វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2076 នាក់
ម្សិលមិញ 4140 នាក់
សរុប 14164466 នាក់
កំពង់ឆ្នាំង៖អាជីវកម្មបូមខ្សាច់មួយកន្លែងបាននិងកំពុងបូមខ្សាច់លក់យកលុយចាយយ៉ាងរំភើយដោយសារសមត្តកិច្ចឡេឡឹឆ្លើយដាក់គ្នាហើយមិនបង្ក្រាបទៀត?។ ទីតាំងបូមខ្សាច់ស្ថិតនៅក្នុងតំបន់ព្រៃលិចទឹក ជាប់មាត់បឹងខ្លរ ក្នុងភូមិឈូងព្រាល ឃុំទឹកហូត ស្រុករលាប្អៀរ បានពួនសង្ងំបូមខ្សាច់លក់មួយរយះទៅហើយ ដោយពុំមានស្ថាប័នពាក់ពន្ធ័ណាមួយដឹង និងទប់ស្កាត់ឡើយ ។
សមាជិកសហគមន៍នេសាទក្នុង ឃុំទឹកហូត ម្នាក់ ឲ្យដឹងថា អាជីវកម្មបូមខ្សាច់នេះ បានធ្វើសកម្មភាពបូមខ្សាច់ជិតមួយខែហើយនៅចំណុចខាងលើនេះ ដែលជាតំបន់ព្រៃលិចទឹក ជាប់មាត់បឹងខ្លរ ដោយពុំឃើញមានមន្ត្រីជំនាញពាក់ព័ន្ធចុះទប់ស្កាត់ ឬបង្ក្រាបឡើយ ។ទាក់ទងនឹងករណីឈ្មួញបូខ្សាច់លក់យកលុយចាយខាងលើនេះ លោក ឃឹម ឡុង ប្រធានផ្នែកនេសាទកំពង់ប្រាសាទនៃខណ្ឌរដ្ឋបាលជលផលកំពង់ឆ្នាំង បានឲ្យដឹងថា ការធ្វើអាជីវកម្មបូមខ្សាច់មិនមែនជាសមត្ថកិច្ចរបស់រដ្ឋបាលជលផលឡើយ សូមសួរទៅជំនាញធនធានទឹកទៅ? ។
ឯលោក ដោក ប៊ុនថុន ប្រធានមន្ទីរធនធានទឹកខេត្តកំពង់ឆ្នាំងបានឆ្លើយប្រាប់ថា៖ រឿងច្បាប់អនុញ្ញាតអោយធ្វើអាជីវកម្មបូមខ្សាច់ជាសមត្ថកិច្ចរបស់មន្ទីររ៉ែ និងឋាមពលខេត្ត សូមសួរខាងរ៉ែនិងឋាមពលទៅ។ ចំណែកលោក អ៊ុក រស់ ប្រធានមន្ទីររ៉ែនិងឋាមពលរិញ អ្នកយកព័ត៌មានមិនអាចទាក់ទងទូរសព្ទ័ចូលឡើយ ។
អតីតៈមន្ត្រីរាជការចូលនិវត្តន៍ម្នាក់និយាយថា៖ ការពិតការធ្វើអាជីវកម្មនៅក្នុងតំបន់ខាងលើនេះ មានការពាក់ពន្ធ័ជាមួយស្ថាបន័៥គឺ៖ រដ្ឋបាលជលផលនៃមន្ទីរកសិកម្ម មន្ទីរធនធានទឹក មន្ទីររ៉ែ មន្ទីរបរិស្ថាន និងអាជ្ញាធរផងដែរ ដែលអភិបាលខេត្តត្រូវបង្កើតក្រុមចម្រុះមួយចុះទៅពិនិត្យសិក្សាដើម្បីចាត់វិធានការណ៍ផ្លូវច្បាប់ មិនត្រូវឆ្លើយដាក់គ្នាចឹងឡើយ ។