ថៃ នឹងធ្វើជាម្ចាស់ផ្ទះកិច្ចប្រជុំថ្នាក់តំបន់ ផ្តោតលើបញ្ហាមីយ៉ាន់ម៉ា បន្ទាប់ពីរបបសឹកបាត់រដ្ឋរ៉ាក់ឃីន
15-March-2026 / ព័ត៌មានអន្តរជាតិ
ភូមាន៖ ថៃ បានប្រកាសនៅថ្ងៃចន្ទ ទី១៦ ខែធ្នូនេះថា ខ្លួននឹងធ្វើជាម្ចាស់ផ្ទះរៀបចំកិច្ចប្រជុំថ្នាក់តំបន់ ស្តីពីប្រទេសមីយ៉ាន់ម៉ា នៅក្នុងសប្តាហ៍នេះ ដោយយ៉ាងហោចណាស់នឹងមានអ្នកតំណាងម្នាក់ មកពីរបបយោធា ខណៈនាយករដ្ឋមន្ត្រីម៉ាឡេស៉ីនិយាយថា កិច្ចខិតខំប្រឹងប្រែងកំពុងត្រូវបានធ្វើឡើង ដើម្បីនាំមីយ៉ាន់ម៉ាត្រឡប់មក ជាបញ្ហាចម្បងបំផុតសម្រាប់អាស៊ានវិញ។
ទីភ្នាក់ងារសារព័ត៌មានបារាំង AFPបានឲ្យដឹងថា៖រដ្ឋមន្ត្រីការបរទេសថៃ លោកម៉ាសិសសាំងចាំពុងសា( Maris Sangiampongsa )នឹងបើកកិច្ចពិគ្រោះយោបល់ដាច់ដោយឡែកគ្នា នៅថ្ងៃទី១៩ និងថ្ងៃទី២០ធ្នូ។ អ្នកនាំពាក្យក្រសួងការបរទេសថៃ និយាយថា វាជាកិច្ចពិគ្រោះយោបល់ក្រៅផ្លូវការ ស្តីពីសន្តិសុខព្រំដែន និងឧក្រិដ្ឋកម្មឆ្លងដែន។ រីឯអ្នកតំណាងមកពី ចិន ឥណ្ឌា បង់ក្លាដែស ឡាវ និងថៃ ដែលសុទ្ធសឹងមានព្រំដែនជាប់មីយ៉ាន់ម៉ា ក៏នឹងចូលរួមកិច្ចប្រជុំនេះផងដែរ។
បន្ទាប់មក នៅថ្ងៃសុក្រ នឹងមានកិច្ចប្រជុំកម្រឹតរដ្ឋមន្ត្រីការបរទេសមួយ ស្តីអំពីមីយ៉ាន់ម៉ាសម្រាប់សមាជិកណា ដែលចាប់អារម្មណ៍ចង់ប្រជុំ នៅក្នុងចំណោមប្រទេសអាស៊ាន រួមទាំងការពិភាក្សាអំពីផែនការ «ការឯកភាពប្រាំចំណុច» របស់អាស៊ាន សម្រាប់សន្តិភាពនៅក្នុងប្រទេសមីយ៉ាន់ម៉ា។ គេនៅមិនទាន់ដឹងប្រាកដទេថា មីយ៉ាន់ម៉ានឹងបញ្ជូនអ្នកតំណាងមក ចូលរួមប្រជុំ ឬក៏ថាតើនរណានឹងមកចូលរួមនៅឡើយទេ។សូមបញ្ជាក់ថាគំនិតផ្តួចផ្ទើមឲ្យមានកិច្ចប្រជុំនេះគឺបានកើតឡើងបន្ទាប់ពីរបរបសឹកបានបាត់បង់រដ្ឋរ៉ាឃីនមួយទៅលើដៃពួកយោធាឿទ្ទាម។ក្រុមឧទ្ទាមជនជាតិភាគតិច រ៉ាក់ឃីនបានប្រកាសថា កាលពីថ្ងៃអាទិត្យទី ៨ធ្នូថា ខ្លួនបានវាយដណ្តើមយកទីតាំងយោធាចុងក្រោយរបស់របបសឹកភូមានៅក្នុងរដ្ឋរ៉ាឃីន។
ក្រុមអារ៉ាឃីនទទួលស្គាល់ថា ជាលើកទី១ដែលមានការប្រយុទ្ធបង្ហូរឈាមខ្លាំងក្លាបែបនេះជាមួយកងទ័ពភូមា។ បើតាមក្រុមឧទ្ទាមអារ៉ាឃីន គ្នីគ្នារបស់ពួកគេជាច្រើននាក់ស្លាប់ដោយសារគ្រាប់មីនដែលកងទ័ពដាក់ពង្រាយនៅជុំវិញបន្ទាយ។ ប៉ុន្តែ ការតស៊ូប្រយុទ្ធ លះបង់ជីវិតមិនស្តាយ បូកផ្សំនឹងយុទ្ធសាស្ត្រឡោមព័ទ្ធ កាត់ផ្តាច់ជំនួយ ជាគន្លឹះសំខាន់ធ្វើឲ្យទីតាំងយោធាចុងក្រោយរបស់របបសឹកធ្លាក់ក្នុងដៃរបស់ក្រុមឧទ្ទាម។ បើតាមក្រុមអារ៉ាខាន នៅក្នុងបន្ទាយ ទាហានគ្មានបញ្ហាខ្វះស្បៀងនោះទេដោយសារការទម្លាក់ជំនួយពីឧទ្ធម្ភាគចក្រនៅពេលយប់ៗ ប៉ុន្តែ ដោយសារពួកគេមិនអាចព្យាបាលអ្នករបួស រហូតធ្វើឲ្យទាហានក្នុងជួរបាក់ទឹកចិត្តលែងប្រយុទ្ធ។
នៅក្រោយការលើកទង់ជ័យស ក្រុមឧទ្ទាមអារ៉ាឃីនដែលបានចូលទៅក្នុងបន្ទាយបាននិយាយថា មានទាហានភូមាប្រមាណ ៤៥០នាក់ស្លាប់គរជើងនៅក្នុងបន្ទាយ។នៅក្នុងចំណោមទាហានភូមាជាច្រើននាក់ដែលក្រុមឧទ្ទាមចាប់ជាឈ្លើយសឹក មានមេបញ្ជាការធំម្នាក់របស់កងទ័ពភូមា ឈ្មោះThurein Tun និងមន្ត្រីយោធាក្រោមបង្គាប់ប៉ុន្មាននាក់ដែលក្រុមឧទ្ទាមចាប់ឲ្យអង្គុយលត់ជង្គង់នៅមុខកាមេរ៉ា។
ទីតាំងយោធាដែលក្រុមឧទ្ទាមអារ៉ាឃីនវាយដណ្តើមបានកាលពីថ្ងៃអាទិត្យ ជាបន្ទាយរបស់ក្រុមឆ្មាំប៉ូលិសព្រំដែនរបស់របបសឹកនៅព្រំដែនជាមួយប្រទេសបង់ក្លាដែស។
គិតចាប់តាំងពីបើកការប្រយុទ្ធប្រឆាំងនឹងរបបសឹកភូមានៅខែ វិច្ឆិកា ឆ្នាំមុន ក្រុមឧទ្ទាមអារ៉ាឃីនបានវាយដណ្តើមយកបានជាបន្តបន្ទាប់ ទីតាំងយោធារបស់របបសឹកភូមាចំនួន ៣០ និងចូលគ្រប់គ្រងបានក្រុងចំនួន១១ ក្នុងចំណោមក្រុងសរុប១៧របស់រដ្ឋរ៉ាឃីន។ ដោយវាយដណ្តើមយកបានតំបន់Maungdaw ដែលមានប្រជាជនរស់នៅជាង១សែននាក់ ក្រុមឧទ្ទាមអារ៉ានបានចូលកាន់កាប់បានទឹកដី៨០%របស់រដ្ឋរ៉ាឃីន ដោយនៅតែរដ្ឋធានី Sittwe តែប៉ុណ្ណោះដែលស្ថិតក្នុងដៃរបស់រដ្ឋាភិបាលសឹកនៅឡើយ។ ប៉ុន្តែ ទីក្រុងជាប់សមុទ្រមួយនេះមិនយូរ មិនឆាប់នឹងអាចធ្លាក់ក្នុងដៃរបស់ក្រុមឧទ្ទាម ព្រោះវាត្រូវកាត់ផ្តាច់គ្មានជំនួយ និងឡោមព័ទ្ធជុំវិញ ដោយតំបន់គ្រប់គ្រងដោយក្រុមឧទ្ទាម។
ការបាត់បង់រដ្ឋរ៉ាកឃីនក្នុងដៃរបស់ពួកឧទ្ទាមជាបរាជ័យធ្ងន់ធ្ងរចំពោះរបបសឹករបស់លោកមីនងុងឡាំង។ វាធ្វើឲ្យរបបសឹកបាត់បង់ផ្លូវទៅកាន់សមុទ្រ បាត់បង់កំពង់ផែនៅសមុទ្របង់ក្លាដែស។នៅខាងក្រុមឧទ្ទាម វាជាជ័យជំនះដ៏ធំធេង រហូតធ្វើឲ្យក្រុមឧទ្ទាមអារ៉ាឃីនត្រូវគេចាត់ទុកថា ជាក្រុមឧទ្ទាមទី១ដែលមានកម្លាំងអាចវាយយកឈ្នះកងទ័ពភូមា គ្រប់គ្រងតំបន់ជាប់ព្រំដែនដែលមានប្រវែងជាង ២៧០គីឡូម៉ែត្រជាមួយប្រទេសបង់ក្លាដែស។ អាចនិយាយបានថា ដោយរបូតបាត់ដែនដីសឹងទាំងស្រុងនៅរដ្ឋរ៉ាកឃីន របបសឹកបាត់បង់ការគ្រប់គ្រងតំបន់ជាប់ព្រំដែនជាមួយបង់ក្លាដែស។
.png&h=97&w=146)
