សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 3104 នាក់

ម្សិលមិញ 10264 នាក់

សរុប 14142286 នាក់

ប្រជាពលរដ្ឋព្រួយរឿងក្រុមហ៊ុនដីសប្បទានPNTនៅពីក្រោយក្រុមកាប់បំផ្លាញព្រៃឈើ

03-April-2024 / ព័ត៌មានជាតិ

ព្រះវិហារ ÷តើលោកនាយឧត្តមសេនីយ៍ សៅ សុខា មេប៉េអឹមផ្ទៃប្រទេស និងជាគណះកម្មាធិការថ្នាក់ជាតិបង្ក្រាបទប់ស្កាត់បទល្មើសព្រៃឈើធនធានធម្មជាតិដឹងថាមានបទល្មើសព្រៃឈើនៅតបន់ព្រៃឡង់ក្នុងអាណាចក្រខេត្តព្រះវិហ៊ារអត់?។ ប្រភពពីប្រជាពលរដ្ឋ រស់នៅភូមិបង្កន ឃុំរៀបរយ បានបញ្ជាក់ឲ្យដឹងថា ឈ្មួញធំៗ កំពុងកាប់បំផ្លិចបំផ្លាញព្រៃឈើនៅព្រៃអភិរក្សតំបន់ព្រៃឡង់ សារជាថ្មីទៀតហេីយបង្កឡើងដោយក្រុមហ៊ុន។ កន្លងទៅក្រុមហ៊ុន PNT ត្រូវបានសារព័ត៌មានក្នុងស្រុកចុះផ្សាយ ជាបន្តបន្ទាប់ បានធ្វើការផ្អាកមួយរយៈ បច្ចុប្បន្ននេះ សម្រុកកាប់ដឹកជញ្ជូនយកទៅលក់ តាមបណ្តាលខេត្តនានា ទាំងយប់ទាំងថ្ងៃ ។ a companey timber1

សូម្បីតែលោក គីម រិទ្ធី អភិបាលខេត្តព្រះវិហារនិងលោក កង សៅ គុណ មេបញ្ជាការកងរាជអាវុធហត្ថខេត្តព្រះហារ ព្រមទាំងលោក សួស ដារា៉ ស្នងការដ្ឋាននគរបាលខេត្តព្រះវិហារ មិនហ៊ានប៉ះពាល់ក្រុមឈ្មួញនោះដែរ។មជ្ឈដ្ឋានខាងក្រៅ! បានរិះគន់ចំៗថា បើក្រុមហ៊ុន PNTហៅ៩៧ ប្រហែលមានខ្នងបង្អែករឹងមាំឬមានការត្រូវរ៉ូវ ជាមួយស្ថាប័នមន្ត្រីជំនាញពាក់ព័ន្ធ ទេីបមេការហ៊ានគ្រៀងគរពលរដ្ឋខ្មែរ ឲ្យចូលកាប់ព្រៃឈើយ៉ាងអណាធិបតេយ្យ គ្មានការទប់ស្កាត់ពីសំណាក់ លោក នួន សុខុម មេព្រៃខេត្តព្រះហារ ទល់តែសោះ។

ក្រុមឈ្មួញដែលមកសុីស្នួលឲ្យក្រុមហ៊ុន PNT ចូលកាប់ឈើ នាពេលថ្មីៗនេះ បានប្រមូលឈើដឹកជញ្ជានតាមគោយន្តកន្ត្រៃយ៍ ជាច្រើនគ្រឿងរួចហើយ បន្តលើកដាក់ក្នុងរថយន្តវ៉េអង ចេញតាមក្រុមហ៊ុនចំការកៅស៊ូ ជាប់ខេត្តព្រះវិហារ ឆ្លងកាត់ទៅខេត្តកំពង់ធំ យ៉ាងសុខស្រួលបំផុត គ្មានមន្ត្រីជំនាញហ៊ានប៉ះពាល់នោះទេ ។ទីតាំងដែលកម្មករក្រុមហ៊ុនភីអិនធី កាប់រំលំអារច្រៀកឈើយ៉ាងពេញបន្ទុកនោះ ត្រូវបានគេរាយាករណ៍ថានៅចំណុចបុស្សរាំង ជ្រាប់ ក្បាលដំរី ស្រែកណ្តាល អូរអាចម៍ដែក ភូមិចាស់ ភ្នំចោត ប្រាសាទគោល ព្រៃស្រឡៅ និងចណុចស្រែតាង៉ុត។ ក្រោយពេលកាប់រំលំ និងអារច្រៀករួច ឈើទាំងនោះត្រូវបានក្រុមហ៊ុនភីអិនធី ដឹកចូលទៅកាន់ទីតាំងដីសម្បទានរបស់ខ្លួនដើម្បីឲ្យក្លាយជាឈើស្របច្បាប់។

ប្រជាពលរដ្ឋនិយាយថាក្រុមហ៊ុន PNT Co.,ltd ទទួលបានសិទ្ធិវិនិយោគពីរដ្ឋាភិបាលលើផ្ទៃដីសម្បទានទំហំ ៧,៩០០ ហិកតានៅក្នុងឃុំរៀបរយ ស្រុករវៀង ហើយក្រុមហ៊ុននេះបានផ្តល់សិទ្ធិឱ្យក្រុមហ៊ុនម៉ាឃល ឡូជីស្ទីក សហការប្រមូលផលអនុផលព្រៃឈើ ក្នុងបរិវេណគម្រោងដីសម្បទានសេដ្ឋកិច្ចក្រុមហ៊ុនរបស់ខ្លួនប៉ុន្តែតាមពិតជាក់ស្តែងគឺពួកគេបានកៀងគរប្រជាពលរដ្ឋឲ្យចូលទៅកាប់ឈើចេញពីតំបន់ព្រៃឡង់ រួចដឹកចូលក្នុងបរិវេណក្រុមហ៊ុនដើម្បីបន្លំជាឈើមានច្បាប់ទៅវិញតែប៉ុណ្ណោះ។ a companey timber2 a companey timber3