គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6766 នាក់

ម្សិលមិញ 9639 នាក់

សរុប 20696937 នាក់

គុយវ៉ែតសន្យាការពារពលករខ្មែរ ដែលទៅធ្វើការនៅក្នុងប្រទេសនេះ

21-September-2026 / សេដ្ឋកិច្ច

ភ្នំពេញ ៖លោកស្រី ហ៊ីន អាល់ សាប៊ី (Hind Al-Sabeeh) រដ្ឋមន្ត្រីក្រសួងសង្គមកិច្ច និងការងារ និងជារដ្ឋមន្ត្រីសេដ្ឋកិច្ច នៃរដ្ឋគូវ៉ែតបានស្វាគមន៍ និងសន្យាការពារ កម្លាំងពលករពីកម្ពុជា ។ការសន្យាបែបនេះបានធ្វើឡើងពេល លោកស្រី ហ៊ីន អាល់ សាប៊ី (Hind Al-Sabeeh) ចូលជួបសម្តែងការគួរសមជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹក ថ្ងៃព្រហស្បតិ៍ ទី២៥ ខែតុលា ឆ្នាំ២០១៨ នៅវិមានរដ្ឋសភា។ a kuy vet1 (1)

លោកស្រី ហ៊ីន អាល់ សាប៊ី បានឲ្យដឹងថា នៅក្នុងដំណើរទស្សនកិច្ចនៅកម្ពុជានាពេលនេះ លោកស្រីបានជួបពិភាក្សា ការងារជាមួយ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ។ ជំនួបនោះ បានផ្តោតសំខាន់លើការផ្លាស់ប្តូរកម្លាំង ពលកម្មរវាងប្រទេសទាំងពីរ និងវិស័យអប់រំ។ លោកស្រីប្រធានគណៈប្រតិភូ បានមានប្រសាសន៍បន្តថា គូវ៉ែតបានត្រៀមស្វាគមន៍ និងការពារ កម្លាំងពលករពីកម្ពុជា ហើយគូវ៉ែតជាប្រទេសមួយដែលគោរពច្បាប់ការងារ និងសិទ្ធិរបស់ពលករ ដោយមិនគិតថាពលករនោះជាពលករបរទេស ឬពលករក្នុងស្រុកទេ។

សម្តេចអគ្គមហាពញាចក្រីហេងសំរិន មានប្រសាសន៍ថា វត្តមាន លោកស្រី ហ៊ីន អាល់ សាប៊ី រដ្ឋមន្ត្រី និងគណៈប្រតិភូនៃរដ្ឋគូវ៉ែត នៅកម្ពុជានាពេល នេះ បាននាំមកនូវកាលានុវត្តភាពថ្មី នៃការបន្តរឹតចំណងមិត្តភាព សាមគ្គីភាព និងកិច្ចសហប្រតិបត្តិការរវាងប្រទេសទាំងពីរ កម្ពុជា-គូវ៉ែត ដែលមាន ជាង២០ឆ្នាំមកនេះ ឲ្យកាន់តែរឹងមាំថែមទៀត ។

សម្តេចបានមានប្រសាសន៍បន្តថា ពលករកម្ពុជាដែលធ្វើការក្រៅប្រទេស មានការកើនឡើងជាលំដាប់ រហូតដល់ជាងមួយលាននាក់ និងបាននាំមកនូវ ប្រាក់ចំណូល ដើម្បីលើកកម្ពស់ជីវភាពរស់នៅ សម្រាប់គ្រួសាររបស់ពួកគេនិងរួមចំណែកអភិវឌ្ឍន៍សេដ្ឋកិច្ចជាតិផងដែរ។ “ក្នុងពេលឆាប់ៗ ខាងមុខនេះ កម្ពុជានឹងធ្វើវិសោធនកម្មច្បាប់ស្តីពីការងារ ដើម្បីពង្រឹង និងពង្រីកការអនុវត្តកម្មវិធីហ្វឹកហ្វឺន ដល់ពលករឲ្យកាន់តែមានជំនាញការងារ”។

សូមបញ្ចាក់ថា៖ក្រោយ កិច្ចពិភាក្សាការងារជាមួយ លោកស្រី ហ៊ីន អាល់ សាប៊ី (Hind Al-Sabeeh) នៅទីស្ដីការក្រសួងការងារ ឯកឧត្តម អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានប្រាប់អ្នកសារព័ត៌មានថា នៅឆ្នាំ២០១៩ កម្ពុជានឹងបញ្ជូនពលកររបស់ខ្លួនចំនួន ៥ពាន់នាក់ ទៅបម្រើការងារលើកដំបូងនៅប្រទេសគុយវ៉ែត។
ឯកឧត្តមរដ្ឋមន្ត្រីថ្លែង ថា «កម្ពុជានឹងរៀបចំកម្លាំងពលកម្មរបស់ខ្លួន ដែលបានជ្រើសរើសគ្រប់លក្ខខណ្ឌចំនួន ៥ពាន់នាក់ ជាលើកដំបូង ទៅបម្រើការងារនៅប្រទេសគុយវ៉ែត ហើយកម្លាំងពលកម្មនេះ ជាកម្លាំងពលកម្មគ្រប់ផ្នែក ទាំងផ្នែកសេវាកម្ម ឧស្សាហកម្ម និងកសិកម្ម។

តាមរយៈលោកស្រីរដ្ឋមន្ត្រី សម្តេចអគ្គមហាពញាចក្រី ហេង សំរិន បានអំពាវនាវដល់ប្រជាពលរដ្ឋគូវ៉ែត និងវិនិយោគិនគូវ៉ែត មកធ្វើទេសចរណ៍ កម្សាន្ត ឬបណ្តាក់ទុន នៅកម្ពុជាឲ្យបានច្រើន ពីព្រោះថាកម្ពុជាមានសក្តានុពលច្រើនវិស័យ។ លោកស្រី ហ៊ីន អាល់ សាប៊ី មានសង្ឃឹមថា នៅឆ្នាំ ២០១៩ខាងកម្ពុជា នឹងបញ្ជូនពលករទៅធ្វើការ នៅប្រទេសគូវ៉ែត និងបានសន្យាថា នៅពេលត្រឡប់ទៅកាន់ប្រទេសវិញ លោកស្រី នឹងបង្កើតក្រុម ការងារមួយ ដើម្បីជួយសម្រួល និងដោះស្រាយបញ្ហាពលករកម្ពុជានៅគូវ៉ែត ជាមួយក្រសួងការងារ និងបណ្តុះបណ្តាលវិជ្ជាជីវៈកម្ពុជា៕ a kuy vet a kuy vet1