វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3885 នាក់
ម្សិលមិញ 5467 នាក់
សរុប 14163462 នាក់
ភ្នំពេញ៖បាញ់ប្រហាររថយន្តស៊េរីទំនើប ម៉ាក Range Rover មួយគ្រឿងកណ្តាលក្រុងភ្នំពេញកាលពីវេលាមោងជិត២យប់ រំលងអាធ្រាតឈានចូលថ្ងៃទី២៥ ខែកក្កដា ឆ្នាំ២០២២ តាមបណ្ដោយផ្លូវជាតិលេខ៥ ស្ថិតក្នុងសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
សេចក្តីរាយការណ៍បានឲ្យដឹងថាការបាញ់ប្រហារអស់ប្រមាណ៧គ្រាប់ផ្នែកខាងឆ្វេងនៃរថយន្តបណ្តាលឲ្យបែកកង់ធ្លាយកញ្ចក់និងធ្លាយទ្ចាររថយន្តបណ្តាលឲ្យបុរសម្នាកដែលជាអ្នកបើបរ(មិនទាន់ដឹងអត្តសញ្ញាណ)រងរបួសធ្ងន់នាំចូលមន្ទីរពេទ្យ។រថយន្ត Range Rover ពណ៌ខ្មៅមួយគ្រឿង ពាក់ស្លាកលេខ កម្ពុជា JS-3333 ត្រូវបានគេឃើញធ្វើដំណើរទិសដៅពីជើងទៅត្បូង ក្នុងស្ថានភាពធ្លុះធ្លាយ ដោយមានស្នាមគ្រាប់កំភ្លើងជាច្រើនកន្លែង និងបែកកង់ថែមទៀត ដោយមិនដឹងថា ជនសង្ស័យមានគ្នាប៉ុន្មាននាក់ និងប្រើប្រាស់កាំភ្លើងម៉ាកអីនោះទេ ហើយមានគំនុំអ្វីជាមួយជនរងគ្រោះនោះដែរ។
នៅពេលជនរងគ្រោះបើកបរមកដល់ចំណុចមុខមន្ទីរពេទ្យមួយកន្លែង ក៏បានឈប់រថយន្តហើយមានបុរសម្នាក់គ្រា ជនរងគ្រោះចូលទៅក្នុងមន្ទីរពេទ្យ ដើម្បីឲ្យគ្រូពេទ្យជួយសង្គ្រោះ តែគ្រូពេទ្យមិនហ៊ានជួយសង្គ្រោះនោះទេ ដោយមើលទៅស្ថានភាព ជនរងគ្រោះរបួសធ្ងន់ធ្ងពេក ក៏បានបញ្ជូនតាមម៉ូតូកង់បីមួយគ្រឿង ដើម្បីទៅសង្គ្រោះនៅមន្ទីរពេទ្យផ្សេងបន្តទៀត។សមត្ថកិច្ចបានចុះមកដល់បានពិនិត្យជាក់ស្តែង និងនៅកន្លែងកើតហេតុ ដើម្បីធ្វើការស្រាវជ្រាវបន្ត ។ស្រុកយើងឡូវដល់កំរឹតបាញ់សម្លាប់គ្នាស្តែងៗដោយមិនខ្លាចរអារហើយតើសមត្តកិច្ចអាចចាប់ខ្លួនមកផ្តន្ទាទោសបានដែរអត់?៕