សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1666 នាក់

ម្សិលមិញ 2962 នាក់

សរុប 16505790 នាក់

លោក ហ្សេលេនស្គី រិះគន់ប្រតិកម្មទន់ខ្សោយរបស់ស្ថានទូតអាមេរិក ចំពោះការវាយប្រហារមីស៉ីលរបស់រុស្ស៉ី

30-March-2025 / ព័ត៌មានអន្តរជាតិ

ប្រទេសអ៊ុយក្រែន៖ កាលពីថ្ងៃសៅរ៍ ទី៥ ខែមេសា ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានបង្ហាញការខកចិត្តទៅនឹង ប្រតិកម្មរបស់ស្ថានទូតអាមេរិក ចំពោះការវាយប្រហារមីស៉ីលមួយរបស់រុស្ស៉ី ដែលបានសម្លាប់មនុស្ស១៨នាក់់ ក្នុងនោះរួមមានកុមារ៩នាក់ នៅឯទីក្រុង Kryvyi Rih ដែលជាស្រុកកំណើតរបស់លោក ហ្សេលេនស្គី ផ្ទាល់។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ a balistic missil1

តាមរយៈបណ្តាញសង្គម X លោក វ៉ូឡូឌីមៀ ហ្សេលេនស្គីថា ស្ថានទូតមួយចំនួននៅទីក្រុងកៀវ បានថ្កោលទោសការវាយប្រហារកាលពីថ្ងៃសុក្រ ហើយបានលើកឡើងឈ្មោះរុស្ស៉ីចំៗ សម្រាប់ការវាយប្រហារនោះ។ តែសាររបស់ស្ថានទូតអាមេរិក ជុំវិញការវាយប្រហារខាងលើ គឺមិនមាននិយាយអំពីរុស្ស៉ីឡើយលោកប្រធានាធិបតីអ៊ុយក្រែន បាននិយាយដូច្នេះថា «គួរឱ្យសោកស្តាយ ការឆ្លើយតបពីស្ថានទូតអាមេរិក គឺជារឿងខកចិត្តគួរឱ្យភ្ញាក់ផ្អើលមួយ។

អាមេរិកជាប្រទេសរឹងមាំ មានប្រជាជនរឹងមាំ ប៉ុន្តែបែរជាបញ្ចេញប្រតិកម្មទន់ខ្សោយបែបនេះ។ ពួកគេមិនហ៊ានលើកឡើងសូម្បីតែពាក្យ «រុស្ស៉ី» នៅពេលយាយអំពីការវាយប្រហារមីស៉ីល ដែលបានសម្លាប់ក្មេងៗ។ ការមិននិយាយស្តី អំពីការពិតដែលថា រុស្ស៉ីផ្តាច់ជីវិតក្មេងៗដោយប្រើមីស៉ីលបាលិស្ទីគ គឺជារឿងខុសនិងគ្រោះថ្នាក់។ វានឹងលើកទឹកចិត្តឱ្យទីក្រុងមូស្គូបន្តសង្គ្រាម ហើយមិនអើពើចំពោះកិច្ចប្រឹងប្រែងការទូត។ ភាពទន់ខ្សោយ មិនដែលអាចបិទបញ្ចប់សង្គ្រាមបាននោះឡើយ»។

ពាក់ព័ន្ធទៅនឹងការវាយប្រហារមីស៉ីលកាលពីថ្ងៃសុក្ររបស់រុស្ស៉ី ឯកអគ្គរដ្ឋទូតអាមេរិកប្រចាំអ៊ុយក្រែន លោកស្រី Bridget Brink បានសរសេរសារយ៉ាងដូច្នេះថា «ខ្ញុំតក់ស្លុតណាស់ ដែលយប់នេះ មីស៉ីលបាលិស្ទីគមួយគ្រាប់ បានធ្លាក់ចំក្បែរកន្លែងក្មេងលេង និងភោជនីយដ្ឋាន នៅទីក្រុង Kryvyi Rih។ មនុស្សជាង៥០នាក់ បានរងរបួស និង១៦នាក់ស្លាប់ ក្នុងនោះមានកុមារ៦នាក់។ នេះហើយជាមូលហេតុ ដែលសង្គ្រាមចាំបាច់ត្រូវតែបញ្ចប់»។

តាមទីភ្នាក់ងារសារព័ត៌មាន Reuters នៅថ្ងៃសៅរ៍ ទី៥ ខែមេសា ឆ្នាំ ២០២៥ផ្សាយថាអភិបាលតំបន់ទីក្រុង Kryvyi Rih របស់អ៊ុយក្រែនបានឱ្យដឹងថា មីស៉ីលមួយគ្រាប់បានវាយប្រហារទីតាំងលំនៅឋាន សម្លាប់ មនុស្ស ១៨នាក់ និងបង្កជាអគ្គិភ័យ។ រដ្ឋបាលយោធាក្រុងនិយាយថា ក្រោយមកយន្តហោះដ្រូនរុស្ស៉ីបានវាយប្រហារចំផ្ទះ និងសម្លាប់មនុស្សម្នាក់។តែខាងក្រសួងការពារជាតិរុស្ស៉ីវិញ បានលើកឡើងថា ការវាយប្រហារដែលកំណត់គោលដៅជាក់លាក់ ធ្វើឡើងទៅលើការប្រមូលផ្តុំនៃមេបញ្ជាការអង្គភាព និងគ្រូបបង្គោលបរទេស នៅឯភោជនីយដ្ឋានមួយកន្លែង។ ជាលទ្ធផលនៃការវាយប្រហារធ្វើឱ្យខ្មាំងសត្រូវបាត់បង់កម្លាំងរហូតដល់ ៨៥នាក់ព្រមទាំរថយន្ត ២០គ្រឿង។

យោធាអ៊ុយក្រែន ចាត់ទុកសេចក្តីថ្លែងការណ៍របស់រុស្ស៉ីជាព័ត៌មានមិនពិត ។ តាមសាក្សីម្នាក់របស់ Reuters បុគ្គលិកជួយសង្គ្រោះបានប្រឹងប្រែងរំកិលរថយន្តដែលខូច ខណៈបង្អួចអគារខ្លះត្រូវបែកខ្ទេចខ្ទី ស្របពេលដែលអ្នកស្រុកកាន់សម្ភារៈផ្សេងៗនាំគ្នាជួសជុលផ្ទះរបស់ពួកគេ។បើតាមអាជ្ញាធរអ៊ុយក្រែន ក្នុងការវាយប្រហារនេះ រុស្ស៊ីបានប្រើប្រាស់មីស៊ីល Iskander ដែលអាចបាញ់បានចំងាយ ៥០០គីឡូម៉ែត្រ និង ដ្រូនបំពាក់គ្រាប់ផ្ទុះ។ ប្រព័ន្ធការពារដែនអាកាសអ៊ុយក្រែន បានបាញ់កម្ទេចដ្រូនរបស់រុស្ស៊ី ចំនួនប្រមាណជាង ៥០គ្រឿង ពោលគឺអ៊ុយក្រែនបានបាញ់កម្ទេចដ្រូនរុស្ស៊ីបានតែជិតពាក់កណ្តាលប៉ុណ្ណោះ នៃការប្រហារជាង ៩០លើក។ នេះបើតាមបញ្ជាក់របស់ក្រសួងការពារជាតិអ៊ុយក្រែន។

លោកប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គី បានចោទថា រុស្ស៊ីមិនចង់ចរចាធ្វើឈប់បាញ់ទេ ពីព្រោះរុស្ស៊ីនៅបន្តវាយប្រហារនៅលើទឹកដីអ៊ុយក្រែន។ ទង្វើរបស់រុស្ស៊ី ជាអំពើព្រៃផ្សៃយង់ខ្នង ពីព្រោះរុស្ស៊ីបានវាយប្រហារមកលើទីប្រជុំជន ជាពិសេសសួនកុមារ ដែលបានសម្លាប់ជីវិតប្រជាជនស្លូតត្រង់អ៊ុយក្រែនជាច្រើននាក់។ លោក ហ្សេឡេនស្គី បានបន្តទៀតថា ដើម្បីអាចឈានបិទបញ្ចប់សង្គ្រាម លុះត្រាមានតែការដាក់សម្ពាធរបស់អន្តរជាតិមមកលើរុស្ស៊ី និង កិច្ចការពារការពារដែនអាកាស ព្រមទាំងការពង្រឹងកងទ័ពអ៊ុយក្រែន។

ទាក់ការរចារវិញកាលពីខែមីនា, រុស្ស៊ីបានបង្ហាញលក្ខខណ្ឌ៣ចំណុចទៅសហរដ្ឋអាមេរិក បើពិតជាចង់ឲ្យខ្លួនឈប់បាញ់ជាមួយអ៊ុយក្រែនឈានឆ្ពោះទៅរកសន្តិភាព ហើយលក្ខខណ្ឌទាំងនោះមានដូចជា ១. គ្មានសមាជិកភាពណាតូសម្រាប់អ៊ុយក្រែនឡើយ ២. ត្រូវតែមានកិច្ចព្រមព្រៀងដើម្បីធានាថា គ្មានការដាក់ទ័ពបរទេសលើដីអ៊ុយក្រែន ៣. ត្រូវតែមានការទទួលស្គាល់ជាអន្តរជាតិចំពោះតំបន់គ្រីមៀនិងទឹកដី៤ទៀត ដែលរុស្ស៊ីកាត់យកពីអ៊ុយក្រែន។ ឥឡូវរុស្ស៊ីបានប្តូរគំនិតហើយហើយដាក់ចេញលក្ខខណ្ឌថ្មីវិញ ។បើយោងតាមមន្ត្រីរដ្ឋាភិបាលទីក្រុងមូស្គូបានបញ្ជាក់កាលពីថ្ងៃព្រហស្បតិ៍ទី៣ខែមេសាថា លក្ខខណ្ឌថ្មីនេះ គឺរុស្ស៊ីទាមទារឲ្យអាមេរិក ត្រូវយល់ឲ្យច្បាស់អំពីឫសគល់នៃសង្គ្រាមនេះជាមុនសិន សឹមនឹងរៀបរៀងកិច្ចព្រមព្រៀងសន្តិភាព។

សារព័ត៌មាន JOE បានដកស្រង់សម្តីអនុរដ្ឋមន្ត្រីការបរទេសរុស្ស៊ីលោក Sergei Ryabkov ដែលនិយាយថា «យើងបានពិនិត្យមើលដំណោះស្រាយដែលស្នើឡើងដោយអាមេរិកយ៉ាងយកចិត្តទុកដាក់ បំផុតប៉ុន្តែបើដូចទម្រង់បច្ចុប្បន្ននេះ យើងមិនអាចទទួលយកបានទាំងស្រុងទេ។ តាមដែលយើងអាចមើលឃើញ អាមេរិកត្រូវដោះស្រាយបញ្ហាទាក់ទងនឹងមូលហេតុនៃជម្លោះនេះជាមុនសិន”។

សូមជម្រាបជាថ្មី សំណើបទឈប់បាញ់រយៈពេល៣០ថ្ងៃជាមួយពន្លឺនៃកិច្ចព្រមព្រៀងសន្តិភាព ត្រូវបានបង្ហាញអំឡុងគណៈប្រតិភូអាមេរិកនិងអ៊ុយក្រែន ជួបពិភាក្សាគ្នានៅប្រទេសអារ៉ាប៊ីសាអូឌីត កាលពីថ្ងៃអង្គារទី១១ខែមីនា។
ពាក់ព័ន្ធបទឈប់បាញ់នេះ រុស្ស៊ី-អ៊ុយក្រែនបានប្តេជ្ញាចិត្ត ផ្អាកការវាយប្រហារលើហេដ្ឋារចនាសម្ព័ន្ធថាមពលរបស់គ្នាទៅវិញទៅមក។លុះមកដល់ចុងខែមីនា ភាគីទាំងពីរបានឯកភាពឈប់បាញ់នៅសមុទ្រខ្មៅថែមទៀត ក្នុងគោលបំណងធានាសុវត្ថិភាពនៃការធ្វើនាវាចរណ៍និងទប់ស្កាត់ ការយកកប៉ាល់ពាណិជ្ជកម្មទៅបម្រើការឲ្យយោធា។តែការឯកភាពនេះមានតែសម្តីតែប៉ុណ្ណោះសកម្មភាពជាកស្តែងគឺនៅតែមានការវាយប្រហារគ្នាដដែល។

គួរបញ្ជាក់ថា ក្រោមការដឹកនាំរបស់លោក ដូណាល់ ត្រាំ សហរដ្ឋអាមេរិក បាននិងកំពុងងាកទៅស្តារទំនាក់ទំនងជាមួយរុស្ស៉ី ដែលជាការផ្លាស់ប្តូរពីជំនាន់ អតីតប្រធានាធិបតីអាមេរិក លោក ចូ បៃដិន។ ចាប់តាំងពីផ្ទុះជម្លោះពាក្យសម្តីជាមួយលោក ត្រាំ នៅសេតវិមានមក លោក ហ្សេលេនស្គី បានប្រុងប្រយ័ត្ន ក្នុងការរិះគន់សហរដ្ឋអាមេរិក ខណៈទីក្រុងវ៉ាស៉ីនតោនព្យាយាមជួយស្វែងរក ទីបញ្ចប់សម្រាប់សង្គ្រាមរយៈពេលជាង៣ឆ្នាំមកនេះ ជាមួយរុស្ស៉ី៕ a balistic missil3 a balistic missill