វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4412 នាក់
ម្សិលមិញ 5378 នាក់
សរុប 14083705 នាក់
ភ្នំពេញ៖បុរសម្នាក់ឃើញដេកស្លាប់ផ្កាប់មុខនៅលើគ្រែពូកនៅក្នុងបន្ទប់ផ្ទះសំណាក់ សង្ស័យថាជាករណីឃាតកម្ម បង្កឲ្យមានការភ្ញាក់ផ្អើលកាលពីម៉ោង ជិត២រសៀល ថ្ងៃទី០៣ ខែកញ្ញា ឆ្នាំ២០១៨ នៅចំណុចផ្ទះលេខ43B9 ផ្លូវលេខ៨៦ ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
សមត្ថកិច្ចបានឲ្យដឹងថា សពមានឈ្មោះ ជី ពៅ អាយុ ៣៥ឆ្នាំ មានស្រុកកំណើតនៅភូមិព្រែកតារ័ត្ន ឃុំពោធិ៍បាន ស្រុកកោះធំ ខេត្តកណ្តាល (យោងតាមអត្តសញ្ញាណប័ណ្ណ)។
បុគ្គលិកដែលបំរើការនៅក្នុងផ្ទះសំណាក់ បានឲ្យដឹងថា មុនពេលកើតហេតុគឺនៅម៉ោង ១និង០០នាទីរសៀល ថ្ងៃទី០៣ ខែកញ្ញា ឆ្នាំ២០១៨នេះ មានបុរសម្នាក់ ជិះម៉ូតូ មួយគ្រឿង ម៉ាក ហុងដាឌ្រីមសង់ សេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ 1GB-4355 បានឌុបនារីម្នាក់មករកបន្ទប់ស្នាក់នៅ ។
លុះដល់ម៉ោង ១និង៣០នាទីរសៀល ស្រាប់តែគេបានឃើញនារីរូបនោះបានចុះមកខាងក្រោមតែម្នាក់ឯង រួចចេញទៅខាងក្រៅបាត់ ដោយមិនឃើញត្រឡប់មកវិញ។ ដោយមានការសង្ស័យបុគ្គលិកដែលបំរើការនៅទីនោះ បានឡើងទៅមើលបន្ទប់នៅជាន់ទី១ ស្រាប់តែឃើញបុរសរងជនគ្រោះរូបនេះ បានដេកផ្កាប់មុខស្លាប់នៅលើគ្រែពូកតែម្នាក់ឯង ដោយមិនមានស្លៀកសំលៀកបំពាក់អ្វីទាំងអស់ រីឯសំភារៈរបស់ជនរងគ្រោះបានបាត់បង់មួយចំនួនរួមមាន ទូរស័ព្ទដៃ មួយគ្រឿង និងកាបូបលុយ។
ក្រោយមក សមត្ថកិច្ចមូលដ្ឋាននិងសមត្ថកិច្ចជំនាញផ្នែកកោសល្យវិច្ច័យ នៃស្នងការនគរបាលរាជធានីភ្នំពេញបានចុះមកពិនិត្យនៅក្នុងផ្ទះសំណាក់ ដើម្បីពិនិត្យមើលសាកសពបុរសរងគ្រោះបានវាយតម្លៃថាបុរសរូបនេះគាត់ស្លាប់ដោយសារគាំងបេះដូងពេលឡើងឋានសួគិ៍តៅវិញមិនមែនដោយសារឃាតកម្មនោះទេ?!។
បច្ចុប្បន្ន សាកសពត្រូវសមត្ថកិច្ចយកដឹកទៅតម្កល់ទុកនៅវត្តស្ទឹងមានជ័យ ដើម្បីរង់ចាំស្រាវជ្រាវ និងស្វែងរកសាច់ញាតិមកទទួលយកទៅធ្វើបុណ្យតាមប្រពៃណីនៅឯស្រុកកំណើត រឺឯម៉ូតូរបស់បុរសរងគ្រោះ ត្រូវសមត្ថកិច្ចយកទៅរក្សាទុកនៅប៉ុស្តិ៍នគរបាលស្រះចក៕