អាមេរិក នឹងបន្តដាក់ទណ្ឌកម្មផ្នែកហិរញ្ញវត្ថុចំពោះអ្នកដែលនៅជុំវិញខ្លួន ប្រធានាធិបតីវេណេហ្ស៊ុអេឡា
27-March-2024 / ព័ត៌មានអន្តរជាតិ
វេណសហ្សុយអេឡា៖ ក្រសួងរតនាគារអាមេរិក កាលពីថ្ងៃទី២៥ ខែកញ្ញា បានឲ្យដឹងថាសហរដ្ឋអាមេរិកកំពុងចាប់ផ្តើមដាក់ទណ្ឌកម្មបន្តទៅទៀតទៅលើមនុស្សជុំវិញខ្លួនលោក នីកូឡាស ម៉ាឌូរ៉ូ ចំនួន៤នាក់ដូចជា លោកស្រី ហ្វ្រលរ៉េ ភរិយារបស់លោក នីកូឡាស ម៉ាឌូរ៉ូ។
លោកស្រី ឌែលស៊ី រ៉ទ្រីហ្គើស អនុប្រធានាធិបតី។ លោក ច រ៉ទ្រីហ្គើស រដ្ឋមន្ត្រីក្រសួងថាមពលអគ្គិសនី និងលោក ប៉ាទ្រីណូ រដ្ឋមន្ត្រីក្រសួងការពារជាតិប្រទេសវេណេហ្ស៊ុអេឡា។
យោងតាមសេចក្តីប្រកាសព័ត៌មានក្រសួងរតនាគារអាមេរិក បានឲ្យដឹងថាទ្រព្យសម្បត្តិឬផលប្រយោជន៍ផ្នែកហិរញ្ញវត្ថុនានារបស់អ្នកទាំងនោះដែលនៅសហរដ្ឋអាមេរិកត្រូវបង្កក។ អាមេរិកក៏ហាមជនជាតិរបស់ខ្លួនមិនឲ្យធ្វើជំនួញណាមួយជាមួយអ្នកទាំងបួននាក់នោះផងដែរ។
តាមប្រភពខាងលើ ការដាក់ទណ្ឌកម្មប្រឆាំងនឹងអ្នកទាំងបួននាក់នោះមិនបានធ្វើឡើងជាអចិន្ត្រៃយ៍នោះទេ។ ការដាក់ទណ្ឌកម្មនេះគ្រាន់ចង់ឲ្យក្រុមមនុស្សទាំងនោះផ្លាស់ប្តូឥរិយាបថរបស់ខ្លួនតែប៉ុណ្ណោះ ពោលគឺចង់ឲ្យពួកគេជួយស្ដារប្រជាធិបតេយ្យនៅវេណេហ្សេអ៊ុឡាឡើងវិញតែប៉ុណ្ណោះ ហើយបញ្ឈប់ការចូលរួមរួមការរំលោភសិទ្ធិមនុស្ស ហ៊ាននិយាយរិះគន់អ្នកដែលរំលោភសិទ្ធិមនុស្ស និងហ៊ានចេញមុខប្រឆាំងនឹងអំពើពុករលួយ។
ទីភ្នាក់ងារពតិមានអង់គ្លេស Reuters កាលពីម្សិលមិញបានផ្សាយថា៖ បណ្តាប្រទេសនៅអាមេរិកឡាទីន និងប្រទេសកាណាដា បានស្នើឲ្យតុលាការព្រហ្មទណ្ឌអន្តរជាតិឲ្យស៊ើបអង្កេតរដ្ឋាភិបាលវេណេហ្ស៊ុអេឡាលើការចោទប្រកាន់ពីបទឧក្រិដ្ឋកម្មប្រឆាំងនឹងមនុស្សជាតិ ក្នុងការប្រើប្រាស់កម្លាំងដើម្បីបង្ក្រាបក្រុមអ្នកនយោបាយដទៃ។ប្រធានាធិបតីរបស់ប្រទេសប៉េរូ អាហ្សង់ទីន ឈីលី កូឡុំប៊ីនិងប៉ារ៉ាហ្គាយ និងលោក ចាស្ទីន ទ្រូឌូរ នាយករដ្ឋមន្ត្រីនៃប្រទេសកាណាដា កាលពីថ្ងៃអង្គារ បានចុះហត្ថលេខាលើលិខិតមួយផ្ញើទៅតុលាការព្រហ្មទណ្ឌអន្តរជាតិឲ្យស៊ើបអង្កេតលើរដ្ឋាភិបាលវេណេហ្ស៊ុអេឡា។
ក្រុមអ្នកជំនាញបានរកឃើញថា រដ្ឋាភិបាលរបស់វេណេហ្ស៊ុអេឡាត្រូវទទួលខុសត្រូវចំពោះឧក្រិដ្ឋកម្មរាប់ចាប់ពីការធ្វើទារុណកម្ម ឃាតកម្ម និងការរំលោភឲ្យបាត់ខ្លួនដោយបង្ខំ និងការរំលោភបំពាននៃដំណើរការផ្សេងៗទៀត។
ក្រុមសិទិ្ធមនុស្សបានរកឃើញថាក្នុងការបង្ក្រាបចំនួនពីរនៅឆ្នាំ ២០១៤ និង ២០១៧ កងកម្លាំងសន្តិសុខវេណេហ្ស៊ុអេឡាបានប្រព្រឹត្តការរំលោភបំពានជាប្រព័ន្ធប្រឆាំងនឹងការរិះគន់ រួមទាំងការធ្វើទារុណកម្មនិងឃុំខ្លួនមនុស្សជាង ៥៤០០ នាក់ នៅចន្លោះខែមេសានិងខែកក្កដាឆ្នាំ 2017 ។
សូមបញ្ជាក់ថាបក្សប្រឆាំងវេណសហ្សុយអេឡានិងសហគមអន្តរជាតិ មិនទទួលស្គាល់លទ្ធផល នៃការបោះឆ្នោតនេះទេ ដោយសារតែបក្សកាន់អំណាចបានទិញទឹកចិត្តអ្នកបោះឆ្នោតដែលជាប្រជាជនក្រីក្រ តាមរយៈការផ្ដល់ជាចំណីនិងវេប្រាក់ឲ្យពួកគេ។ ម្យ៉ាងវិញទៀតគណបក្សសហភាពសង្គមនិយមវេណេហ្ស៊ុអេឡារបស់ប្រធានាធិបតី នីកូឡាស ម៉ាឌូរ៉ូ បានប្រើដោយសេរីនូវធនធានរដ្ឋនៅអំឡុងពេលឃោសនាបោះឆ្នោត។
ប្រទេសវេណសហ្សុយអេឡាជាប្រទេសសម្បូរប្រេងតែ ដោយសារតែសេដ្ឋកិច្ចធ្លាក់ចុះបណ្តាលមកពីការដាក់ទណ្ឌកម្មពីអាមេរិកចិនបាននិងកំពុងចាប់យកប្រទេសនេះជាចំណាប់ខ្មាំងតាមរយៈផ្តលប្រាក់កម្ចីយ៉ាងច្រើនដោយវេណេហ្សុយអេឡាត្រូវលក់ប្រេងក្នុងតម្លៃថោកឲ្យប្រទេសចិន៕
