សម្តេចតេជោផ្តាំទៅទាហ៊ានថៃដែលចង់វាយចូលតំបន់ថ្មដាកម្ពុជាថាបើក្បាមិនប៉ានដែកទេកុំមាត់ឆៅពេក!

ភ្នំពេញ៖តាមប្រភពព័ត៌មាននានាបានឱ្យដឹងនិងបានទម្លាយប្រាប់បណ្តាញព័ត៌មាន Fresh News ថា ទាហានថៃគ្រោងវាយប្រហារនៅតំបន់ថ្មដា និងតំបន់អូរភ្លុកដំរី ក្នុងខេត្តពោធិ៍សាត់នៅថ្ងៃទី១៨ ខែវិច្ឆិកា ឆ្នាំ២០២៥ ខាងមុខនេះ។ 

តាមពត៍មានថៃបានឲ្យដឹងថាថ្ងៃទី១៧ខែវិច្ឆិកា ឆ្នាំ២០២៥ ថៃកំពុងធ្វើផ្លូវក្រាលកៅស៊ូចូលមកកាន់ផ្ទះបីខ្នងរបស់កម្ពុជា បន្ទាប់ពីដោះមីនរួច នៅភូមិបានចំរេះ ឃុំចំរេះ ស្រុកមឿងត្រាត ខេត្តត្រាត ជាប់នឹងតំបន់អូរភ្លុកដំរី ឃុំថ្មដា ស្រុកវាលវែង ខេត្តពោធិ៍សាត់។ ថៃបានរាវមីននៅតំបន់នោះដោយរកឃើញគ្រឿងផ្ទុះចាស់ៗ ដែលបន្សល់ទុកតាំងពីសម័យសង្រ្គាមស៊ីវិលរបស់ខ្មែរនាទសវត្សទី៨០ ដែលបញ្ជាក់ថាទីនោះជាទឹកដីខ្មែរ។ ផ្លូវនេះសម្រាប់ដឹកសព្វាវុធនិងយោធាថៃ ដើម្បីវាយយកផ្ទះបីខ្នង នៅតំបន់អូរភ្លុកដំរី ឃុំថ្មដា ស្រុកវាលវែង ខេត្តពោធិ៍សាត់។ ផ្ទះបីខ្នងរបស់កម្ពុជាដែលទាហានខ្មែរបានវាយកម្ទេចចោលតាមសំណើរបស់ថៃគឺជា១តំបន់ក្នុងចំណោម១៧តំបន់ពីខេត្តពោធិ៍សាត់ដល់ខេត្តកោះកុង ដែលថៃទាមទារថាជាដីរបស់ថៃ។

ទាក់ទងការគម្រាមពីភាគីថៃនេះបើទោះជាទទួលស្គាល់ថាបើផ្ទុះអាវុធវានឹងបំផ្លាញកិច្ចព្រមព្រៀងសន្តិភាពក៏ដោយក៏សម្ដេចតេជោ ហ៊ុន សែននៅព្រឹកថ្ងៃទី១៧វិច្ឆិកា បានផ្ដាំទៅទាហានថៃថា បើក្បាលមិនប៉ានដែកទេ សូមកុំមាត់ឆៅពេក»!។

ដោយឡែកបើតាមហ្វេសប៊ុកឈ្មោះហុកណាវ(Hok Nav)បានសសេរថា៖នៅក្នុងតំបន់ខេត្តពោធិ៍សាត់ និង ខេត្តកោះកុង សៀមមិនមែនជាដៃគូរបស់យើងទេ ទាំងភូមិសាស្ត្រ ទាំងការប្រើប្រាស់អាវុធ ពីព្រោះថា ភូមិសាស្ត្រគ្រោះថ្នាក់ ងាយចូលប៉ុន្តែពិបាកទៅវិញឬងាយវាយបក និងអាវុធប្រើប្រាស់គ្មានប្រសិទ្ធភាពទេ ទោះបីប្រើប្រាស់អាវុធអ្វីក៏ដោយ ពីព្រោះគ្មានផ្លូវក្រោយដើម្បីជួយទប់និងការពារគ្នា។

បើនិយាយអំពីទីតាំងពិបាកវាយបក និងការពាររបស់ខ្មែរ គឺជាតំបន់ភ្នំទ្រព្យនិងវាលឥន្ទ្រី ក្នុងសង្គ្រាម 5 ថ្ងៃ សៀមខំវាយខ្លាំងណាស់ ទាំងយុទ្ធសាស្ត្រនៅលើអាកាសនិងនៅលើគោកបាញ់ពីចម្ងាយ តែមិនអាចក្លាយជាទីតាំងដែលអាចពួកសៀមវាយកបាន ពីព្រោះបងប្អូនក៏ដឹង ប្រភេទបាញ់គ្រាប់រ៉ូកែតខ្មែរBM21 និងប្រភេទបាញ់គ្រាប់រ៉ូកែតច្រើនមុខទៀតរបស់ខ្មែរ គឺសុទ្ធតែមានឥទ្ធិពលកម្ទេចធ្វើអ្វីគ្រប់យ៉ាងបាន។ បើមិនបានមកយើងគ្រប់គ្រង ក៏ពួកសៀមមិនអាចគ្រប់គ្រងបានដែរ។

បើសៀមវាមក គឺមានតែកំទេចសាកសព។ ដូចជាអ្នកខ្លះថាភ្នំទ្រព្យសៀមគ្រប់គ្រង ចូលសួរសំណួរដោយខ្លួនឯង រួចឆ្លើយដោយខ្លួនឯង បើបងប្អូនមានBM21 បាញ់បានចម្ងាយរាប់សិបគីឡូម៉ែត តើព្រមឱ្យសៀមគ្រប់គ្រងភ្នំទ្រព្យបានដែរឬទេ? តើកងទ័ពសៀមគ្រប់គ្រងយ៉ាងណាកើត? គ្រាន់តែបងប្អូនឆ្លើយខ្លួនឯងដឹងនៅចម្លើយដែរ។ ទោះបីយ៉ាងណាបើតាមអុ្នកនាំពាក្យយោធាថៃបានបដិសេធថាគេមិនមានបំណងវៃតំបន់ដានោះទេ!និងថាជាពត៍មានលក្លែងក្លាយ។ បើតាមការចុះផ្សាយដោយសារព័ត៌មានថៃThe Nation នៅថ្ងៃទី១៧ខែវិច្ឆិកាឆ្នាំ២០២៥នេះលោកRicha Suksuwanon អ្នកនាំពាក្យរងកងទ័ពថៃបាននិយាយថា មានការផ្សព្វផ្សាយថា កងទ័ពថៃកំពុងរៀបចំវាយប្រហារនៅតំបន់ថ្មដា និងតំបន់អូរភ្លុកដំរី ស្ថិតក្នុងខេត្តពោធិ៍សាត់នៅថ្ងៃអង្គារស្អែកនេះ។ លោកថា ព័ត៌មាននេះមិនពិតនោះទេ។