាមានឱកាសបន្តអភិវឌ្ឍន៍ប្រទេសជាតិនិងលើកស្ទួយជីវភាពរស់នៅរបស់ប្រជាជនកម្ពុជា។
សម្តេចបវរឲ្យដឹងថា៖ ចំពោះការស្នើសុំរបស់ខ្ញុំពាក់ព័ន្ធនឹងការយោគយល់អំពីអត្រាពពន្ធ ឯកឧត្តមប្រធានាធិបតីបានប្រាប់ខ្ញុំកាលពីថ្ងៃទី ២៨ កក្កដា ថានឹងពិនិត្យសម្រេច ដោយឯកឧត្តមបានប្រាប់ខ្ញុំថានឹងធ្វើឲ្យកម្ពុជារីករាយសប្បាយចិត្ត (will make you happy)។ ថ្ងៃនេះគឺឯកឧត្តមបានសម្រេចបញ្ចុះអត្រាពន្ធលើទំនិញនាំចេញពីកម្ពុជាទៅកាន់សហរដ្ឋអាមេរិកមកនៅត្រឹម ១៩%។ លោកដូណាល់ ត្រាំបានដាក់ឱសានវាទថាថ្ងៃទី១សីហានេះ អត្រាពន្ធថ្មីលើទំនិញនាំចូល នឹងត្រូវអនុវត្ត។ តែកាលពីរសៀលថ្ងៃទី៣១កក្កដា សេតវិមានបានប្រកាសថា អត្រាពន្ធថ្មីនេះនឹងចូលជាធរមាននៅថ្ងៃទី៧សីហា ដើម្បីទុកពេលវេលាឲ្យអាជ្ញាធរគយរៀបចំដំណើរការការងារ។
ថ្លែងក្នុងសន្និសីទសារព័ត៌មាន ជុំវិញដំណឹងដ៏ល្អរបស់កម្ពុជា ដោយប្រធានាធិបតីអាមេរិក លោក ដូណាល់ ត្រាំ សម្រេចទម្លាក់អត្រាពន្ធលើការនាំចូលទំនិញកម្ពុជា មកនៅត្រឹម១៩% នាថ្ងៃទី១ ខែសីហា ឆ្នាំ២០២៥ ឧបនាយករដ្ឋមន្ត្រី ស៊ុន ចាន់ថុល បានគូសបញ្ជាក់យ៉ាងដូច្នេះថា «សំខាន់ណាស់ដោយសារ មានការពិភាក្សាគ្នារវាងឯកឧត្តមប្រធានាធិបតី និងសម្តេចនាយករដ្ឋមន្ត្រីបានធ្វើឱ្យយើង ទទួលបាននូវអត្រាពន្ធ១៩%នេះ។ ថ្ងៃទី២ ខែមេសា ឆ្នាំ២០២៥ អត្រាពន្ធនេះ កម្ពុជាទទួលបាន៤៩% នៅថ្ងៃទី៧ ខែកក្កដា ពន្ធនេះបានចុះមក៣៦% ថ្ងៃនេះ យើងទទួលបាន១៩%។ ចឹងបើយើងមើលទំហំអត្រានាំការចុះនេះ គឺចុះ៣០ពិន្ទុ គឺពី៤៩% មក១៩% យើងចុះបាន៣០ពិន្ទុ ក៏ប៉ុន្តែបើប្រៀបធៀបជាភាគរយនៃការចុះ គឺចុះ៦១.២% ចុះច្រើនជាងគេនៅទូទាំងពិភពលោក»។
លោកស៊ុនចាន់ថុលថា៖ការបញ្ចុះពន្ធដល់ ១៩%នេះ នឹងធ្វើឱ្យកម្ពុជាអាចប្រកួតប្រជែងជាមួយ ប្រទេសជិតខាងបានទាំងអស់។ លើសនេះ កម្ពុជានឹងអាចថែរក្សារោងចក្រនៅកម្ពុជា ឱ្យនៅស្ថិតស្ថេរ ព្រមទាំងមានលទ្ធភាពពង្រីករោងចក្របន្ថែមទៀត តាមរយៈការទាក់ទាញវិនិយោគិនមកបណ្តាក់ទុនវិនិយោគនៅកម្ពុជា ដើម្បីបង្កើតការងារជូនប្រជាពលរដ្ឋ។លោកឧបនាយករដ្ឋមន្ត្រី ស៊ុន ចាន់ថុលបានឲ្យដឹងថា វៀតណាមទទួលបានការបញ្ចុះពន្ធ ពី៤៦%មក ២០%, ថៃចុះ ពី ៣៦%មក១៩%, រីឯបង់ក្លាដេស ចុះពី៣៧%មក២០។
ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ចាប់ពីថ្ងៃទី១ ខែសីហា ឆ្នាំ២០២៥នេះតទៅ ចំពោះទំនិញនាំចូលមកកម្ពុជាពីសហរដ្ឋអាមេរិក គឺអត្រាពន្ធគយសូន្យភាគរយទាំងអស់ ក្នុងនោះក៏មានការនាំចូលរថយន្ដមួយទឹក ពីសហរដ្ឋអាមេរិកផងដែរ គឺពន្ធគយ ០ភាគរយដូចគ្នា ចំពោះការនាំចូលរថយន្ដមួយទឹក ពីសហរដ្ឋអាមេរិកនេះ ការគិតពន្ធផ្សេងទៀតក្រៅអំពីពន្ធគយ ដូចជាអាករពិសេស គឺនៅគិតដដែល។
ឧបនាយករដ្ឋមន្ត្រី ស៊ុន ចាន់ថុល បានថ្លែងបន្ថែមថា សូមជម្រាបជូនបងប្អូន ក៏ដូចជាអ្នកវិនិយោគទាំងអស់ សូមជឿទុកចិត្តលើរាជរដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គឺគោលដៅចម្បងរបស់រាជរដ្ឋាភិបាល គឺការពារផលប្រយោជន៍ជាតិ បូរណភាពទឹកដី រកការងារជូនបងប្អូនប្រជាពលរដ្ឋ កាត់បន្ថយភាពក្រីក្ររបស់ប្រទេសជាតិ ដែលធ្វើឲ្យប្រទេសជាតិមានការរីកចម្រើន ដូច្នេះសូមជឿជាក់លើរាជរដ្ឋាភិបាលកម្ពុជា។
ឧបនាយករដ្ឋមន្ត្រី ស៊ុន ចាន់ថុល មានប្រសាសន៍ថា សហរដ្ឋអាមេរិកមិនត្រឹមតែជួយឱ្យមានកិច្ចព្រមព្រៀមបទឈប់បាញ់នោះទេ ថែមទាំងនឹងបន្តតាមដានជំរុញឱ្យមានសន្តិភាពដូចដើមវិញ មុនថ្ងៃចាប់ផ្តើមជម្លោះរវាងកម្ពុជា និងថៃ។
លោកបានគូសបញ្ជាក់យ៉ាងដូច្នេះថា «ក្នុងនាមយើងខ្ញុំជាពលរដ្ឋខ្មែរ សូមកោតសរសើរថ្លែងអំណរគុណទៅឯកឧត្តមប្រធាធិបតី ប្រធាធិបតីសន្តិភាព ដែលយើងខ្ញុំយល់ឃើញថា យើងត្រូវតែស្នើសុំដើម្បីឯកឧត្តមប្រធាធិបតីដូណាល់ ត្រាំ ទទួលបាននូវពានរង្វាន់ណូបែលសន្តិភាព»។
ទាក់ទងទំនាស់កម្ពុជាថៃស្ថានទូតអាមេរិកប្រចាំកម្ពុជាបានឲ្យដឹងថា;សារពីមន្ត្រីជាន់ខ្ពស់ ក្រសួងការបរទេសអាមេរិក ទទួលបន្ទុកកិច្ចការនយោបាយ ៖ «ខ្ញុំរីករាយណាស់ដែលបានជួបលោក កុយ គួង ឯកអគ្គរាជទូតកម្ពុជា និងលោក Suriya Chindawongse ឯកអគ្គរាជទូតថៃ ក្នុងជំនួបដាច់ដោយឡែកគ្នានៅថ្ងៃនេះ។ សហរដ្ឋអាមេរិក សូមអបអរសាទរដល់ប្រទេសកម្ពុជា និងថៃ ចំពោះការប្រកាសបទឈប់បាញ់គ្នាកាលពីថ្ងៃចន្ទនេះ។ លោកប្រធានាធិបតី Trump និងលោករដ្ឋមន្ត្រីការបរទេស Rubio នៅតែប្តេជ្ញាចិត្តដើម្បីសន្តិភាពយូរអង្វែង»។
