វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 926 នាក់
ម្សិលមិញ 5168 នាក់
សរុប 16013060 នាក់
មណ្ឌលគិរី : ជនជាតិភាគតិចព្នងយ៉ាងហោចណាស់ជាង ៥០នាក់ កាលពីរសៀលថ្ងៃទី ២៩ ធ្នូ ឆ្នាំ២០២៤នេះ បានអំពាវនាវឲ្យប្រមុខដឹកនាំប្រទេសជួយអន្តរាគមន៍រកយុត្តិធម៌ក្រោយពីផ្នូរសាកសពសាច់ញាតិរបស់ពួកគាត់ចំនួន ៧ ផ្នូរ ត្រូវបានឈូសឆាយគាស់រំលើងដោយអ្នកមានលុយមកពីភ្នំពេញជិត៤ឆ្នាំទៅ ហើយ ។
ក្រុមជនរងគ្រោះដែលមាន៧គ្រួសារបានលើកឡើងថា ផ្នូរសាច់ញាតិរបស់គាត់ចំនួន ៧ ស្ថិតក្នុងភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ត្រូវបានឈូសរំលើងក្នុងគោលដៅច្បាមយកដីដោយអ្នកស្រី ហៀងស្រីមុំ កាលពីឆ្នាំ២០២០ រហូតមកដល់ពីនេះពុំទាន់ទទួលបានយុត្តិធម៌នៅឡើយទេ ។ ផ្ទុយទៅវិញជនបង្ករបែរជាប្ដឹងពួកគាត់ទៅតុលាការក្រោមបទបរិហារគេដើម្បីបំបិទមាត់ទៀតផង ។
នៅចំពោះមុខការសែនព្រេនតាមបែបប្រពៃណី ក្រុមអ្នកភូមិបានអំពាវនាវឲ្យសម្ដេចនាយករដ្ឋមន្ត្រី ហ៊ុន ម៉ាណែត សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ជួយផ្ដល់យុត្តិធម៌ ។ ក្នុងនោះពួកគាត់ទាមទារដីទំហំ ១០០ ម៉ែត្រ៤ជ្រុង និងប្រាក់ជំងឺចិត្ត ១០ ម៉ឺនដុល្លារ ។បើតាមហ្វេសប៊ុកអ្នកស្រីហៀងស្រីមុំបានព្រលយពាក្យថាដីដែលមានទំនាស់នេះគាត់មានប្លង់យូហើយ។តើអ្នកណាខុសអ្នកណាងត្រូវ?.។