សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1457 នាក់

ម្សិលមិញ 2962 នាក់

សរុប 16505581 នាក់

រុស្ស៊ីប្រកែកថា ចិនមិនជាប់ពាក់ព័ន្ធក្នុងជម្លោះអ៊ុយក្រែនឡើយ

30-March-2025 / ព័ត៌មានអន្តរជាតិ

រុស្ស៊ី៖ វិមានក្រឹមឡាំងបានបដិសេធនៅថ្ងៃព្រហស្បតិ៍នេះ នូវការលើកឡើងរបស់ប្រធានាធិបតីអ៊ុយក្រែន លោក Volodymyr Zelenskiy ដែលថាប្រទេសចិនកំពុងត្រូវបានទាញចូលទៅក្នុងជម្លោះនៅអ៊ុយក្រែន ដោយបញ្ជាក់ថាទីក្រុងប៉េកាំងមាន «ជំហរតុល្យាភាព» នៅក្នុងបញ្ហានេះ។ ទីភ្នាក់ងារសារព័ត៌មាន Reutersបានឲ្យដឹងថាការបដិសេធនេះបានកើតឡើង បន្ទាប់ពីលោក Zelenskiy បានអះអាងថា ទីភ្នាក់ងារចារកម្មអ៊ុយក្រែនបានរកឃើញជនជាតិចិន កំពុងប្រយុទ្ធនៅខាងរុស្ស៊ីក្នុងប្រទេសអ៊ុយក្រែន តែចិនបានព្រមានអ៊ុយក្រែនកុំឱ្យធ្វើការអត្ថាធិប្បាយដែលគ្មានការទទួលខុសត្រូវ។ a china army

អ្នកនាំពាក្យក្រសួងការបរទេសចិន លោក Lin Jian បានហៅទីក្រុងប៉េកាំងថាជា «អ្នកគាំទ្រយ៉ាងរឹងមាំ និងជាអ្នកជំរុញយ៉ាងសកម្មក្នុងការដោះស្រាយវិបត្តិដោយសន្តិវិធី» ហើយបានបញ្ជាក់ថា ប្រទេសចិនតែងតែព្យាយាមទប់ស្កាត់ពលរដ្ឋរបស់ខ្លួនពីការចូលរួមប្រយុទ្ធក្នុងជម្លោះនៅបរទេស។ឆ្លើយតបទៅនឹងការលើកឡើងរបស់លោក Zelenskiy អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ទីក្រុងម៉ូស្គូមិនបានទាញទីក្រុងប៉េកាំងឱ្យចូលរួមក្នុងជម្លោះនោះទេ។ លោក Peskov បានសង្កត់ធ្ងន់ថា «ប្រទេសចិនប្រកាន់ខ្ជាប់នូវជំហរតុល្យភាព។ ប្រទេសចិនគឺជាដៃគូយុទ្ធសាស្ត្រ មិត្ត និងសមមិត្តរបស់យើង។ លោក Zelenskiy គឺយល់ច្រឡំហើយ»។

កាលពីថ្ងៃពុធ ទី៩ ខែមេសា ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បាននិយាយថា ចារកម្មអ៊ុយក្រែន មានព័ត៌មានអំពីពលរដ្ឋចិនប្រហែល១៥៥នាក់ កំពុងជួយយោធារុស្ស៉ីប្រយុទ្ធក្នុងសង្គ្រាមប្រឆាំងអ៊ុយក្រែន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។លោក ហ្សេលេនស្គី បានលើកឡើងខាងលើ បន្ទាប់ពីបានអះអាងក្នុងសប្តាហ៍នេះថា ជនជាតិចិន២នាក់ ដែលជួយរុស្ស៉ីប្រយុទ្ធ ត្រូវបានចាប់ខ្លួននៅភាគខាងកើតអ៊ុយក្រែន។ លោកប្រធានាធិបតីអ៊ុយក្រែន បាននិយាយថា លោកសង្ឃឹមថា សហរដ្ឋអាមេរិក នឹងជជែកជាមួយទីក្រុងមូស្គូ អំពីការដាក់ពង្រាយជនជាតិចិន នៅសមរភូមិអ៊ុយក្រែន។

លោក ហ្សេលេនស្គី បានបន្តថា រុស្ស៉ីបានអូសទាញពលរដ្ឋចិនទៅជួយប្រយុទ្ធក្នុងសង្គ្រាមរបស់ខ្លួន តាមរយៈបណ្តាញទំនាក់ទំនងសង្គម ហើយក្រុមមន្ត្រីចិនក៏បានដឹងអំពីរឿងនេះផងដែរ ខណៈឥឡូវអ៊ុយក្រែនកំពុងព្យាយាមវាយតម្លៃថា តើជនជាតិចិនទាំងនោះ មានទទួលបានការណែនាំពីទីក្រុងប៉េកាំង ដែរឬយ៉ាងណា។ បើតាមលោក ហ្សេលេនស្គី អ៊ុយក្រែនកំពុងប្រមូលព័ត៌មានបន្ថែម ហើយជឿថា អាចមានជនជាតិចិនច្រើនថែមទៀត ដែលកំពុងជួយរុស្ស៉ីប្រយុទ្ធក្នុងសង្គ្រាម។

លោក Andriï Sybiga រដ្ឋមន្ត្រីការបរទេសអ៊ុយក្រែន បានបង្ហោះសារតាមបណ្តាញសង្គម X ថាសំដីអះអាងរបស់ភាគីចិន ដែលតែងតែប្រកាសថាខ្លួនជាអ្នកសន្តិភាពនិយមនោះ គឺវាលែងមានន័យអ្វីទៀតហើយ ព្រោះមានជនជាតិចិន ជួយប្រយុទ្ធខាងកងទ័ពរុស្ស៊ី ដែលជាចោរឈ្លានពានអ៊ុយក្រែន។ កាលពីថ្ងៃពុធសប្តាហ៍នេះ ក្រសួងការបរទេសចិន បានច្រានចោលការអះអាងរបស់លោក ហ្សេលេនស្គី អំពីវត្តមានជនជាតិចិននៅខាងរុស្ស៉ី ប្រយុទ្ធក្នុងសមរភូមិអ៊ុយក្រែន ហើយបាននិយាយថា ទីក្រុងប៉េកាំង កំពុងផ្ទៀងផ្ទាត់ស្ថានការណ៍ជាមួយអ៊ុយក្រែន។ ក្រសួងការបរទេសចិន បានគូសបញ្ជាក់ទៀតថា រដ្ឋាភិបាលរបស់ខ្លួន តែងតែទាមទារឱ្យពលរដ្ឋចិន ចៀសវាងតំបន់ដែលមានជម្លោះប្រដាប់អាវុធ ហើយជាពិសេសនោះ ចៀសវាងចូលរួមពាក់ព័ន្ធ ក្នុងប្រតិបត្តិការយោធារបស់ភាគីណាមួយ។គួរបញ្ជាក់ថា រុស្ស៊ី និងចិនបានប្រកាសពីភាពជាដៃគូយុទ្ធសាស្ត្រ «គ្មានដែនកំណត់» តែប៉ុន្មានថ្ងៃមុនពេលប្រធានាធិបតីរុស្ស៊ី លោក Vladimir Putin បានបញ្ជាឱ្យកងទ័ពរាប់ម៉ឺននាក់ចូលលុកលុយអ៊ុយក្រែនក្នុងខែកុម្ភៈ ឆ្នាំ ២០២២៕ a china army1 a russy china