ម្ចាស់សំណង់រំលោភឆ្នេរសមុទ្ទឌឺ អាជ្ញាធឬមានការបើកដៃ!?

ឥណ្ឌាចាប់ខ្លួនក្រុមឆបោកអនឡាញ២នាក់ដែលយកកម្ពុជាធ្វើទីតាំង ផ្ទេរលុយ

បាក់រណ្ដៅរ៉ែត្បូងស្លាប់កម្មរម្នាក់នៅស្រុកលំផាត់

ដីព្រៃនៅលើភ្នំដងរែក ជាច្រើនហិកតា អតីតជាជម្រកកងទ័ព ត្រូវបានគេរៀបចំឯកសារអោយក្លាយទៅជាដីមានប្លង់កម្មសិទ្ធិស្របច្បាប់របស់បុគ្គលមានលុយមានអំណាចមួយចំនួនយ៉ាងរំភើយ ?!

ជិត៤ឆ្នាំ ករណីគាស់ផ្នូររំលោភយកដីពុំទាន់ទទួលបានយុត្តិធម៌ឲ្យ ,ជនជាតិព្នង

លើកលែងទោសស្ត្រីហ្វីពីនដែលមកស៊ីឈ្នួលពរពោះនៅស្រុកខ្មែរ!

ទេសរដ្ឋមន្ដ្រី ឱម យ៉ិនទៀង៖ ACU មានសិទ្ធិមិនឆ្លើយតបថា «គួរស៉ើបអង្កេត ឬមិនស៉ើបអង្កេតលើករណីណាមួយ»

ជាច្រើនទៀត

ចំនួនអ្នកទស្សនា

ថ្ងៃនេះ 8270 នាក់

ម្សិលមិញ 3974 នាក់

សរុប 15883796 នាក់

រុស្ស៊ី បង្ហាញការព្រួយបារម្ភ អំពីស្ថានការណ៍នៅស៊ីរី និងសុវត្ថិភាពនៃមូលដ្ឋានទ័ពរបស់ខ្លួន អាមេរិកថានឹងធ្វើការជាមួយអាចជ្ញាធរថ្មីតែរង់ចាំមើលជាក់ស្តែងសិន

26-December-2024 / ព័ត៌មានអន្តរជាតិ

ប្រទេស៊ីរី៖ បន្ទាប់ពីក្រុមឧទ្ទាមស៊ីរី បានវាយយកទីក្រុងដាម៉ាស (Damascus) និងបង្ខំឱ្យប្រធានាធិបតី Bashar al-Assad ភៀសខ្លួន រុស្ស៊ីបានបង្ហាញការព្រួយបារម្ភ អំពីស្ថានការណ៍នៅស៊ីរី និងសុវត្ថិភាពនៃមូលដ្ឋានទ័ពរបស់ខ្លួន នៅក្នុងប្រទេសនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។ក្រសួងការបរទេសរុស្ស៊ី បានអំពាវនាវឱ្យភាគីទាំងអស់នៅស៊ីរី ជៀសវាងការប្រើប្រាស់អំពើហិង្សា និងដោះស្រាយបញ្ហាតាមរយៈការចរចា។ រុស្ស៊ីក៏បានបញ្ជាក់ថា ខ្លួនកំពុងធ្វើការ ជាមួយក្រុមប្រឆាំងស៊ីរី ដើម្បីស្វែងរកដំណោះស្រាយ។ a siry1

ក្រសួងការបរទេសរុស្ស៊ី បានប្រកាសថា «យើងជំរុញឱ្យភាគីពាក់ព័ន្ធទាំងអស់ជៀសវាងការប្រើអំពើហិង្សា និងដោះស្រាយបញ្ហាទាំងអស់នៃអភិបាលកិច្ចតាមរយៈមធ្យោបាយនយោបាយ... ក្នុងន័យនេះ សហព័ន្ធរុស្ស៊ីមានទំនាក់ទំនងជាមួយក្រុមប្រឆាំងស៊ីរីទាំងអស់»។ទោះបីជារុស្ស៊ី បានបញ្ជាក់ថា មូលដ្ឋានទ័ពរបស់ខ្លួននៅស៊ីរី មិនទាន់រងការគំរាមកំហែងធ្ងន់ធ្ងរក៏ដោយ ក៏អ្នកសរសេរប្លុកសង្គ្រាមរុស្ស៊ី បានព្រមានថា មូលដ្ឋានទាំងនោះកំពុងស្ថិតក្នុងស្ថានភាពគ្រោះថ្នាក់។ រុស្ស៊ីក៏បានជំរុញឱ្យពលរដ្ឋរុស្ស៊ី ចាកចេញពីប្រទេសស៊ីរីដើម្បីសុវត្ថិភាព។

ដូចអ៊ីរ៉ង់ដែរ រុស្ស៊ី បានចូលខ្លួនធ្វើអន្តរាគមន៍ផ្លូវយោធាដោយបញ្ជូនទព័រាប់ពាន់នាកចូល ក្នុងជម្លោះនៅស៊ីរី កាលពីឆ្នាំ ២០១៥។ ឆ្នាំ២០១៧រុស្ស៊ី ក៏បានសាងសង់ជាមូលដ្ឋានកងនាវារបស់ខ្លួន នៅកំពង់ផែ Tartous ជាប់មាត់សមុទ្រ ម៉េឌីតែរ៉ាណេ និង មូលដ្ឋានទ័ពអាកាសរបស់ខ្លួនមួយទៀត នៅ ក្រុង Hmeimim ប្រទេសស៊ីរីដើម្បីជួយការពាររបបលោកបាស្ហា អាល់អាសាដ ដោយដាក់មូលដ្ឋានទ័ពជើងអាកាស និងមូលដ្ឋានទ័ពជើងទឹកនៅក្នុងទឹកដីស៊ីរី រុស្ស៊ីមានជាលើកទី១មូលដ្ឋានទ័ពរបស់ខ្លួននៅទឹកដីបរទេស និយាយឲ្យចំ នៅមជ្ឈិមបូព៌ា នៅសមុទ្រមេឌីទែរ៉ាណេ ដែលរុស្ស៊ីត្រូវការប្រើចាំបាច់សម្រាប់នាំចូលអាវុធ ឬទាហានស៊ីឈ្នួលទៅកាន់ទឹកដីអាហ្វ្រិក។

លោកស្រី Tatiana Kastouéva-Jeanប្រធានមជ្ឈមណ្ឌលរុស្ស៊ី អឺរ៉ាស៊ីនៃវិទ្យាស្ថានបារាំង និយាយថា អ្វីដែលកំពុងកើតឡើងនៅស៊ីរី គឺជាអាម៉ាស និងបរាជ័យ យុទ្ធសាស្ត្រធ្លាក់ទឹករបស់រុស្ស៊ីនៅដើមបូព៌ា។ ការ បណ្តែតបណ្តោយឲ្យក្រុមឧទ្ទាមវាយសម្រុកយកបានរដ្ឋធានីដាម៉ាស តែក្នុងរយៈពេល១០ថ្ងៃ កងទ័ពរុស្ស៊ីមិនត្រឹមតែបរាជ័យ ប៉ុន្តែ ភ្នាក់ងារសម្ងាត់របស់រុស្ស៊ីក៏អសមត្ថភាពមិនអាចឲ្យប៉ាន់ស្មានដឹងមុនស្ថានការណ៍វិវឌ្ឍដ៏ឆាប់រហ័សនៅស៊ីរី។ គេបានប្រៀបធៀបបរាជ័យរបស់រុស្ស៊ីនៅស៊ីរី ទៅនឹងផែនការដ៏អាម៉ាសរបស់អាមេរិកដែលដកទ័ពចេញពីអាហ្វហ្កានីស្ថាននៅឆ្នាំ ២០២១។

សម្រាប់អាមេរិកវិញប្រធានាធិបតីអាមេរិក លោក ចូ បៃដិន បាននិយាយថា សហរដ្ឋអាមេរិកនឹងធ្វើការជាមួយដៃគូ ក៏ដូចជាអ្នកពាក់ព័ន្ធក្នុងប្រទេសស៉ីរី ដើម្បីជួយចាប់យកឱកាសណាមួយ ដែលលេចចេញដោយខ្លួនឯង បន្ទាប់ពីក្រុមឧទ្ទាមផ្តួលរំលំ រដ្ឋាភិបាលប្រធានាធិបតី Bashar al-Assad។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៩ ខែធ្នូ ឆ្នាំ ២០២៤។

លោក បៃដិន ដែលចូលកាន់តំណែងកាលពីឆ្នាំ ២០២១ បញ្ជាក់ថា «អស់ជាច្រើនឆ្នាំមកនេះ អ្នកគាំទ្រសំខាន់ៗរបស់ លោក Assad មានអ៉ីរ៉ង់ ហេសបូឡា និងរុស្ស៉ី។ ប៉ុន្តែកាលពីសប្តាហ៍មុន ការគាំទ្ររបស់ពួកគេបានដួលរលំ។ កម្លាំងពួកគេទាំង ៣ ចុះខ្សោយជាងកាលពីពេល ដែលខ្ញុំចូលកាន់តំណែងទៅទៀត»។ លោក បៃដិន បន្ថែមថា «សហរដ្ឋអាមេរិក នឹងធ្វើការជាមួយដៃគូ និងអ្នកពាក់ព័ន្ធនៅក្នុងប្រទេសស៉ីរី ដើម្បីជួយពួកគេចាប់យកឱកាសមួយ គ្រប់គ្រងហានិភ័យ»។ប៉ុន្តែមន្ត្រីជាន់ខ្ពស់អាមេរិកម្នាក់ បានព្រមានថា សហរដ្ឋអាមេរិក មិនមានគម្រោងផ្តល់ផែនការមេសម្រាប់ស៉ីរី ទៅថ្ងៃមុខឡើយ ខណៈកំពុងតាមមើលយ៉ាងដិតដល់ នូវសេចក្តីថ្លែងការណ៍ពីក្រុមឧទ្ទាម HTS។

រដ្ឋមន្ត្រីការបរទេសអាមេរិក លោក Antony Blinken កាលពីថ្ងៃចន្ទ ទី៩ ខែធ្នូ បានព្រមានថាក្រុម ISIS នឹងព្យាយាមប្រើប្រាស់កាលៈទេសៈសព្វថ្ងៃ ដើម្បីប្រមូលផ្ដុំកម្លាំងឡើងវិញ នៅក្នុងប្រទេសស៊ីរី ក្រោយរបបលោក Assad ដួលរលំ ប៉ុន្តែបាននិយាយថាសហរដ្ឋអាមេរិកបានប្ដេជ្ញាចិត្តទប់ស្កាត់មិនឱ្យរឿងបែបនេះកើតឡើងនោះទេ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters។

តាមលោក Blinken សេចក្ដីថ្លែងការណ៍របស់មេដឹកនាំឧទ្ទាមចំពោះការបង្កើតរដ្ឋាភិបាលប្រកបដោយបរិយាបន្ន ជារឿងគួឱ្យស្វាគមន៍ តែ វាត្រូវតែមានវិធានការអនុវត្តជាក់ស្ដែង មិនមែននិយាយត្រឹមតែមាត់ឡើយ។ ថ្លែងក្នុងព្រឹត្តិការណ៍មួយនៅឯក្រសួងការបរទេសអាមេរិក លោក Blinken បានបន្ថែមទៀតថា «ការបិទបញ្ចប់របបនេះ (របបលោក Assad) គឺជាបរាជ័យសម្រាប់អ្នកដែលប្រព្រឹត្តទង្វើឃោរឃៅ និងអំពើពុករលួយ មិនមែនត្រឹមតែជាបរាជ័យសម្រាប់អ៉ីរ៉ង់ ហេសបូឡា និងរុស្ស៉ីប៉ុណ្ណោះទេ។ ដូច្នេះក្នុងពេលនេះ វាជា ឱកាសជាប្រវតិ្តសាស្ត្រ ប៉ុន្តែក៏មានហានិភ័យផងដែរ... ក្រុម ISIS អាចនឹងព្យាយាមប្រើប្រាស់កាលៈទេសសព្វថ្ងៃដើម្បីប្រមូលផ្ដុំកម្លាំងឡើងវិញ»។

ក្រសួងការបទេសចិន នៅថ្ងៃចន្ទ ទី៩ ខែធ្នូនេះ បានអំពាវនាវឱ្យមានដំណោះស្រាយនយោបាយ នៅក្នុងប្រទេសស៉ីរី ដើម្បីស្តារស្ថិរភាព និងសណ្តាប់ធ្នាប់ឡើងវិញ បន្ទាប់ពីក្រុមឧទ្ទាមផ្តួលរំលំរដ្ឋាភិបាលប្រធានាធិបតី Bashar al-Assad។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។អ្នកនាំពាក្យក្រសួងការបរទេសចិន លោកស្រី Mao Ning បាននិយាយក្នុងសន្និសីទសារព័ត៌មានប្រចាំថ្ងៃថា ចិនកំពុងតាមដានយ៉ាងដិតដល់ ចំពោះការវិវត្តនៅក្នុងប្រទេសស៉ីរី ហើយសង្ឃឹមថា ភាគីពាក់ព័ន្ធទាំងអស់នឹងធ្វើសកម្មភាព ដើម្បីផលប្រយោជន៍ជាមូលដ្ឋានរបស់ប្រជាជនស៉ីរី។ លោកស្រីគូសបញ្ជាក់ថា «អនាគត និងជោគវាសនាស៉ីរី គួរតែត្រូវបានសម្រេចដោយប្រជាជនស៉ីរីផ្ទាល់ ហើយយើងសង្ឃឹមថា ភាគីពាក់ព័ន្ធនឹងស្វែងរកដំណោះស្រាយនយោបាយ ឱ្យបានឆាប់តាមដែលអាចធ្វើទៅបាន»។

ឆក់ឱកាសដែលប្រទេសស៊ីរីមិនទាន់រឹងមាំអ៊ីស្រាអែលបានឈ្លានពានចូលវាយប្រហារតាមអាកាសឃ្លាំងអាវុធនៅភាគខាងត្បូងប្រទេសស៊ីរី និងនៅក្នុងតំបន់រដ្ឋធានីដាម៉ាស (Damascus) ក្រោមលេសដើម្បីទប់ស្កាត់ក្រុមឧទ្ទាមពីការដណ្តើមយកអាវុធទាំងនោះ។ នេះបើយោងតាម ការដកស្រង់ចេញផ្សាយដោយ ទីភ្នាក់ងារសារព័ត៌មានតួកគី Anadolu។ប្រព័ន្ធផ្សព្វផ្សាយអ៊ីស្រាអែលបានរាយការណ៍ថា ការវាយប្រហារនេះមានគោលដៅបំផ្លាញឃ្លាំងអាវុធ និងមីស៊ីល ដើម្បីការពារកុំឱ្យក្រុមឧទ្ទាម ប្រើប្រាស់វាប្រឆាំងនឹងអ៊ីស្រាអែល។

«យើងបានវាយប្រហារឃ្លាំងរំសេវនៅភាគខាងត្បូងប្រទេសស៊ីរី និងនៅក្នុងតំបន់អាកាសយានដ្ឋាន Damascus ដោយសារមានការភ័យខ្លាចថាពួកគេអាចធ្លាក់ទៅក្នុងកណ្តាប់ដៃក្រុមប្រដាប់អាវុធ និងបក្សពួកក្នុងតំបន់... អ៊ីស្រាអែលកំពុងធ្វើការដើម្បីទប់ស្កាត់ការគំរាមកំហែងដែលអាចកើតមាន និងទប់ស្កាត់ការខូចខាតណាមួយចំពោះឧត្តមភាពដែនអាកាសរបស់ខ្លួននៅក្នុងប្រទេសស៊ីរី»។ នេះបើយោងតាមសម្តីរបស់មន្ត្រីសន្តិសុខអ៊ីស្រាអែលម្នាក់ ដែលបានប្រាប់ទូរទស្សន៍ KAN។ក្រៅពីវាយមប្រហារតាមអាកាសអ៊ីស្រាអែលក៏បានបញ្ជុនកម្លាំងនិងរថក្រោះចូលកាន់កាប់ដីស៊ីរីនៅតំបន់ហ្គោឡង់ហៃផងដែរដើម្បីយកធ្វើជាតំបន់ទ្រនាប់ការពារសន្តិសុខប្រទេសអ៊ីស្រាអែល។

ក្រៅពីការវាយប្រហារដោយអ៊ីស្រាអែល ស្ថានទូតអ៊ីរ៉ង់នៅរដ្ឋធានីដាម៉ាស ប្រទេសស៊ីរី នៅថ្ងៃអាទិត្យនេះ ត្រូវបានវាយប្រហារដោយក្រុមប្រដាប់អាវុធមួយ បន្ទាប់ពីក្រុមឧទ្ទាមស៊ីរីបានវាយយករដ្ឋធានីមួយនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃទី០៨ ខែធ្នូ ឆ្នាំ២០២៤។ទូរទស្សន៍រដ្ឋអ៊ីរ៉ង់បានបញ្ជាក់ថា ក្រុមដែលវាយប្រហារនោះមិនជាក្រុមឧទ្ទាម Hayat Tahrir al-Sham (HTS) ដែលកំពុងគ្រប់គ្រងស៊ីរីនោះទេ។ ទូរទស្សន៍រដ្ឋអ៊ីរ៉ង់ បានរាយការណ៍ដូចនេះថា «ស្ថានទូតអ៊ីរ៉ង់ និងហាងលក់ទំនិញមួយកន្លែង នៅក្បែរនោះ ត្រូវបានក្រុមប្រដាប់អាវុធវាយប្រហារ។ ក្រុមប្រដាប់អាវុធនោះ មិនមែនជាក្រុម Hayat Tahrir al-Sham (HTS) ដែលកំពុងគ្រប់គ្រងភាគច្រើន នៃប្រទេសស៊ីរីនោះទេ»។គួរបញ្ជាក់ថា អ៊ីរ៉ង់បានប្រកាសថា ខ្លួនបានជម្លៀសគ្រួសារ នៃបុគ្គលិកស្ថានទូត ប៉ុន្តែមន្ត្រីការទូតនៅតែស្ថិតនៅក្នុងប្រទេសស៊ីរីដដែល ដោយបានបញ្ជាក់ថា ស្ថានទូតនៅតែបើក និងមានមន្ត្រីការទូត កំពុងបំពេញការងារ។ ទន្ទឹមគ្នានេះ អ៊ីរ៉ង់ក៏បានបដិសេធរបាយការណ៍ ដែលថាខ្លួនកំពុងដកទីប្រឹក្សាយោធាចេញពីប្រទេសស៊ីរីផងដែរ៕ a sirya a sirya1