គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 7780 នាក់

ម្សិលមិញ 9639 នាក់

សរុប 20697951 នាក់

កម្ពុជាថៃឯកភាពគ្នាដកកងទព័ចេញពីប្រាសាទតាមាន់ទាំងអស់គ្នាដើម្បីបន្ធូភាពតានតឹង?

21-September-2026 / ផ្សេងៗ

ប្រទេសថៃ៖ មន្ត្រីយោធាកម្ពុជា និងថៃ បានបើកកិច្ចពិភាក្សាមួយកាលពីថ្ងៃសុក្រ ទី២ ខែឧសភា ដើម្បីបន្ធូរបន្ថយភាពតានតឹង ហើយបន្ទាប់ពីនោះរដ្ឋាភិបាលទាំង២បានឯកភាពគ្នាដកកងទ័ពរបស់ខ្លួនចេញពី ប្រាសាទតាមាន់ធំ។ នេះបើតាមការចេញផ្សាយដោយសារព័ត៌មាន Bangkok Post។ឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ លោកភ។ថាំវិចាយ៉ាឆៃ( Phumtham Wechayachai )បានផ្ដល់ព័ត៌មានសង្ខេបខ្លី ក្រោយកិច្ចប្រជុំមួយរបស់គណៈកម្មាធិការកិច្ចការព្រំដែនថៃ នៅក្នុងទីក្រុងបាងកក កាលពីថ្ងៃព្រហស្បតិ៍ កន្លងទៅនេះ ជាមួយការកត់សម្គាល់ថាកិច្ចពិភាក្សាផ្តោតលើការបន្ធូរបន្ថយភាពតានតឹងនៅតាមតំបន់ព្រំដែនក្បែរប្រាសាទ។ កិច្ចប្រជុំនោះក៏មានការចូលរួមផងដែរពីសំណាក់រដ្ឋមន្ត្រីការពារជាតិកម្ពុជា លោកទៀសីហា( Tea Seiha)។ a tea sey ha

លោកភុំថាំ( Phumtham )បានទទួលស្គាល់ថាភាគីទាំង២បានឯកភាពដកកងទ័ពទៅកាន់ទីតាំងឈរជើងដើមវិញរៀងៗខ្លួន ហើយយល់ព្រមរក្សាការអត់ធ្មត់។ ការទំនាក់ទំនងបានប្រព្រឹត្តកម្រិតរដ្ឋាភិបាល និងរដ្ឋាភិបាល។ ចំណែក ប្រមុខកងកម្លាំងប្រដាប់អាវុធនៃប្រទេសទាំង២ ក៏បានពិភាក្សាគ្នាដែរពីបញ្ហាព្រំដែន។គួរបញ្ជាក់ថា សារព័ត៌មាន Bangkok Post ដោយផ្អែកលើប្រភពទទួលបានពីយោធាថៃ បានឱ្យដឹងថាកិច្ចចរចារវាងកម្ពុជា និងថៃ បានធ្វើឡើងកាលពីថ្ងៃសុក្រ ដើម្បីទប់ស្កាត់កុំឱ្យមានជម្លោះផ្ទុះឡើងនៅតាមតំបន់ព្រំដែន ក្នុងនោះរួមមានទាំងតំបន់នៅក្បែរប្រាសាទតាមាន់ធំ។ ប្រភពនេះដដែលបន្ថែមថាយោធាថៃនឹងគោរពតាមបទបញ្ជារបស់រដ្ឋមន្ត្រីការពារជាតិ ហើយបច្ចុប្បន្នកំពុងស្ថិតក្នុងកិច្ចពិភាក្សាជាមួយភាគកម្ពុជា ដើម្បីធានាថា ការសម្របសម្រួលត្រូវបានអនុវត្ត។ ក្នុងករណីការអនុវត្តការសម្របសម្រួលទទួលបរាជ័យ នោះភាគីទាំងសងខាងនឹងរាយការណ៍ជូនថ្នាក់លើរបស់ខ្លួន។

លោក ភុមថាម វីឆាយ៉ាឆៃ បានបញ្ជាក់ឲ្យដឹងថា ភាគីទាំងពីរបានព្រមព្រៀងគ្នាដកទ័ពចេញពីកន្លែងឈរជើងកន្លងមក ហើយនិង «អនុវត្តការអត់ធ្មត់»។ យ៉ាងណាក៏ដោយ រដ្ឋមន្ត្រីការពារជាតិថៃ បញ្ជាក់ថា ការដកទ័ពគ្រាន់តែជាការបញ្ចៀសភាពតានតឹង ប៉ុន្តែ មិនបញ្ជាក់ថា ការទាមទារកម្មសិទ្ធិរបស់ថៃលើទីតាំងប្រាសាទចុះខ្សោយនោះទេ។សូមបញ្ជាក់ថា នៅកម្ពុជា ប្រាសាទតាមាន់(ធំ) គឺស្ថិតលើខ្នងភ្នំដងរែក ខេត្តឧត្តរមានជ័យ។ ចំណែកនៅប្រទេសថៃ ប្រាសាទនេះ(តាមាន់តូច) ស្ថិតក្នុងខេត្តសុរិន្ទ។ ភាពតានតឹងនៅប្រាសាទ តាមាន់បានកើតឡើងសាជាថ្មី បន្ទាប់ពី ពលរដ្ឋកម្ពុជាមួយក្រុមបាននាំគ្នាទៅច្រៀង បទគោរពទង់ជាតិ កាលពីថ្ងៃទី១៣ ខែកុម្ភៈ នៅក្នុងប្រាសាទតាមាន់។
នៅក្រោយការចុះផ្សាយរបស់កាសែតថៃ អ្នកនាំពាក្យក្រសួងការពារជាតិកម្ពុជាលោកស្រី ម៉ាលី សុជាតា បានអះអាងប្រាប់វិទ្យុបារាំងអន្តរជាតិថា លោកស្រីនៅមិនទាន់អាចបញ្ជាក់ពីការដកកងទ័ពចេញពីប្រាសាទតាមាន់របស់ភាគីកម្ពុជា និងថៃ នៅឡើយទេ ដោយថា លោកស្រីនឹងពិនិត្យបញ្ហានេះ ហើយផ្តល់ការឆ្លើយតបតាមលទ្ធភាពជាក់ស្តែង បើ ទទួលបានព័ត៌មានពីអង្គភាពជំនាញ។

បញ្ហាព្រំដែនរវាងប្រទេសទាំងពីរ មិនថាព្រំដែនគោក និងទឹក នៅតែជាប្រភពនៃភាពតានតឹងឡើងកម្តៅ។ ក្រុមនយោបាយថៃមកពីបក្សប្រឆាំងវិញ នៅតែបន្តដាក់សម្ពាធលើរដ្ឋាភិបាលរបស់លោកស្រី ផែថងថាន ស៊ីណាវ៉ាត់ឲ្យបញ្ឈប់រាល់ការចរចាលក្ខណៈទ្វេភាគីណាមួយជាមួយកម្ពុជា។ ទន្ទឹមគ្នានេះ ក្រុមប្រឆាំងថៃក៏បានទាមទារឲ្យរដ្ឋាភិបាលថៃលុបចោលអនុស្សារណៈនៃការយោគយល់ឆ្នាំ២០០១ ស្តីពីព្រំដែនសមុទ្រ និងការធ្វើអាជីវកម្មរួមនៅតំបន់ត្រួតស៊ីគ្នាទំហំជាង២ម៉ឺន៦ពាន់គីឡូម៉ែត្រការ៉េផងដែរ៕ a tamoan seyha