វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 120 នាក់
ម្សិលមិញ 3355 នាក់
សរុប 13408996 នាក់
វៀតណាម៖ មនុស្សជាច្រើននាក់បានស្លាប់ និងរងរបួសនៅក្នុងការបាញ់ប្រហារគ្នាមួយនៅទីស្នាក់ការប៉ូលិសចំនួនពីរនៅតំបន់ខ្ពង់រាបកណ្តាល( Central Highlands )ប្រទេសវៀតណាម កាលពីព្រឹកថ្ងៃអាទិត្យទី១១មិថុនា។
គេហទំព័ររបស់ក្រសួងសន្តិសុខសាធារណៈវៀតណាមបានឱ្យដឹងថា មនុស្សចំនួន៦នាក់ត្រូវបានចាប់ខ្លួន ពាក់ព័ន្ធនឹងការបាញ់ប្រហារនៅក្នុងស្រុកគូគ្វិន( Cu Kuin) នៃខេត្តដាក់ឡាត( Dak Lak)ដោយបន្ថែមថា ក្រុមស៊ើបអង្កេតកំពុងស្វែងរកជនសង្ស័យបន្ថែមទៀត។ យោងតាមគេហទំព័រដដែល បានឱ្យដឹងថា ការវាយប្រហារលើទីស្នាក់ការប៉ូលិសទាំងនៅឃុំអ៊ីទៀវ( Ea Tieu )និងឃុំអ៊ីទួ( Ea Ktur )បានធ្វើឱ្យមនុស្សមួយចំនួន រួមទាំងប៉ូលិស មន្ត្រីមូលដ្ឋាន និងជនស៊ីវិល ត្រូវបានសម្លាប់ និងរងរបួស ប៉ុន្តែមិនបានផ្តល់តួលេខពិតប្រាកដនោះទេ។
តំបន់ Central Highlands ដែលជាជម្រករស់នៅរបស់ជនជាតិភាគតិចមួយចំនួន ត្រូវបានចាត់ទុកថាជាតំបន់រសើបសម្រាប់រដ្ឋាភិបាលផ្តាច់ការរបស់វៀតណាម ហើយបានក្លាយជាកន្លែងដ៏ក្ដៅគគុកនៃការមិនពេញចិត្តជាយូរណាស់មកហើយ ជុំវិញបញ្ហានានា ដែលក្នុងនោះរួមមានសិទ្ធិដីធ្លីផងដែរ។ កុលសម្ព័ន្ធមួយចំនួននៅក្នុងតំបន់ដែលត្រូវបានគេស្គាល់ថាជាក្រុមម៉ុងតាញ៉ា បានចូលដៃចូលជើងជាមួយនឹងក្រុមវៀតណាមខាងត្បូង ដែលគាំទ្រដោយសហរដ្ឋអាម៉េរិកក្នុងអំឡុងពេលសង្គ្រាមរបស់វៀតណាម។ កុលសម្ព័ន្ធខ្លះកំពុងអំពាវនាវឱ្យមានស្វ័យភាពបន្ថែមទៀត ខណៈដែលអ្នកផ្សេងទៀតនៅដែលស្នាក់នៅបរទេស កំពុងតស៊ូមតិទាមទារឯករាជ្យសម្រាប់តំបន់នេះ។
អំពើហិង្សាដោយកាំភ្លើង គឺជាហេតុការណ៍ដ៏កម្របំផុតនៅក្នុងប្រទេសវៀតណាម ដោយហេតុថាវាជាអំពើខុសច្បាប់សម្រាប់ពលរដ្ឋក្នុងការកាន់កាប់អាវុធ ហើយទីផ្សារងងឹតសម្រាប់ការលក់ដូរអាវុធ នៅមានកម្រិត។
យ៉ាងណាមិញ មនុស្ស៤នាក់ត្រូវបានបាញ់សម្លាប់នៅសង្វៀនជល់មាន់ខុសច្បាប់ នៅជាយក្រុងហូជីមិញក្នុងខែមករាឆ្នាំ ២០២០។ នៅក្នុងការបាញ់ប្រហារដ៏កម្រមួយផ្សេងទៀតក្នុងឆ្នាំ២០១៦ មន្ត្រីជាន់ខ្ពស់ពីរនាក់នៅខេត្ត Yen Bai ភាគខាងជើង ត្រូវបានសម្លាប់ដោយសហសេវិកនៅការិយាល័យរបស់ពួកគេ មុនពេលខ្មាន់កាំភ្លើងបានបាញ់សម្លាប់ខ្លួនឯង៕