វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9376 នាក់
ម្សិលមិញ 8227 នាក់
សរុប 14136257 នាក់
ភ្នំពេញ៖បុរសជនជាតិចិនម្នាក់បានស្លាប់នៅមណ្ឌលចត្តាឡីសក័បង្កការភ្ញាក់ផ្អើលនៅរសៀលថ្ងៃទី៤មិនា។នេះបើយោងតាមស្ថានទូតចិនប្រចាំនៅប្រទេសកម្ពុជាថ្លែងប្រាប់សារព័ត៌មានស៊ីស៊ីថាមស៍។ស្ថានទូតចិនបានឱ្យកាសែតដឹងថា ចំពោះមូលហេតុនៃការស្លាប់វិញ គឺស្ថានទូតមិនទាន់ដឹងច្បាស់នៅឡើយទេ ដោយរង់ចាំរបាយការណ៍របស់ក្រសួងសុខាភិបាល។
ករណីយ៍នេះលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានផ្ញើលិខិតមួយជូន ឯកឧត្តមឧបនាយករដ្ឋមន្ត្រី រដ្ឋមន្ដ្រីក្រសួងការបរទេស អំពីករណីមរណៈភាពបុរសជនជាតិ ចិនម្នាក់ ក្នុងអំឡុងពេលទទួលការព្យាបាលជំងឺកូវីដ-១៩ នៅក្នុងមណ្ឌលព្យាបាលកូវីដ-១៩ ព្រែកព្នៅ រាជធានីភ្នំពេញ។
សេចក្តីដូចមានចែងក្នុងកម្មវត្ថុខាងលើ សូមគោរពជម្រាបជូន ឯកឧត្តមឧបនាយករដ្ឋមន្ត្រីមេត្តាជ្រាបដ៏ខ្ពង់ខ្ពស់ថា បុរសជនជាតិចិនម្នាក់ដែលមានអត្តសញ្ញាណដូចខាងក្រោម បានទទួលមរណៈភាពនៅក្នុងមណ្ឌលព្យាបាលកូវីដ-១៩ ព្រែកព្នៅ។
• នាម-គោត្តនាម៖ ឡាយ ប៊ីនស៊ាង (LAY BINXIANG)• ថ្ងៃខែឆ្នាំកំណើត៖ ថ្ងៃទី១៩ ខែឧសភា ឆ្នាំ១៩៨៧
• លិខិតឆ្លងដែនលេខ៖ EH5340113• ភេទ៖ ប្រុស• ទីកន្លែងកំណើត៖ ហ្វ៊ូជាន ប្រទេសចិន
• សញ្ជាតិ៖ ចិន• ទីកន្លែងស្នាក់នៅ៖ សណ្ឋាគារខូល័រ (សង្កាត់ទន្លេបាសាក់ ខណ្ឌចំការមន រាជធានីភ្នំពេញ)
• ថ្ងៃខែឆ្នាំចូលមកដល់កម្ពុជា (ក្រុងព្រះសីហនុ )៖ ថ្ងៃទី២៥ ខែតុលា ឆ្នាំ២០១៩ Igtegiuniamnunığınynia-9e: igöbd teny: givob9
• ថ្ងៃខែឆ្នាំចូលសម្រាកព្យាបាលនៅមណ្ឌលព្យាបាលកូវីដ-១៩ ព្រែកព្នៅ៖ ថ្ងៃទី០១ ខែមីនា ឆ្នាំ២០២១ - ថ្ងៃខែឆ្នាំទទួលមរណៈភាព ៖ ថ្ងៃទី០៤ ខែមីនា ឆ្នាំ២០២១ វេលាម៉ោង ០៩:០០ព្រឹក (នៅក្នុងមណ្ឌលព្យាបាលកូវីដ-១៩
• ប្រវត្តិនៃការឆ្លងជំងឺកូវីដ-១៩៖ បុគ្គលបានប៉ះពាល់ផ្ទាល់នឹងអ្នកជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ
• ស្ថានភាពទូទៅរបស់អ្នកជំងឺ៖ ជាអ្នកជក់បារីច្រើន• ស្ថានភាពមុនពេលស្លាប់៖ អ្នកជំងឺបានសម្រាកព្យាបាលនៅមណ្ឌលព្យាបាលកូវដ-១៩ ព្រែកព្នៅ ដោយមាន លទ្ធផលវិភាគវត្ថុសំណាកមានវិជ្ជមានកូវីដ-១៩ នៅថ្ងៃទី០១ ខែមីនា ឆ្នាំ២០២១ ដោយមិនមានរោគសញ្ញា។
ក្រោយពីក្រុមការងារកោសល្យវិច្ច័យបានពិនិត្យសាកសពនៅថ្ងៃទី០៤ ខែមីនា ឆ្នាំ២០២១ ឃើញថា លទ្ធផលទទួលបានពីការពិនិត្យទឹកនោមបានបង្ហាញថា មានសារធាតុអំហ្វេតាមីនខ្ពស់ ដូច្នេះ បុគ្គលនេះ បានប្រើប្រាស់សារធាតុញៀនប្រភេទអំហ្វេតាមីនក្នុងរយៈពេលយូរមកហើយ។
សេចក្តីសន្និដ្ឋាន៖ អ្នកជំងឺទទួលមរណៈភាពភ្លាមៗ ដោយសភាព វើមេថ្នាំញៀនធ្ងន់ធ្ងរ បណ្តាលឲ្យគាំង បេះដូងស្លាប់ភ្លាមៗតែម្តង។ ក្រសួងសុខាភិបាលកំពុងបន្តអនុវត្តវិធានការគ្រប់គ្រងសាកសពក្នុងបរិបទកូវីដ-១៩ ដោយពិភាក្សា ជាមួយស្ថានទូតចិនប្រចាំនៅកម្ពុជា។
សូមជម្រាបថា គិតត្រឹមថ្ងៃទី០៤ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន៩០៩នាក់ ក្នុងនោះអ្នកជាសះស្បើយចំនួន ៤៨៤នាក់ និងកំពុងសម្រាកព្យាបាលចំនួន ៤២៥នាក់ ហើយករណីឆ្លងក្នុងសហគមន៍នៅពេលចុងក្រោយនេះ ភាគច្រើនជាជនជាតិចិន៕