អយ្យការចោទមន្ត្រីនគរបាលដែលនឹងត្រូវបណ្តេញចេញពីក្របខណ្ឌពីករណីបើកឡានបុកមនុស្សស្លាប់និងរបួស
21-September-2026 / សន្តិសុខសង្គម
ភ្នំពេញ៖អយ្យការអមតុលាការាជធានីភ្នំពេញបានចោទប្រកាន់មន្ត្រីនគរបាលរាជាធានីភ្ណពេញឈ្មោះ ហ៊ុន ហេង ភេទប្រុសពីករណីងបើកឡានបុកមនុស្សស្លាប់និងរបួស។ក្រៅពីនេះមន្ត្រីនគរបាលរូបនេះ នឹងត្រូវបណ្តេញចេញពីក្របខណ្ឌផងដែរ។
ឯកឧត្តម ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បាសរសេរនៅលើបណ្ដាញសង្គម នាព្រឹកថ្ងៃទី១៧ ខែឧសភា ឆ្នាំ ២០២៥ យ៉ាងដូច្នេះថា ៖ “ប៉ុន្មានថ្ងៃនេះ មានការជជែកវែកញែកច្រើនតាមបណ្ដាញសង្គម លើករណីគ្រោះថ្នាក់ចរាចរណ៍ កាលពីរសៀលថ្ងៃ ទី១៥ ខែឧសភា ២០២៥ មុខក្រសួងមហាផ្ទៃ ធ្វើឱ្យមានអ្នករបស់ធ្ងន់ស្រាល និងបាត់បង់ជីវិតមនុស្ស ដែលបង្ករឡើងដោយ នគរបាលរាជធានីម្នាក់ ឈ្មោះ ហ៊ុន ហេង ភេទប្រុស”។
ឯកឧត្តម ឧត្ដមសេនីយ៍ឯក ជួន ណារិន្ទ បានបញ្ជាក់ថា បន្ទាប់ពីកើតហេតុលោកបានបញ្ជាឱ្យជំនាញ និងមូលដ្ឋាន ចុះដល់កន្លែងកើតហេតុគឺ ចាត់ចែងឃាត់ខ្លួនអ្នកបង្ករ (វាស់ជាតិអាល់កុល) សង្គ្រោះ អ្នករបួស និងរៀចចំសណ្ដាប់ធ្នាប់។ ច្បាប់គឺមិនបានបែកចែកវណ្ណៈនោះទេ គឺអនុវត្តន៍ដូចគ្នា ស្មើភាពគ្នា (ខ្ញុំបាទមិនដែលលើកលែងទេអ្នកប្រព្រឹត្តបទល្មើស)។ឯកឧត្តម ឧត្ដមសេនីយ៍ឯក ជួន ណារិន្ទ បានបញ្ជាក់ថា ពេលនេះ ឈ្មោះ ហ៊ុន ហេង បានរៀបចំនីតិវិធីបញ្ជូនទៅតុលាការនាព្រឹកនេះ ព្រមទាំងអនុវត្តន៍នូវបទពិន័យនគរបាលជាតិកម្ពុជាបណ្ដេញចេញពីក្របខ័ណផងដែរ។ ឯកឧត្តមស្នងការក៏បានសំណូមពរដល់អ្នកប្រើប្រាស់មធ្យោបាយលើផ្លូវគ្រប់ប្រភេទ ត្រូវតែចូលរួមគោរពច្បាប់ចរាចរណ៍ជាដាច់ខាតទាំងអស់គ្នា (បើស្រវឹងកុំបើកបរ)។
សូមជម្រាបថា កាលពីរសៀលថ្ងៃទី១៥ ខែឧសភា ឆ្នាំ២០២៥ មានករណីគ្រោះថ្នាក់ចរាចរណ៍មួយកេីតឡេីងនៅលេីកំណាត់ផ្លូវនរោត្តម ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ បង្កឡេីងដយរថយន្តលុចស៊ីស RX 400 បានបុករះម៉ូតូកង់បីចំនួន ៣គ្រឿង ម៉ូតូ ១គ្រឿង និងរថយន្ត ១គ្រឿង បណ្តាលអោយជនរងគ្រោះម្នាក់ស្លាប់នៅកន្លែងកេីតហេតុរបួសធ្ងន់ចំនួន ២នាក់ និងរបួសស្រាលចំនួន ៣នាក់ ជនរងគ្រោះត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។
អញ្ជើញជាអធិបតីភាពសម្ពោធដាក់ឱ្យប្រើប្រាស់អគារសិក្សាកម្ពស់៣ជាន់ ១៨បន្ទប់ និងសមិទ្ធផលនានានៅក្នុងវិទ្យាល័យ ហ៊ុន សែន ប្រម៉ោយ ដែលជាចំណងដៃរបស់សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា និងជាប្រធានព្រឹទ្ធសភាកម្ពុជាប្រើជាប្រយោជន៍សម្រាប់ការសិក្សារៀនសូត្ររបស់កូនចៅប្រជាពលរដ្ឋធ្លាប់ជាដែនដីដាច់ស្រយាលមួយក្នុងខេត្តពោធិ៍សាត់សម្ដេចបវរធិបតី បានគូសបញ្ជាក់យ៉ាងច្បាស់ថា «មន្ត្រីនគរបាលដែលបើករថយន្តបុករះបណ្តាលឱ្យអ្នករត់កង់៣ស្លាប់ នឹងត្រូវផ្តន្ទាទោសដោយគ្មានការលើកលែងឡើយ»។
សម្ដេចនាយករដ្ឋមន្ត្រី ៖ «ដោយមានបាតុភាពជាអកុសល មានគ្រោះថ្នាក់ចរាចរណ៍មួយដែលបណ្ដាលឱ្យអ្នករត់កង់បីម្នាក់ស្លាប់ ដែលអ្នកបង្កជានាយនគរបាលម្នាក់ដែលដល់អាយុចូលនិវត្តន៍ទៅហើយ និងមានជាតិស្រវឹងក្នុងខ្លួន..គោលការណ៍អនុវត្តច្បាប់យើងចាប់ផ្ដើមមកយូរហើយ គឺរាល់ការបុកមនុស្សស្លាប់ដោយមានជាតិស្រវឹងនេះ គឺត្រូវអនុវត្តច្បាប់ម៉ឺងម៉ាត់..មិនមែនត្រឹមតែសងលុយរួចខ្លួននោះទេ មិនថាអ្នកនោះជាអ្នកណានោះទេ..ហើយមិនខុសពីករណីបុកគេស្លាប់ពីក្រោមស្ពានឫស្សីកែវនោះទេ»។
ដៅយឡែកករណីយ៍ជនរងគ្រោះស្លាប់វិញសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃសៅរ៍ ទី១៧ ខែឧសភា ឆ្នាំ ២០២៥នេះ បានចាត់លោកវេជ្ជ. អ៊ុយ សំអុន នាយក នាយកដ្ឋានគ្រប់គ្រងគ្រោះមហន្តរាយ និងសហការី ដោយមានការចូលរួមពីអនុសាខាកាកបាទក្រហមកម្ពុជាខណ្ឌពោធិ៍សែនជ័យ ចូលរួមរំលែកមរណទុក្ខដ៏ក្រៀមក្រំបំផុត ជាមួយក្រុមគ្រួសារសពឈ្មោះ រៀន សុភឿន អាយុ ៤៩ឆ្នាំ ដែលស្លាប់ដោយគ្រោះថ្នាក់ចរាចរណ៍រថយន្តបុករះនៅជិតក្រសួងមហាផ្ទៃ កាលពីរសៀល ថ្ងៃទី១៥ ខែឧសភា ២០២៥ ដល់គេហដ្ឋាន ស្ថិតក្នុងសង្កាត់ទន្លេបាសាក់ខណ្ឌចំការមន រាជធានីភ្នំពេញ។
