ថៃ ទម្លាក់កម្រឹតទំនាក់ទំនងទ្វេភាគីជាមួយកម្ពុជាបន្ទាប់ពីទហ៊ានថៃជានមីនថ្មីទៀតតែកម្ពុជាបដិសេធនិងត្រៀមចំណាយ!
21-September-2026 / សន្តិសុខសង្គម
ប្រទេសថៃ៖នាយករដ្ឋមន្ត្រីថៃស្តីទី លោក ភុំថាំវិឆាយឿាឆៃ(Phumtham Wechayachai )នៅថ្ងៃទី២៣ ខែកក្កដា បានកោះហៅអគ្គរាជទូតខ្លួនចេញពីកម្ពុជា និងបណ្តេញអគ្គរាជទូតខ្មែរប្រចាំនៅទីក្រុងបាងកក។ មេដឹកនាំថៃរូបនេះ ក៏បានប្រកាសទម្លាក់កម្រិតទំនាក់ទំនងជាមួយកម្ពុជាផងដែរ។
ចំណាត់ការនេះ ធ្វើឡើងក្រោយទាហានថៃថ្មីម្នាក់ទៀត បានដើរជាន់មីន ក្នុងពេលល្បាតនៅតំបន់ព្រំដែនកម្ពុជា ដោយបង្កឱ្យដាច់ជើងខាងស្តាំ។ ទាហានផ្សេងទៀត បានរងរបួសផងដែរ។កាសែតថៃខាវសុតឲ្យដឹងថា៖ឧត្តមសេនីយឯក ប៊ុនស៊ិនផាក្លាង(Boonsin Padklang )មេបញ្ជាការតំបន់កងទ័ពជើងគោកទី ២ បានបញ្ជាឱ្យបង្កើនវិធានការទប់ទល់នឹងប្រទេសកម្ពុជា បន្ទាប់ពីមានឧប្បត្តិហេតុថ្មីគឺ ពលទាហានថៃឈ្មោះ Phichitchai Boonkorat មកពីអង្គភាពល្បាតនៃកងវរសេនាធំថ្មើរជើងលេខ ១៤ បានដើរជាន់គ្រាប់មីននៅតំបន់ Huai Bon ក្នុងស្រុក Chong Anput នៃខេត្ត Yubon Ma របួសជើងស្តាំនៅថ្ងៃទី 23 ខែកក្កដា។
កាសែតខាសុតថៃឲ្យដឹងថាវិធានការទាំងនេះ រួមមានការបិទប្រាសាទតាមឿងធំ(តាមាន់) និងប្រាសាទតាក្វាយ (តាក្របី)ព្រមទាំងបិទច្រកព្រំដែនចំនួន ៤ គឺ ច្រកចោមចៅ ច្រកចុងសៃតាគូ ច្រកចុងអានម៉ា និងច្រកចុងសាង៉ាម។ មិនទាន់ប្រតិកម្មពីភាគីកម្ពុជាថែមទៀតទេក្រៅពីក្រសួងការពារជាតិនិងក្រសួងការបរទេសប្រកាសថាថៃដើរជាន់មីនក្នុងដីខ្មែរ។ឯលោកហេងរតនាអគ្គនាយកស៊ីម៉ាក់បានចាត់ទុកថាករណីទាហ៊ានថៃជាន់មីនជាសកម្មភាពឈឺសាច់ខ្លួនឯង។ព្រោះប្រើគ្រាប់មីនដែលមានកម្លាំងផ្ទុះខ្សោយ។
ទាក់ទងបញ្ហានេះនៅថ្ងៃទី២៣ ខែកក្កដា ឆ្នាំ២០២៥នេះដែរលោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា ប្រកាសច្រានចោលទាំងស្រុងការចោទប្រកាន់ ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន ភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៥។
ក្រសួងការពារជាតិ នៃព្រះរាជាណាចក្រកម្ពុជា សូមប្រកាសបដិសេធទាំងស្រុងចំពោះការចោទប្រកាន់ដោយគ្មានមូលដ្ឋានរបស់ភាគីថៃ ពាក់ព័ន្ធនឹងការរងរបួសរបស់ទាហានថៃចំនួន ៥ នាក់ ដោយសារការផ្ទុះគ្រាប់មីន ភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៥។កម្ពុជាតែងតែបានរំលឹកភាគីថៃជាច្រើនលើកច្រើនសារថា តំបន់ទាំងនេះនៅមានគ្រាប់មីនដែលជាសំណល់ពីសង្គ្រាមជាច្រើនគ្រាប់ ដែលមិនទាន់បានបោសសម្អាតអស់ ហើយជំរុញឱ្យភាគីថៃជៀសវាងអនុវត្តផ្ទុយពីការឯកភាពគ្នាលើការប្រើប្រាស់តម្រាយផ្លូវសម្រាប់ដើរល្បាត ដូចដែលមានចែងនៅក្នុងអនុស្សារណៈយោគយល់គ្នាឆ្នាំ២០០០ (MOU 2000)។
វាជាការដែលគួរឱ្យសោកស្តាយយ៉ាងខ្លាំងបំផុតដែលភាគីថៃ មិនត្រឹមតែមិនបានទទួលខុសត្រូវចំពោះទង្វើឈ្លានពានរបស់ខ្លួន ហើយថែមទាំងមកចោទប្រកាន់កម្ពុជាថា បានរំលោភច្បាប់អន្តរជាតិ ទាំងកម្ពុជាខ្លួនឯងជាជនរងគ្រោះដ៏អយុត្តិធម៌នៃការរំលោភបំពានច្បាប់របស់ថៃ។ក្រសួងការពារជាតិ និងកងយោធពលខេមរភូមិន្ទ បន្តអនុវត្តតាមការសម្រេចចិត្តរបស់រាជរដ្ឋាភិបាល នៃព្រះរាជាណាចក្រកម្ពុជា ក្នុងការដោះស្រាយបញ្ហាដោយសន្តិវិធី ស្របតាមច្បាប់អន្តរជាតិ និងបានត្រៀមខ្លួនរួចជាស្រេច ដើម្បីការពារអធិបតេយ្យ និងបូរណភាពទឹកដី និងសុខសុវត្ថិភាពប្រជាជនកម្ពុជា ដោយមិនអនុញ្ញាតឱ្យប្រទេសណាមួយឈ្លានពានមកលើទឹកដីរបស់ខ្លួនបានជាដាច់ខាត ទោះក្នុងតម្លៃណាក៏ដោយ។
