វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1646 នាក់
ម្សិលមិញ 2962 នាក់
សរុប 16505770 នាក់
សៀមរាប- មនុស្សម្នាក់បានស្លាប់ និង២នាក់ទៀតរងរបួសដោយសារក្រឡាប់រថយន្តពេលចុះពីភ្នំគូលែន នៅ ថ្ងៃទី១២ ខែមេសា ឆ្នាំ២០២៥។រថយន្តដែលជួបគ្រោះថ្នាក់ម៉ាក HYUNDAI PORTER បើកបរដោយ ឈ្មោះ ពត គង់ ភេទប្រុសអាយុ ៣២ឆ្នាំ រស់នៅភូមិភ្នាជ័យ សង្កាត់ស្វាយដង្គំ ក្រុងសៀមរាប។រថយន្តបើកចុះ ពេលដល់ផ្លូវចុះចំណោតបានជាន់ហ្វ្រាំង ប៉ុន្តែហ្វ្រាំថមិនស៊ីក៏ជ្រុលចង្គូតទៅបុកនឹងរនាំងការពារជញ្ចើមផ្លូវបណ្តាលឲ្យរថយន្តក្រឡាប់តែម្តង។
ជនរងគ្រោះទាំងបីនាក់មានឈ្មោះ ហួត អុឹម ភេទស្រី អាយុ ៤០ឆ្នាំ រស់នៅភូមិភ្នាជ័យ សង្កាត់ស្វាយដង្គំ ក្រុងសៀមរាប ខេត្តសៀមរាប (ស្លាប់ពេលបញ្ជូនដល់ពេទ្យខេត្ត), ឈ្មោះ នាក់ ស្រីភ័ក្ត្រ ភេទស្រី អាយុ ៣៤ឆ្នាំ រស់នៅភូមិភ្នាជ័យ សង្កាត់ស្វាយដង្គំ ក្រុងសៀមរាប ខេត្តសៀមរាប (រងរបួសស្រាល), ឈ្មោះ យឿន យ៉ុន ភេទប្រុស អាយុ ៤៦ឆ្នាំ រស់នៅភូមិជ្រៃ សង្កាត់ទឹកវិល ក្រុងសៀមរាប ខេត្តសៀមរាប (រងរបួសស្រាល)៕