វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 995 នាក់
ម្សិលមិញ 5168 នាក់
សរុប 16013129 នាក់
ភ្នំពេញ៖ កម្លាំងនគរបាលរាជធានីផញនំពេញ បានតាមចាប់បុរសជនជាតិកូរ៉េជាជនសង្ស័យបានហើយ នៅល្ងាចថ្ងៃទី១៨ ខែមករានេះ ដែលពាក់ព័ន្ធនឹងឃាតកម្មលើស្ត្រីខ្មែរ នៅសណ្ឋាគារ HOME CHIC នៅខណ្ឌបឹងកេងកង កាលពីថ្ងៃម្សិលមិញ។
លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាក់ថា ជនល្មើសជាជនជាតិកូរ៉េរូបនេះ ត្រូវបានចាប់ខ្លូននៅសង្កាត់ព្រែកហូរ ក្រុងតាខ្មៅ ខេត្តកណ្តាល។ ក្រោយការចាប់ខ្លួន ជនល្មើសត្រូវបាននាំខ្លួនមកកាន់ស្នងការដ្ឋាននគរបាលរាជធានីភ្នំពេញ ដើម្បីសួរនាំ និងចាត់ការតាមច្បាប់បន្តទៀត។
សូមបញ្ជាក់ថា កាលពីរសៀលថ្ងៃទី១៧ ខែមករា ឆ្នាំ២០២៥ ស្ត្រីជនជាតិខ្មែរ ត្រូវបានគេប្រទះឃើញស្លាប់នៅក្រោមគ្រែ ក្នុងសណ្ឋាគារ HOME CHIC តាមផ្លូវ២៨២ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ក្រោយស្ត្រីរងគ្រោះបានចូលទៅដេក ជាមួយបុរសជនជាតិកូរ៉េរូបនេះ។អត្តសញ្ញាណនារីខ្មែររងគ្រោះដែលគេសម្លាប់ នាងមានឈ្មោះ ឃឹម ពេជ្រដាលីស អាយុ២៤ឆ្នាំ ។
នាងត្រូវជនសង្ស័យជាឃាតកជនជាតិកូរ៉េខាងត្បូងឈ្មោះ Lee Tai Sik អាយុ៤៣ឆ្នាំ នាំមកជួលបន្ទប់ជាន់ទី២នៃសណ្ឋាគារ HOME CHIC ស្ថិតនៅផ្លូវ២៨២ សង្កាត់បឹងកេងកង១ ខណ្ឌបឹងកេងកង កាលពីម៉ោង៣ទៀបភ្លឺថ្ងៃទី១៧ មករា ។
បើតាមការធ្វើកោសល្យវិច្ច័យរបស់សមត្ថកិច្ច នាងត្រូវជន សង្ស័យរំលោភ២ដង មុនពេលជនសង្ស័យយកខ្នើយខ្ទប់មុខរហូតដាច់ខ្យល់ស្លាប់ រួចយកញាត់ចូលក្រោមគ្រែប្រអប់ ហើយជនដៃដល់បានចាកចេញនៅម៉ោង១១ថ្ងៃត្រង់ថ្ងៃទី១៧ មករាដដែល ។សពជនរងគ្រោះត្រូវអ្នកបម្រើសណ្ឋាគារឃើញនិងរាយការណ៍ទៅសមត្ថកិច្ច ។ បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនទៅតុលាការ ៕