តើករណី ការដេញអ្នកកាសែតចេញក្រៅពីសាលាឃុំល្ងៀង ជាកំហុសមន្ត្រីថ្នាក់ក្រោម ឬជាការទទួលខុសត្រូវរបស់លោកចៅហ្វាយខេត្តត្បូងឃ្មុំ ?
21-September-2026 / ព័ត៌មានជាតិ
រាជធានីភ្នំពេញ : ការផ្ទុះកក្រើកនូវព័ត៌មាន ស្តីពីករណីមន្ត្រីពាក់ឯកសណ្ឋានរដ្ឋបាលសាលាខេត្តត្បូងឃ្មុំម្នាក់ៗ បានបញ្ចេញអាកប្បកិរិយាច្រងេងច្រងាង និងសំដីក្រេវក្រោធខ្លាំងៗ បណ្តេញអ្នកកាសែតម្នាក់ អោយចេញក្រៅរបងពីបរិវេណសាលាឃុំល្ងៀង ស្រុក-ខេត្តត្បូងឃ្មុំ កាលពីថ្ងៃទី ១៣ ខែ ឧសភា ឆ្នាំ២០២៥កន្លងទៅ បាននឹងកំពុងផ្ទុះការចាប់ អារម្មណ៍តាមដាន និង ជជែកវែកញែកឥតដាច់ពីមាត់មួយទៅមាត់មួយ ពីសំណាក់មហាជនគ្រប់មជ្ឈដ្ឋាននៅទូទាំងប្រទេស ទាំងមន្ត្រីរាជការ ទាំងប្រជារាស្ត្រថា : តើករណីនេះ ជាកំហុស របស់មន្ត្រីអ្នកអនុវត្តការងារថ្នាក់ក្រោម ឬជាការទទួលខុសត្រូវ របស់លោកចៅហ្វាយខេត្តត្បូងឃ្មុំ ? ។
សូមបញ្ជាក់ថា : ក្រោយពីកើតហេតុ ជះកំហឹងដាក់អ្នកកាសែតម៉ាប្រាវ នៅក្នុងបរិវេណសាលាឃុំល្ងៀង ដែលមានពិធីដេញថ្លៃគម្រោងអភិវឌ្ឍន៍មូលនិធិឃុំ ល្ងៀង គឺភាគីខាងរដ្ឋបាលសាលាឃុំល្ងៀង បានបញ្ចេញលិខិតបំភ្លឺព័ត៌មាន ចុះថ្ងៃទី ១៤ ខែឧសភា ឆ្នាំ២០២៥ លៀងជម្រះកំហុសរបស់ខ្លួនឯង រួចទម្លាក់កំហុសមកលើអ្នកកាសែតដោយសំអាងថា : ចៅហ្វាយខេត្តត្បូងឃ្មុំជាអ្នកបញ្ជាមកអោយអនុវត្តតាម លិខិតលេខ:០១០/២៤ សណន.តឃចុះថ្ងៃទី ១៦ ខែតុលា ឆ្មាំ ២០២៤ ។
ក្នុងរឿងនេះ ខាងមន្ទីរព័ត៌មានខេត្តត្បូងឃ្មុំ ក៏បានចេញលិខិតបញ្ជាបេសកកម្ម លេខ:១៧២២៥ពម.ខគឃ ចុះថ្ងៃទី០៧ ខែ ឧសភា ឆ្នាំ២០២៥ ចុះហត្ថលេខា និងបោះត្រា ដោយលោក ធីន សុីថាច ប្រធានមន្ទីរព័ត៌មានខេត្តត្បូងឃ្មុំ បានកំណត់អោយអ្នកសារព័ត៌មានចំនួន០៨ រូប ចូលរួមក្នុងកម្មវិធីនេះ ដោយក្នុងនោះមាន០២រូប ជាអនុប្រធានការិយាល័យទូរទស្សន៍ នៃមន្ទីរព័ត៌មានខេត្ត និង១នាក់ទៀតជាអនុប្រធានការិយាល័យទីភ្នាក់ងារសារព័ត៌មានកម្ពុជា នៃមន្ទីរព័ត៌មានខេត្តត្បូងឃ្មុំ ជាអ្នកកាសែតដែលមានសិទ្ធិចូល រួមក្នុងកម្មវិធី ដេញថ្លៃគំរោងអភិវឌ្ឃន៍មូលនិធិ ក្នុងឃុំល្ងៀងនេះ ។
បន្ថែមលើករណីនេះ មានក្រុមហ៊ុនចំនួន ២០ បាននាំគ្នាផ្តិតស្នាមមេដៃ ដាក់ពាក្យបណ្តឹងប្តឹង លោក សឹងការី វណ្ណឌី នាយកទីចាត់ការផែនការនិងវិនិយោគខេត្តត្បូងឃ្មុំ ទៅក្រសួងមហាផ្ទៃ ស្នើសុំលោកអោយ លោកឧបនាយករដ្ឋមន្ត្រី បណ្ឌិត ស សុខា រដ្ឋមន្ត្រីក្រសួងមហាផ្ទៃបើកការស៊ើបអង្កេត ករណីនៃការប្រព្រឹត្តអំពើ មិនប្រក្រតី របស់លោក សឹងការី វណ្ណឌី ? ។ ឥលូវឮថា : លោក ប៉ែន កុសល្យ ចៅហ្វាយខេត្ត ត្បូងឃ្មុំកោះហៅមន្ត្រីពាក់ព័ន្ធក្នុងករណីនេះទៅសួរនាំហើយ ។ ដូច្នេះមហាជនទូទៅ ទាំងរាស្ត្រ ទាំងមន្ត្រី ទាំងស្តេច សូម រង់ចាំបន្តតាមដានមើលថា :
តើករណី០១នេះ អ្នកណាជាអ្នក ទទួលខុសត្រូវ ? តើមន្ត្រីអ្នកអនុវត្តការងារថ្នាក់ក្រោម ជាអ្នក ទទួលកំហុស ? ហើយចៅហ្វាយខេត្តអ្នកចេញគោលការណ៍សេចក្តីណែនាំ ឬបទបញ្ជា ជាអ្នកទទួលយកត្រូវ ? ឬជាកំហុសរបស់អ្នកកាសែត ? ហើយការសម្រេចចុងក្រោយ គឺប្រមុខដឹកនាំប្រទេសកម្ពុជា ជាអ្នកសម្រេចចិត្តវះកាត់សាច់ស្អុយ ? តើ១ណា ជាសាច់ស្អុយ ? ធ្វើអោយប៉ះពាល់ដល់ កិត្តិយសស្ថាប័នជាតិ(រដ្ឋបាលសាលាឃុំ-សង្កាត់ ) ។ សង្ឃឹម ថា: ករណី១នេះ មានតែសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាតែម្នាក់គត់ ទើបអាចបញ្ចប់ការមន្ទិល និងការវែកញែកនៃសេចរឿង មូលនិធិ ដេញថ្លៃគំរោងអភិវឌ្ឍន៍ក្នុងមូលដ្ឋានឃុំល្ងៀងនេះ ដើម្បី ទុក ជាគំរូ ដល់បណ្តាឃុំ-សង្កាត់ នៅទូទាំងប្រទេស ហើយក៏ដូច ជាការតម្រង់ទិសនិងកំណត់ព្រំដែននៃសេរីភាពរបស់អ្នក កាសែតក្នុងការចុះបំពេញការងារ ក្នុងរឿងដេញថ្លៃគំរោង អភិវឌ្ឍន៍ ឃុំ-សង្កាត់ ដែលមានតម្លៃរាប់សិបមុឺនដុល្លារ ក្នុង១ឃុំ-សង្កាត់ ? .៕ ដោយ: ស៊ុន សុផល Tel:012953824/016953222/0885534100
