វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4993 នាក់
ម្សិលមិញ 10264 នាក់
សរុប 14144175 នាក់
ប្រទេសអ៊ុយក្រែន៖នាវាដឹកទំនិញ ពីរស្ស៊ី ដែលមានចំណុះ ដល់ទៅជាង ៣ពាន់តោនត្រូវបានសមត្តកិច្ចនៃប្រទេសអ៊ុក្រែនចាប់ឃាត់ដោយចោទថាគាំទ្រភេរវកម្ម ។
នៅថ្ងៃទី២ ខែវិច្ឆិកាលោក យូរីលុកសេនកូ(Yuri Lutsenko )អគ្គរដ្ឋអាជ្ញាប្រទេស អ៊ុយក្រែន បានប្រកាសឲ្យដឹងថា កម្លាំងទាហាន បានឃាត់នាវាដឹកទំនិញមួយគ្រឿង ដែលដឹកទំនិញពីរុស្ស៊ីចូលទៅកាន់ប្រទេស ប៊ែលហ្សិច ដោយបានផ្ទុកទំនិញជាង ៣០០០តោន នៅទីក្រុងកំពង់ផែ Mariupol ។
លោក យូរីលុកសេនកូ(Yuri Lutsenko បន្តទៀតថា ទំនិញជាង ៣០០០តោនគឺផលិតនៅក្នុងរោងចក្រដែកថែម Alchesky ត្រូវបានបញ្ជូនពីកំពង់ផែ មួយរបស់រុស្ស៊ី ទៅកាន់ប្រទេសប៊ែលហ្សិច ដោយនាវាដឹកទំនិញខាងលើប្រើទង់ជាតិ ប្រទេសលីបេរីយ៉ា(Liberia) ហើយត្រូវបានចាប់ខ្លួននៅកំពង់ផែម៉ារីយ៉ូប៉ូល( Mariupol) ។មូលហេតុ លោកYuri Lutsenko ថាជាសកម្មភាព បានបំពានច្បាប់ និងរងការចោទប្រកាន់ពីបទផ្តល់ហិរញ្ញវត្ថុ ដល់ក្រុមភេរវកម្ម ។
ទោះជាយ៉ាងណា ការចាប់នាវា រុស្សីត្រូវបានគេមើលឃើញថា ជាការសងសឹកទៅនឹងច្បាប់ ដាក់ទណ្ឌកម្មរបស់រុស្ស៊ីទៅលើប្រទេសអ៊ុយក្រេន ដែលនាយករដ្ឋមន្ត្រីឌីមីទ្រីម៉េដវ៉េដេវ( Dmitry Medvedev)ដែល បានអនុម័តអនុក្រឹតមួយកាលពីថ្ងៃទី១ ខែវិច្ឆិកា ។រុស្ស៊ីក៏បានដាក់ទណ្ឌកម្ម ទៅលើបុគ្គល៣២២រូបរួមទាំងក្រុមហ៊ុនចំនួន៦៨ក្រុមហ៊ុនរបស់អ៊ុយក្រែនឲ្យស្ថិតនៅក្នុងបញ្ជីរខ្មៅ ។នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៊ីនហួ នៅយប់ថ្ងៃព្រហស្បតិ៍ ទី០១ ខែវិច្ឆិកា ឆ្នាំ២០១៨ ។
ទណ្ឌកម្មខាងលើដែលជាការបង្គាប់របស់ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីខែមុន រួមមានការបង្កកទ្រព្យសម្បត្តិរបស់បុគ្គល និងអង្គភាពដែលជាប់ក្នុងបញ្ជីខ្មៅ នៅក្នុងប្រទេសរុស្ស៊ី ព្រមទាំងបម្រាមលើការផ្ទេរប្រាក់របស់ពួកគេទាំងនោះចេញពីប្រទេសរុស្ស៊ីជាដើម ។
គួរជម្រាបថា ទំនាក់ទំនងរវាងប្រទេសទាំងពីរ បាននិងកំពុងបន្តធ្លាក់ចុះដុនដាប ចាប់តាំងតែពីដើមឆ្នាំ២០១៤ ដោយសារបញ្ហាតំបន់គ្រីមៀ និងជម្លោះប្រដាប់អាវុធនៅភាគខាងកើតអ៊ុយក្រែន ។ ចាប់តាំងពីពេលនោះមក ទីក្រុងកៀវ បានដាក់ទណ្ឌកម្មជាបន្តបន្ទាប់ប្រឆាំងនឹងប្រទេសរុស្ស៊ី ៕