វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9689 នាក់
ម្សិលមិញ 8227 នាក់
សរុប 14136570 នាក់
កូរ៉េ៖ តាមរបាយការណ៍របស់ទីភ្នាក់ងារសារព័ត៌មាកូរ៉េខាងត្បូង យ៉ុនហាប់ បានផ្សាយឲ្យដឹងថា នៅព្រឹកថ្ងៃអាទឹត្យនេះថា មានការផ្ទុះអាវុធ នៅត្រង់តំបន់គ្មានកងទ័ពដែលកូរ៉េខាងជើងបានបង្កមុន ។
ការបាញ់នេះ គឺសំដៅទៅលើប៉ុស្តិ៍យាមជួរមុខរបស់កូរ៉េខាងត្បូង នៅទីក្រុង Cheorwon នៃខេត្តGangwon។ កងទ័ពកូរ៉េខាងត្បូង ក៏បានបាញ់តបទៅវិញ ដល់ទៅពីរដង ដើម្បីជាការព្រមានវិញដែរ។មិនទាន់មានសេចក្តីរាយការណ៍ពីការខូចខាតណាមួយនៅឡើយទេ ហើយនេះក៏គ្រាន់តែជាព័ត៌មាន ដែលផ្សព្វផ្សាយចេញពីភាគីកូរ៉េខាងត្បូង តែម្ខាងប៉ុណ្ណោះ។តាំងពីឆ្នាំ១៩៥៣ ក្រោយពីសង្គ្រាមកូរ៉េបានបញ្ចប់ទៅ ប្រទេសទាំងពីរ ត្រូវបានបែងចែកជាពីរ គឺកូរ៉េខាងត្បូង និងកូរ៉េខាងជើង ដោយយកតំបន់គ្មានកងទ័ព(ប៉ានមុនជុមឬហៅថាភូមិយុទ្ធសន្តិភាព) ធ្វើជាព្រំប្រទល់រវាងប្រទេសទាំងពីរ។
ការផ្ទុះអាវុធនេះបានកើតឡើងក្រោយពីលោក គីម ជុងអ៊ុនប្រមុខកូរ៉េខាងជើងបន្ទាប់ពីបាត់មុខសាធារនៈតាំងពីថ្ងៃទី១១មេសានោះ បានបង្ហាញខ្លួនជាសាធារណៈកាលពីថ្ងៃទី១ឧសភាពដែលជាទិវាពលកម្មអន្តរាជាតិនៅក្នុងកម្មវិធីកាត់ខ្សែបូរសម្ពោធរោងចក្រផលិតជីមួយកន្លែង ។សេចក្តីរាយការណ៍ពី KCNA បានឲ្យដឹងយ៉ាងដូច្នេះថា «អ្នកចូលរួមទាំងអស់បាននាំគ្នាទះដៃ និងស្រែកហ៊ោយ៉ាងកងរំពង ដើម្បីបង្ហាញនូវការស្វាគមន៍យ៉ាងខ្ពង់ខ្ពស់បំផុត ទៅដល់មេដឹកនាំកំពូល ដែលបាននាំមកនូវការផ្លាស់ប្តូរថ្មីមួយ»។
រោងចក្រដែលលោក គីម ជុងអ៊ុន បានចូលរួមបើកសម្ពោធខាងលើនេះ គឺជារោងចក្រផលិតជីឈ្មោះ សូជុន (Sunchon Phosphatic Fertilizer)។ ដែលត្រូវជាទិវាពលកម្មអន្តរជាតិ ខណៈមនុស្សម្នាទូទាំងពិភពលោក ត្រូវបានអនុញ្ញាតឲ្យឈប់សម្រាក។