វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1425 នាក់
ម្សិលមិញ 5378 នាក់
សរុប 14080718 នាក់
ចិន ស្ថាបន័និតិបញ្ញត្តិចិនបានថ្កោលទោសច្បាប់មួយដែលព្រឹទ្ធសភាបអាម៉េរិកទើបអនុមត័ដែលមានគោលបំណងជំរុញផ្នែកបច្ចេកវិជ្ជាអាម៉េរិកដើម្បីប្រឆាំងចិន ដោយហៅវាថាជាការវាយប្រហារលាក់កំបាំងមកលើប្រព័ន្ធនយោបាយរបស់ចិននិងជាការប៉ុនប៉ងរារាំងការអភិវឌ្ឍរបស់ប៉េកាំង។
គណៈកម្មាធិការកិច្ចការបរទេសនៃអង្គនីតិប្បញ្ញត្តិចិនពោលគឺសភាប្រជាជនចិនបានចេញសេចក្តីថ្លែងការណ៍រិះគន់ខ្លាំងៗកាលពីថ្ងៃពុធទី៩មិថុនាដោយសម្តែងការមិនពេញចិត្តខ្លាំងនិងជំទាស់ដាច់ខាតចំពោះច្បាប់ស្តីពីការច្នៃប្រឌិតនិងការប្រកួតប្រជែងរបស់សហរដ្ឋអាម៉េរិក។ ច្បាប់នេះត្រូវបានអនុម័តដោយសំឡេងគាំទ្រលើសលប់ពីបក្សទាំងពីរនៅក្នុងព្រឹទ្ធសភាកាលពីថ្ងៃអង្គារ។ «ច្បាប់នេះស្វែងរកការនិយាយបំផ្លើសនិងផ្សព្វផ្សាយនូវអ្វីដែលគេហៅថា “ការគំរាមកំហែងរបស់ចិន” ដើម្បីរក្សាអនុត្តរភាពពិភពលោករបស់អាម៉េរិកដោយប្រើសិទ្ធិមនុស្សនិងសាសនាជាលេសដើម្បីជ្រៀតជ្រែកចូលក្នុងនយោបាយក្នុងស្រុករបស់ចិននិងដកហូតសិទ្ធិសេរីភាពរបស់ចិនក្នុងការអភិវឌ្ឍ»។
សេចក្តីថ្លែងការណ៍ពញ្ជាក់ថា “គ្មានកម្លាំងណាមួយអាចរំពឹងថាចិននឹងលេបផ្លែឈើល្វីងណាមួយដែលធ្វើឱ្យប៉ះពាល់ដល់អធិបតេយ្យភាព សន្តិសុខឬផលប្រយោជន៍នៃការអភិវឌ្ឍរបស់ចិនបានឡើយ”។ សេចក្តីថ្លែងការណ៍នេះគឺបន្ទរតាមភាសា ដែលប្រើដោយប្រធានាធិបតីស៊ី ជីនភីងដែលប្រកាន់ខ្ជាប់នូវគោលនយោបាយការបរទេសដ៏គឃ្លើនដើម្បីឆ្លើយតបយ៉ាងសាហាវចំពោះការវាយប្រហារណាមួយមកលើកេរ្តិ៍ឈ្មោះរបស់ចិន។សេចក្តីថ្លែងការណ៍នេះក៏បានវាយប្រហារទៅលើមាត្រានានានៃច្បាប់នេះផងដែរ ដែលបង្ហាញពីការគាំទ្រដល់កោះតៃវ៉ាន់ដែលចិនអះអាងថាជាទឹកដីរបស់ខ្លួន ការនិយាយដៀមដាមដាក់ហុងកុងកន្លែងដែលទីក្រុងប៉េកាំងត្រូវបានចោទប្រកាន់ថាលុបបំបាត់ចោលលទ្ធិប្រជាធិបតេយ្យ និង ការរិះគន់លើគោលនយោបាយចិននៅតំបន់ស៊ីនជាំងស្ថិតនៅភាគពាយព្យប្រទេសចិន។សេចក្តីថ្លែងការណ៍និយាយទៀតថា បញ្ហាពាក់ព័ន្ធទាំងនោះគឺជា “កិច្ចការផ្ទៃក្នុងរបស់ចិនសុទ្ធសាធហើយគ្មានការជ្រៀតជ្រែកពីបរទេសណាដែលអាចអត់ឱនឱ្យបាននោះឡើយ”។
នៅក្នុងសន្និសីទសារព័ត៌មានប្រចាំថ្ងៃអ្នកនាំពាក្យក្រសួងការបរទេសលោកវ៉ាង វិនពីន និយាយថា ខ្លឹមសារទាក់ទងនឹងចិននៅក្នុងច្បាប់នេះ “គឺពោរពេញទៅដោយការគិតអំពីសង្គ្រាមត្រជាក់ ដែលមួរបង្កាច់ការពិត និង លាបពណ៌វិថីនៃការអភិវឌ្ឍនិងគោលនយោបាយក្នុងស្រុកនិងបរទេសរបស់ចិន”។លោកវ៉ាងនិយាយថា “វាជារឿងរបស់អាម៉េរិកខ្លួនឯងក្នុងការរកវិធីដើម្បីអភិវឌ្ឍនិងលើកកម្ពស់សមត្ថភាពប្រកួតប្រជែងរបស់ខ្លួន។ ប៉ុន្តែយើងប្រឆាំងដាច់ខាតចំពោះការដែលសហរដ្ឋអាម៉េរិកយកចិនមកធ្វើជាបញ្ហានិងចាត់ទុកចិនជាសត្រូវស្រមើលស្រមៃរបស់ខ្លួន”៕