វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1598 នាក់
ម្សិលមិញ 6501 នាក់
សរុប 13950153 នាក់
ជប៉ុន៖ ទឹកភ្លៀងបានវាយប្រហារលើប្រទេសជប៉ុនភាគខាងលិច និងខាងត្បូង បណ្តាលអោយមាន គ្រោះមហន្តរាយនៅលើកោះគ្យូស៊ូ និងស៊ីកូគុនៅក្នុងថ្ងៃអាទិត្យទី៨កក្កដាបង្កឲ្យមានមនុស្សស្លាប់កើនដល់៨១នាក់ បាត់ខ្លួនច្រើននាក់និង មនុស្សរាប់លាននាក់ផ្សេងទៀតបង្ខំចិត្តភៀសខ្លួនចេញពីផ្ទះសម្បែង ។
មន្ត្រីនៅទីភ្នាក់ងារឧតុនិយមជប៉ុនបាននិយាយថា៖ យើងមិនដែលជួបការធ្លាក់ភ្លៀងអាក្រក់បែបនេះទេពីមុន ហើយថា ស្ថានភាពនេះគ្រោះថ្នាក់ណាស់ ។ រដ្ឋាភិបាលជប៉ុនបានបង្កើតមណ្ឌលគ្រាអាសន្នមួយនៅការិយាល័យនាយករដ្ឋមន្ត្រីផ្ទាល់តែម្តង និងអ្នកជួយ សង្គ្រោះប្រមាណ៥៤.០០០នាក់មកពីយោធាប៉ូលិស និងអគ្គិភ័យត្រូវបានបញ្ជូនទៅកាន់តំបន់ខាងត្បូង និងខាងលិចប្រទេស ។
លោក ស៊ីនហ្សូ អាបេនាយករដ្ឋមន្ត្រីជប៉ុន បាននិយាយថា នៅមានមនុស្សជាច្រើនទៀតបាត់ខ្លួន និងអ្នកផ្សេងទៀតត្រូវការជំនួយ ហើយថា យើងកំពុងធ្វើការប្រជែងនឹងពេលវេលា ។
សូមជម្រាបថា បទបញ្ជាជម្លៀសមនុស្សនៅជាធរមានសំរាប់មនុស្សប្រមាណ២លាននាក់ និង២,៣លាននាក់ទៀតត្រូវបានណែនាំអោយជម្លៀសក្នុងពេលភ្លៀងបានឈប់ និងទឹកស្រកនៅតំបន់ខ្លះ ៕