ប្រធានាធិបតីអ៉ីរ៉ង់ថា មិនអាចបណ្តោយឱ្យអ៉ីស្រាអែល ធ្វើអីស្រេចចិត្តលើក្រុមចលនាប្រដាប់អាវុធ ដែលជាសម្ព័ន្ធមិត្តរបស់ខ្លួននោះទេ ?!
21-May-2025 / ព័ត៌មានអន្តរជាតិ
ប្រទេសអ៊ីរ៉ង់៖ ប្រធានាធិបតី លោកម៉ាស៊ូដប៉េហ្សិស្គិយ៉ាន( Masoud Pezeshkian )បាននិយាយថា អ៉ីស្រាអែលមិនគួរត្រូវបានអនុញ្ញាតឱ្យ ធ្វើការវាយប្រហារមកលើប្រទេស ដែលមានចលនាប្រដាប់អាវុធគាំទ្រដោយអ៉ីរ៉ង់ ម្តងហើយម្តងទៀតនោះទេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃចន្ទ ទី៣០ ខែកញ្ញា ឆ្នាំ ២០២៤។
នៅក្នុងការអត្ថាធិប្បាយតាមប្រព័ន្ធផ្សព្វផ្សាយរដ្ឋ លោកប៉សហ្សិស្គិយ៉ាន( Pezeshkian )គូសបញ្ជាក់ថា «យើងមិនគួរទុកឱ្យអ្នកប្រយុទ្ធលីបង់ ស្ថិតក្នុងសមរភូមិតែឯង ហើយបណ្តោយឱ្យអ៉ីស្រាអែល បើកការវាយប្រហារមកលើបណ្តាប្រទេស ដែលមានចលនាប្រដាប់អាវុធ ជាសម្ព័ន្ធមិត្តរបស់យើង ម្តងមួយៗនោះឡើយ»។ បន្ទាប់ពីមេបញ្ជាការងនៃកងឆ្មាំបដិវត្តន៍អ៉ីរ៉ង់ លោក Abbas Nilforoushan ក៏ត្រូវបានសម្លាប់ នៅក្នុងការវាយប្រហារ ដែលបានសម្លាប់មេដឹកនាំហេសបូឡានោះដែរ លោក Pezeshkian បន្ថែមថា «យើងមិនអាចទទួលយកសកម្មភាពដូចនេះបានទេ ហើយក៏មិនទុកឱ្យពួកគេមិនទទួលបានការឆ្លើយតបនោះដែរ។ ប្រតិកម្មធ្ងន់ធ្ងរ ត្រូវតែធ្វើឡើងដាច់ខាត»។គេមិនដឹងថាតើប្រទេសអ៊ីរ៉ងត្រុវប្រតិកម្មបន្តរៀបណាទៀតនោះទេ?។
ក្រៅពីប្រធានាធិបតីមន្ត្រីជាន់ខ្ពស់ក្រសួងការបរទេសអ៊ីរ៉ង់ដែលជាអ្នកគាំទ្រចលនាបស្ចឹមប្រទេសរបស់កងកម្លាំងហេសបូឡា ក៏បានប្រាប់សន្និសីទសារព័ត៌មានប្រចាំសប្តាហ៍ថា ខ្លួនមិនខ្លាចសង្គ្រាមទេ បើទោះបីជាខ្លួនមិនស្វែងរកសង្គ្រាមនោះទេ។ថ្លែងនៅក្នុងសន្និសីទសារព័ត៌មានប្រចាំសប្តាហ៍នៅថ្ងៃចន្តទី៣០កញ្ញានេះដែរ លោកណាសែរកាណានី( Nasser Kanaani )អ្នកនាំពាក្យក្រសួងការបរទេសអ៊ីរ៉ង់ បាននិយាយដោយសំដៅលើការបាត់បង់ការអត់ធ្មត់ ខណៈដែលមន្ត្រីយោធាជាន់ខ្ពស់របស់ខ្លួន គឺ ឧត្តមសេនីយទោ Abbas Nilforoushan ដែលបម្រើការងារជាអ្នកប្រឹក្សាយោធាដល់កងកម្លាំងហេសបូឡាត្រូវបានសម្លាប់ដោយការវាយប្រហារតាមផ្លូវអាកាសរបស់អ៊ីស្រាអែល។
ការវាយប្រហាររបស់អ៊ីស្រាអែលលើទីក្រុងបេរូតកាលពីថ្ងៃសុក្រ បានសម្លាប់មេដឹកនាំក្រុមហេសបូឡា លោក Sayyed Hassan Nasrallah ដែលមានការបារម្ភថា សង្គ្រាមនៅមជ្ឈិបូព៌ាអាចរីករាលដាលកាន់តែខ្លាំងដោយសារការទាញអ៊ីរ៉ង និងសហរដ្ឋអាមេរិកចូលក្នុងសង្គ្រាមដែលកំពុងរីករាលដាលនេះ។តាមការដកស្រង់របស់រ៉យទ័រ លោក Kanaani បានប្រាប់ ថា៖«យើងឈរយ៉ាងរឹងមាំ ហើយយើងនឹងធ្វើសកម្មភាពក្នុងរបៀបមួយដែលសោកស្ដាយ [សម្រាប់សត្រូវ]។ អ៊ីរ៉ង់មិនស្វែងរកសង្គ្រាម ប៉ុន្តែមិនខ្លាចវាទេ»។លោក Kanaani បាននិយាយថា អ៊ីរ៉ង់កំពុងតាមដានយ៉ាងដិតដល់លើបញ្ហាជាមួយអាជ្ញាធរលីបង់ ដោយសំដៅទៅលើការវាយប្រហារដែលបានសម្លាប់ Nasrallah និង Nilforoushan។
គួរបញ្ជាក់ថាក្រៅពីក្រុមហេសបូឡា កាលពីថ្ងៃអាទិត្យចុងសប្តាហ៍កន្លងទៅ អ៉ីស្រាអែលក៏បានទម្លាក់គ្រាប់បែកលើគោលដៅរបស់ក្រុមហ៊ូទី នៅប្រទេសយេម៉ែន ដែលជាការប្រឈមមុខដាក់គ្នាថ្មីមួយទៀត ជាមួយសម្ព័ន្ធមិត្តអ៉ីរ៉ង់នៅក្នុងតំបន់ ក្រោយការសម្លាប់មេដឹកនាំក្រុមហេសបូឡា លោក Hassan Nasrallah នៅឯលីបង់៕នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៣០ ខែកញ្ញា ឆ្នាំ ២០២៤។
ក្រសួងសុខាភិបាលគ្រប់គ្រងដោយក្រុមហ៊ូទី បានឱ្យដឹងថា យ៉ាងហោចណាស់មនុស្ស ៤នាក់ស្លាប់ និង ២៩នាក់រងរបួស។ អ៊ីស្រាអែល និយាយថា ការវាយប្រហារតាមផ្លូវអាកាសលើកំពង់ផែ Hodeidah របស់យេម៉ែន គឺជាការឆ្លើយតបទៅនឹងការវាយប្រហារ ដោយមីស៉ីលរបស់ហ៊ូទីមកលើអ៊ីស្រាអែល ក្នុងរយៈពេលប៉ុន្មានថ្ងៃថ្មីៗនេះ។ កាវាយប្រហារនេះ កើតឡើងទន្ទឹមគ្នានឹងការបន្តកំណត់គោលដៅ នៅក្នុងលីបង់ថែមទៀត ដោយបើតាមក្រសួងសុខាភិបាលលីបង់ កាលពីថ្ងៃអាទិត្យ យ៉ាងហោចណាស់មនុស្សចំនួន ១០៥នាក់បានស្លាប់ និង ៣៥៩នាក់ផ្សេងទៀតរងរបួស។ នេះបើយោងតាមការចេញផ្សាយរបស់សារព័ត៌មានAl Jazeera នៅថ្ងៃទី៣០ខែកញ្ញានេះ។
យោងតាមក្រសួងសុខាភិបាលលីបង់ ការវាយប្រហារតែមួយនៅ Ain al-Delb ក្បែរក្រុង Sidon ភាគខាងត្បូងបានរំលំអគារលំនៅឋានពីរ សម្លាប់មនុស្ស៣២នាក់ ក្នុងនោះគ្រួសារជនភៀសខ្លួនជាច្រើនដែលជ្រកកោននៅកន្លែងនោះស្ថិតក្នុងចំណោមជនរងគ្រោះ ខណៈអ្នកនយោបាយលីបង់ជាច្រើនថ្កោលទោសការវាយប្រហារនេះថាជា «ការសម្លាប់រង្គាល»។ទោះបីជាយ៉ាងណា អ៊ីស្រាអែល បាននិយាយថា ខ្លួនបានវាយប្រហារទៅលើគោលដៅរបស់ក្រុមហេសបូឡា រាប់សិបនាក់ដែលលាក់ខ្លួនក្នុងចំណោមអគារទាំងនោះ ប៉ុន្តែមន្ត្រីលីបង់បាននិយាយថា ការទម្លាក់គ្រាប់បែកបានវាយប្រហារផ្ទះ និងអគារនានានៅភាគខាងត្បូងប្រទេសលីបង់ តំបន់ Bekaa ខេត្ត Baalbek-Hermel និងជាយក្រុងភាគខាងត្បូងនៃទីក្រុង Beirut ខណៈការទម្លាក់គ្រាប់បែកនៅក្រុង Beirut បង្ហាញថា រដ្ឋធានីលីបង់ ដែលពីមុនត្រូវបានគេមើលឃើញថា ជាជម្រកសុវត្ថិភាពពីការវាយប្រហាររបស់អ៊ីស្រាអែល ឥឡូវនេះកំពុងស្ថិតនៅក្នុងភាពវឹកវរយ៉ាងខ្លាំង។
អ៊ីស្រាអែលបានបើកយុទ្ធនាការទម្លាក់គ្រាប់បែកដ៏ធំមួយប្រឆាំងនឹងប្រទេសលីបង់ចាប់ពីថ្ងៃទី ២៣ខែកញ្ញា ក្នុងគោលបំណងដេញក្រុមហេសបូឡាចេញពីព្រំដែនរបស់ខ្លួន។ ការវាយលុកនេះបានសម្លាប់មនុស្សរាប់រយនាក់ និងបានបន្សល់ទុកនូវការបំផ្លិចបំផ្លាញយ៉ាងធ្ងន់ធ្ងរនៅក្នុងភូមិ និងទីប្រជុំជននានាទូទាំងប្រទេសលីបង់ ជាពិសេសនៅភាគខាងត្បូងនៃប្រទេសលីបង់។ការវាយប្រហារនេះបានធ្វើឲ្យមានវិបត្តិភៀសខ្លួនផងដែរ យោងតាមនាយករដ្ឋមន្ត្រីលីបង់ លោក Najib Mikati បានឲ្យដឹងថា មនុស្សរហូតដល់១លាននាក់បានផ្លាស់ទីលំនៅដោយសារអំពើហិង្សានេះ ដោយលោកចោទប្រកាន់អ៊ីស្រាអែលថា បានធ្វើ «ប្រតិបត្តិការឧក្រិដ្ឋកម្មប្រចាំថ្ងៃ» នៅទូទាំងប្រទេសរបស់លោក។ជនភៀសខ្លួនប្រហែល ១១៨០០០ នាក់កំពុងស្នាក់នៅក្នុងជម្រកដែលបានកំណត់ចំនួន ៧៧៨ ប៉ុន្តែចំនួនពិតប្រាកដគឺធំច្រើនជាង ដោយសារមនុស្សជាច្រើនបានស្នាក់នៅជាមួយមិត្តភក្តិ និងសាច់ញាតិ ឬជួលកន្លែងផ្ទាល់ខ្លួន។
គួរបញ្ជាក់ថា នេះជាការប្រឈមមុខដាក់គ្នាថ្មីទៀត រវាងអ៉ីស្រាអែលជាមួយសម្ព័ន្ធមិត្តអ៉ីរ៉ង់ ក្នុងតំបន់មជ្ឈិមបូព៌ា ពីរថ្ងៃបន្ទាប់ពីការសម្លាប់មេដឹកនាំក្រុមហេសបូឡា លោក Hassan Nasrallah ចំពោះមុខក្តីបារម្ភថា ការប្រយុទ្ធគ្នាអាចហួសពីការគ្រប់គ្រង ហើយទាញឱ្យអ៉ីរ៉ង់ និងសហរដ្ឋអាមេរិកចូលរួមក្នុងជម្លោះ៕
