រដ្ឋមន្ត្រីក្រសួងវប្បធម័ថៃនិងកម្ពុជាម៉ាំងទៅម៉ាំងមក!
07-May-2026 / ព័ត៌មានជាតិ
កម្ពុជាថៃ៖ក្រសួងវប្បធម៌និងវិចិត្រសិល្បៈ បានបដិសេធទាំងស្រុងចំពោះការលើកឡើងរបស់លោកជំទាវផែតងតានស៊ីណាវ៉ាត( Paetongtarn Shinawatra )រដ្ឋមន្ត្រីក្រសួងវប្បធម៌នៃព្រះរាជាណាចក្រថៃ កាលពីថ្ងៃទី០៤ ខែកក្កដា ឆ្នាំ២០២៥ ដែលបានអះអាងថាក្រុមប្រាសាទតាមាន់ ស្ថិតនៅក្នុងអំណាចអធិបតេយ្យរបស់ថៃ ដោយបានប្រកាសចុះបញ្ជីជាវិមានបុរាណ នាពុទ្ធសករាជ២៥០៥។
យោងតាម សេចក្តីប្រកាសព័ត៌មានក្រសួងវប្បធម៌ និងវិចិត្រសិល្បៈ បញ្ជាក់ថា ការអះអាងរបស់ភាគីថៃដែលថា ក្រុមប្រាសាទតាមាន់ ស្ថិតនៅក្នុងអំណាចអធិបតេយ្យរបស់ថៃតាមរយៈការប្រើប្រាស់ផែនទី ដែលគូសជាឯកតោភាគី គឺពុំមានតម្លៃគតិយុត្តអ្វីទាំងអស់ ជាពិសេសផ្ទុយទៅនឹងខ្លឹមសារនៃអនុស្សរណៈនៃការយោគយល់គ្នា (MoU) ឆ្នាំ២០០០ ដែលភាគីទាំងពីរបានឯកភាពគ្នាគោរពនិងប្រើប្រាស់ផែនទីមាត្រដ្ឋាន ១/២០០.០០០ ស្របតាមស្មារតីនៃអនុសញ្ញា បារាំង-សៀម ឆ្នាំ១៩០៤ និងសន្ធិសញ្ញាបារាំង-សៀម ឆ្នាំ១៩០៧ ដែលកំពុងស្ថិតនៅជាធរមាន។
សូមបញ្ជាក់ដែរថាថ្មីៗនេះ រដ្ឋមន្ត្រី ក្រសួងវប្បធម៌ និងវិចិត្រសិល្បៈ លោកស្រី ភឿង សកុណា បានមានប្រសាសន៍ចោទថៃថា ការកសាងប្រាសាទ Siha Nakhon នៅក្នុងវត្ត Phu Man Fah មានទីតាំងនៅខេត្តបុរីរម្យ ប្រទេសថៃដោយចម្លងប្លង់ប្រាសាទអង្គរវត្ត គឺជាការបំពានលើអត្តសញ្ញាណនិងព្រលឹងវប្បធម៌ជាតិខ្មែរ។ថ្លែងនៅសន្និសីទសារព័ត៌មាននៅក្រោយកិច្ចប្រជុំបច្ចេកទេសលើកទី៤០របស់គណៈកម្មាធិការអាយស៊ីស៊ី-អង្គរ/សំបូរព្រៃគុក លោកស្រីបណ្ឌិតសភាចារ្យ ភឿង សកុណា ប្រធានក្រុមប្រឹក្សាភិបាលអាជ្ញាធរជាតិអប្សរា បានលើកយកការសាងសង់ប្រាសាទ Siha Nakhon នៅក្នុងវត្ត Phu Man Fah មានទីតាំងនៅខេត្តបុរីរម្យ ប្រទេសថៃដោយចម្លងប្លង់ប្រាសាទអង្គរវត្ត គឺការបំពានទាំងស្រុងទៅនឹងកាតព្វកិច្ចក្នុងនាមជារដ្ឋភាគីនៃអនុសញ្ញាបេតិកភណ្ឌពិភលោក ឆ្នាំ១៩៧២ បំពានទៅលើតម្លៃលេចធ្លោជាសកល និងសភាពដើមនៃរមណីយដ្ឋានអង្គរ បំពានទៅលើអត្តសញ្ញាណនិងព្រលឹងជាតិវប្បធម៌ខ្មែរ និងជាកង្វះខាតផ្នែកសីលធម៌បេតិកភណ្ឌយ៉ាងធ្ងន់ធ្ងរ។
សូមបញ្ជាក់ថាក្រៅពីបញ្ហាប្រសាទតាមាន់សែតថៃ Khaosod English បានរាយការណ៍ថា រដ្ឋមន្ត្រីក្រសួងវប្បធម៌ថៃ និងជានាយករដ្ឋមន្ត្រីព្យួរតំណែង លោកស្រី ផែថងថាន ស៊ីណាវ៉ាត់ បានបញ្ជាឲ្យអាជ្ញាធរថៃបញ្ឈប់ការត្រៀមប្រគល់វត្ថុបុរាណខ្មែរចំនួន២០ មកប្រទេសកម្ពុជា។ លោកស្រី ផែថងថាន ក៏បានព្រមានទៀតថា លោកស្រីនឹងចាត់វិធានការផ្លូវច្បាប់ចំពោះអ្នកដែលចោទលោកស្រីថា បានគប់គិតជាមួយប្រទេសកម្ពុជាក្នុងការបញ្ជូនវត្ថុបុរាណត្រឡប់មកកម្ពុជាវិញ។
កាសែតថៃ Khaosod English ក៏បានស្រង់សម្តីអ្នកនាំពាក្យរដ្ឋាភិបាលថៃលោក ជីរ៉ាយុ ហ័ងសុប ថាព័ត៌មានដែលចុះថាក្រសួងវប្បធម៌ថៃគ្រោងបញ្ជូនវត្ថុបុរាណចំនួន២០ មកកម្ពុជាវិញនោះ ជាព័ត៌មានក្លែងក្លាយ។ អ្នកនាំពាក្យរដ្ឋាភិបាលថៃរូបនេះសង្កត់ធ្ងន់ថា ព័ត៌មានខាងលើជាព័ត៌មានចាស់កាលពី២៥ឆ្នាំមុន។ តាមលោក ជីរ៉ាយុ ហ័ងសុប កាលពីពេលនោះ នាយកដ្ឋានគយថៃបានរឹបអូសវត្ថុបុរាណចំនួន៤៣មុខ ដែលស្រដៀងនឹងវត្ថុបុរាណរបស់កម្ពុជា និងដែលបាននាំចូលដោយខុសច្បាប់ពីប្រទេសសិង្ហបុរី។ ប៉ុន្តែក្រោយមករដ្ឋាភិបាលកម្ពុជា បានដាក់សំណើស្នើសុំវត្ថុបុរាណចំនួន២០ នោះមកវិញ ដែលរួមជាមួយនឹងឯកសារ និងភស្តុតាងបញ្ជាក់ពីការទាមទារកម្មសិទ្ធិទៅកាន់ក្រសួងវប្បធម៌ថៃ។
ទាក់ទងវត្ថុបុរាណនេះដែរខាងក្រសួងវប្បធម៌កម្ពុជានៅមិនទាន់មានប្រតិកម្មយ៉ាងណានៅឡើយចំពោះបញ្ហានេះ បើទោះជាមានសេចក្តីប្រកាសពត៍មានបដិសេធរឿប្រាសាទតាមាន់ក៏ដោយ។ តែកាលពីកន្លងទៅ អ្នកនាំពាក្យក្រសួងវប្បធម៌កម្ពុជា លោក ស៊ំ ម៉ាប់ធ្លាប់បានអះអាងថា វត្ថុបុរាណចំនួន២០នេះ ត្រូវបានរដ្ឋាភិបាលថៃឯកភាពប្រគល់មកកម្ពុជាវិញ នឹងត្រូវបញ្ជូនមកកម្ពុជានៅខែសីហា ឆ្នាំ២០២៥នេះ។ តាមលោក ស៊ុំ ម៉ាប់ វត្ថុបុរាណចំនួន ២០នេះ ស្ថិតក្នុងចំណោមវត្ថុបុរាណចំនួន៤៣ ដែលជនទុច្ចរិតបានលួចគាស់កកាយតាមប្រាសាទខ្មែរ នៅអំឡុងសង្គ្រាម ហើយនាំចូលទៅប្រទេសថៃដោយខុសច្បាប់។
កាលពី ក្នុងអំឡុងដំណើរទស្សនកិច្ចរបស់នាយករដ្ឋមន្ត្រីថៃលោកស្រី ផែថងថាន ស៊ីណាវ៉ាត់ មកកម្ពុជាកាលពីពាក់កណ្តាលខែមេសា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត ក៏បានអរគុណរដ្ឋាភិបាលថៃ ដែលសម្រេចចិត្តប្រគល់ជូនកម្ពុជាវិញ នូវវត្ថុបុរាណខ្មែរចំនួន ២០នេះដែរ។ តែឥឡូវសភាពការណ៍បានប្រែផ្លាស់។បើគិតចាប់តាំងពីឆ្នាំ១៩៩៦ រហូតដល់ខែកក្កដា ឆ្នាំ២០២៤នេះ កម្ពុជាទទួលបានវត្ថុបុរាណខ្មែរសរុបចំនួន ១០៩៨ ពីប្រទេសចំនួន ១៥ រួមមានសហរដ្ឋអាមេរិក បារាំង អូស្ត្រាលី អង់គ្លេស ចិន និងថៃជាដើម៕
.png&h=97&w=146)
