វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4326 នាក់
ម្សិលមិញ 4292 នាក់
សរុប 14114025 នាក់
រុស្ស៊ី៖សេចក្តីរាយការណ៍ជាហូរហែបានឱ្យដឹងនៅថ្ងៃនេះអំពីលទ្ធផលជាបឋមជុំវិញការប្រកាសច្បាមទឹកដីពីសំណាក់ភាគីរុស្ស៊ីមកលើប្រទេសអ៊ុយក្រែនទន្ទឹមនិងមានការរិះគន់និងប្រតិកម្មជាបន្តបន្ទាប់ ។តាមលទ្ធផលបថមបង្ហាញថា៖ទី១ លទ្ធផលបោះឆ្នោតប្រជាមតិចំនួន ៩៨.៣៥% នៅក្នុងសាធារណៈរដ្ឋប្រជាមានិតដូណេត (Donetsk) គាំទ្រការចូលរួមរស់ជាមួយនឹងរុស្ស៊ី ក្នុងចំណោមសន្លឹកឆ្នោតសរុបប្រមាណ ២២.៤៩% ដែលបានរាប់ហើយ។
ទី២លទ្ធផលបោះឆ្នោតប្រជាមតិចំនួន ៩៧.៨៣% នៅក្នុងសាធារណៈរដ្ឋប្រជាមានិតលូហាន (Luhansk) គាំទ្រការចូលរួមរស់ជាមួយនឹងរុស្ស៊ី ក្នុងចំណោមសន្លឹកឆ្នោតសរុបប្រមាណ ២១.១១% ដែលបានរាប់ហើយ។ទី៣លទ្ធផលបោះឆ្នោតប្រជាមតិចំនួន ៩៧.៧៩% នៅក្នុងតំបន់ Zaporozhye គាំទ្រការចូលរួមរស់ជាមួយនឹងរុស្ស៊ី ក្នុងចំណោមសន្លឹកឆ្នោតសរុបប្រមាណ ២៩% ដែលបានរាប់ហើយ។
ទី៤ លទ្ធផលបោះឆ្នោតប្រជាមតិចំនួន ៩៧.០៥% នៅក្នុងតំបន់ Kherson គាំទ្រការចូលរួមរស់ជាមួយនឹងរុស្ស៊ី ក្នុងចំណោមសន្លឹកឆ្នោតសរុបប្រមាណ ២៨% ដែលបានរាប់ហើយ។
សម្រាប់យុទ្ថសាស្ត្រទន្រានយកទឹកដីអ៊ុយក្រែននេះក្រៅពីការធ្វើប្រជាមតិ នៅក្នុងកិច្ចប្រជុំមួយជាមួយមន្ត្រីរបស់លោកកាលពីថ្ងៃអង្គារកន្លងទៅប្រធានាធិបតីរុស្ស៊ី លោកវ្ល៉ាឌីមៀរ ពុទីនបានថ្លែងបញ្ជាក់ពាក់ព័ន្ធទៅនឹងកាតព្វកិច្ចពលរដ្ឋទៅនឹងការប្រកាសធើ្វកំណែនកងទ័ពរបស់រដ្ឋាភិបាលសម្រាប់ការថ្វ់សង្គ្រាមថា៖កសិកររុស្ស៊ីទាំងអស់ក៏ត្រូវស្ថិតនៅក្នុងចំណោមពលរដ្ឋដែលនឹងត្រូវជាប់កាតព្វកិច្ចកំណែនយោធារបស់រដ្ឋាភិបាលផងដែរ។លោក ពូទីន ក៏បានអះអាងបញ្ជាក់នៅក្នុងកិច្ចប្រជុំនោះដែរថា ទិន្នផលកសិកម្មរបស់ប្រទេសរុស្ស៊ីសម្រាប់ឆ្នាំ ២០២២នេះ នឹងមិនមានការប្រែប្រួលនោះទេ ពោលគឺទិន្នផលដំណាំសរុបប្រមាណ ១៥០លានតោន រួមនិងទិន្នផលស្រូវសាលីចំនួន ១០០លានតោនផ្សេងទៀត នឹងត្រូវធើ្វការប្រមូលផលក្នុងពេលខាងមុខ។
បើតាមអាជ្ញាធររដ្ឋាភិបាលរុស្ស៊ីបានបញ្ជាក់ថា ពលរដ្ឋដែលជាប់កាតព្វកិច្ចយោធាចំនួន ៣០ម៉ឺននាក់ នឹងត្រូវកោះហៅឱ្យចូលបំរើកងទ័ពទៅតាមសេចក្ដីប្រកាសរបស់រដ្ឋាភិបាល។ ក្នុងនោះរួមមានពលរដ្ឋដែលកំពុងរស់នៅតាមតំបន់ជាប់ព្រំដែនភាគខាងត្បូង ហើយនិងនៅតាមតំបន់ភាគកណ្តាលនៃប្រទេសរុស្ស៊ី។សម្រាប់ប្រធានាធិបតីអ៊ុក្រេនលោកZelenskyបាននិយាយតាមរយៈវីដេអូផ្ញើជូនក្រុមប្រឹក្សាសន្តិសុខអង្គការសហប្រជាជាតិ នៅថ្ងៃទី២៧ ខែកញ្ញាថាអ៊ុយក្រែននឹងមិនចរចាជាមួយរុស្ស៊ីទេបន្ទាប់ពីទីក្រុងម៉ូស្គូបានធ្វើប្រជាមតិស្តីពីការបញ្ចូលទឹកដីចំនួន៤របស់ខ្លួន។លោក Zelenskyបាននិយាយថា”ការទទួលស្គាល់របស់រុស្ស៊ីអំពីការបោះឆ្នោតប្រជាមតិក្លែងក្លាយថាជាដោយអនុវត្តសេណារីយ៉ូដូចនៅCrimeaពីមុនហើយការប៉ុនប៉ងមួយទៀតដើម្បីបញ្ចូលទឹកដីអ៊ុយក្រែនមានន័យថាគ្មានអ្វីត្រូវនិយាយទៅកាន់ប្រធានាធិបតីរុស្ស៊ីបច្ចុប្បន្នទេ”។ ។
ប្រធានាធិបតីអ៊ុយក្រែនបានហៅការបោះឆ្នោតប្រជាមតិរបស់រុស្ស៊ីលើទឹកដីអ៊ុយក្រែនថាជារឿងហួសហេតុ។ លោកក៏បានបញ្ជាក់ថាលទ្ធផលនៃប្រជាមតិត្រូវបានកំណត់ទុកជាមុន។ សារព័ត៌មាន Al Jazeera បានចេញផ្សាយ កាលពីថ្ងៃអង្គារ ទី២៧ ខែកញ្ញា ថា រដ្ឋាភិបាលក្រុងកៀវ បានព្រមាន ថា ជនជាតិអ៊ុយក្រែន ណា ដែលជួយដល់ការបោះឆ្នោត និង ការដាក់បញ្ចូលទឹកដីរបស់អ៊ុយក្រែន ជាឧបសម្ព័ន្ធរបស់រុស្ស៊ី នឹងត្រូវប្រឈមមុខការចោទប្រកាន់ ពីបទក្បត់ជាតិ ហើយត្រូវជាប់ពន្ធនាគារ យ៉ាងហោចណាស់ រយៈពេល៥ឆ្នាំ។លោក មីខៃឡូ ប៉ូដូលយ៉ាក (Mikhailo) Podolyak) ទីប្រឹក្សា ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡែនស្គី (Volodymyr Zelenskyy) បានប្រាប់ដល់សារព័ត៌មាន Blick របស់ប្រទេសស្វីស ថា «យើងមានបញ្ជីឈ្មោះមនុស្ស ជាប់ពាក់ព័ន្ធនឹងការបោះឆ្នោតប្រជាមតិនេះអស់ហើយ។ ឥឡូវ យើងកំពុងតែនិយាយ អំពីអ្នកសហការរាប់រយនាក់។ ពួកគេ នឹងត្រូវកាត់ទោស ពីបទក្បត់ជាតិ ហើយប្រឈមនឹងការជាប់ពន្ធនាគារ យ៉ាងតិច៥ឆ្នាំ»។
ទោះជាយ៉ាងណាលោក ក៏បានអះអាងផងដែរ ថា ជនជាតិអ៊ុយក្រែន ទាំងឡាយណា ដែលត្រូវរងនូវការបង្ខិតបង្ខំ ដើម្បីឲ្យទៅបោះឆ្នោតធ្វើប្រជាមតិ ក៏នឹងមិនត្រូវបានទទួលរងនូវការផ្ដន្ទាទោសនោះឡើយ។
សម្រាប់មន្ត្រីសហភាពអឺរ៉ុបនិងអង្គការណាតូវិញបានរិះគន់ការបោះឆ្នោតប្រជាមតិស្តីពីការបញ្ចូលរុស្ស៊ីនៅក្នុងតំបន់ចំនួន៤នៃអ៊ុយក្រែនថា”ខុសច្បាប់”ជាមួយនឹងលទ្ធផលរាប់សន្លឹកឆ្នោត”ក្លែងក្លាយ” ។មន្ត្រីគោលនយោបាយការបរទេសរបស់សហភាពអឺរ៉ុបលោក Josep Borrell បានសរសេរនៅលើ Twitter នៅថ្ងៃនេះថា “សហភាពអឺរ៉ុប (EU)ថ្កោលទោសចំពោះការរៀបចំការធ្វើប្រជាមតិ” ខុសច្បាប់ក៏ដូចជាលទ្ធផលក្លែងក្លាយ” ។«នេះជាការរំលោភលើអធិបតេយ្យភាពនិងបូរណភាពទឹកដីរបស់អ៊ុយក្រែន»។
ប្រធានក្រុមប្រឹក្សាអឺរ៉ុប លោក Charles Michel ក៏បាននិយាយផងដែរថា ការធ្វើប្រជាមតិនៅក្នុងតំបន់ចំនួន៤គឺ Donetsk, Lugansk, Zaporizhzhia និង Kherson ត្រូវបានរៀបចំឡើង។លោកបាននិយាយថា “លទ្ធផលគឺក្លែងក្លាយ។ យើងក៏មិនទទួលស្គាល់ពួកគេដែរ។អគ្គលេខាធិការអង្គការណាតូ លោក Jens Stoltenberg កាលពីថ្ងៃទី២៧ខែកញ្ញាបានហៅការបោះឆ្នោតដែលគ្រប់គ្រងដោយរុស្ស៊ីនៅក្នុងតំបន់នៃអ៊ុយក្រែនដែលគ្រប់គ្រងដោយទីក្រុងម៉ូស្គូថាជា”ការរំលោភច្បាប់អន្តរជាតិ”និង”ខុសច្បាប់” ។
ជាមួយនិងអាមេរិកដែលអះអាងបន្តឈរជាមួយប្រជាជនអ៊ុក្រែន រដ្ឋមន្ត្រីការបរទេសបារាំងលោកស្រី Catherine Colonna បាននិយាយកាលពីថ្ងៃអង្គារម្សិលមិញនេះថា ប្រទេសបារាំងនិងបន្ដផ្តល់ការគាំទ្រយ៉ាងពេញទំហឹងដល់ប្រទេសអ៊ុយក្រែននៅក្នុងការធើ្វការសង្គ្រាមការពារខ្លួនពីប្រទេសរុស្ស៊ី ដោយក្នុងនោះនឹងរួមមានទាំងការផ្តល់ជំនួយមនុស្សធម៌ ជំនួយយោធា ហើយនិងជំនួយហិរញ្ញវត្ថុជាច្រើនបន្ថែមទៀត ដែលគិតជាទឹកប្រាក់សរុបប្រមាណជាង ២ ពាន់លានដុល្លារអាម៉េរិក។
លោកស្រី Catherine Colonna បានថ្លែងបែបនេះនៅក្នុងសន្និសីទសារព័ត៌មានមួយដែលធ្វើឡើងបន្ទាប់ពីបញ្ចប់កិច្ចពិភាក្សាជាមួយនិងរដ្ឋមន្ត្រីការបរទេសអ៊ុយក្រែន លោក Dmytro Kuleba នៅក្នុងទីក្រុង Kyiv ។ ពាក់ព័ន្ធទៅនឹងស្ថានការណ៍សង្គ្រាមចុងក្រោយក្នុងប្រទេសអ៊ុយក្រែនវិញ លោកស្រីបានធើ្វការរិះគន់ខ្លាំងៗទៅលើវិធានការកំណែនកងទ័ព រួមនិងដំណើរការបោះឆ្នោតប្រជាមតិក្លែងក្លាយរបស់រដ្ឋាភិបាលរុស្ស៊ីនៅតាមតំបន់ភាគខាងកើតចំនួន ៤របស់អ៊ុយក្រែន ថាជាសកម្មភាពដែលខ្វះការពិចារណាល្អិតល្អន់និងមិនមានភាពខ្មាស់អៀន ដែលនិងជម្រុញឱ្យស្ថានការណ៍កាន់តែធ្ងន់ធ្ងរថែមទៀតនៅថ្ងៃអនាគត៕