លោក ឆ ណាក់ មេគយច្រកជាំបាននឹងកំពុងមូលលាភសក្ការ:ពីក្រុមឈ្មួញដឹក ទំនិញគេចពន្ធយ៉ាងសប្បាយដៃ ?

ករណីយ៍វ៉ៃខ្នោះអ្នកបើកឡានដែលស្នងការរងបុកស្នងការដ្ឋាននគរបាលខេត្តស្វាយរៀងចេញ បំភ្លឺ

ការកាយដីទំនប់បូមទឹករបស់ក្រុមហ៊ុនទឹកស្អាតអានកូក្រុងកំពង់ឆ្នាំង ចេញពីទន្លេសាបវិញ ធ្វើបានតែ១ថ្ងៃ?

ឡាវ អនុញ្ញាតឱ្យកម្ពុជាដឹកទំនិញកសិកម្មឆ្លងកាត់ប្រទេសខ្លួន

ទាហ៊ានកម្មង់ដូអូស្ត្រាលីចងសហការនិងបង្វឹកទ័ពពិសេសតែកម្ពុជាថាចាំមេសម្រេចសិន!

លោកស្រី ហង្ស បូរី និងគ្នីគ្នាត្រូវឃាត់ខ្លួនដោយសាគាស់កំណប់រកមាស

ក្រុមជនល្មើសស្បែកខ្មៅ២នាក់ ប្រើល្បិចលាងលុយប្រលាក់ទឹកខ្មៅ ដើម្បីក្លាយជាលុយដុល្លារពិតប្រាកដ ស៊ីឧគញ៉ាម្នាក់អស់លុយជាង៧លានដុល្លារ

ជាច្រើនទៀត

ចំនួនអ្នកទស្សនា

ថ្ងៃនេះ 2389 នាក់

ម្សិលមិញ 14970 នាក់

សរុប 16696324 នាក់

រុស្ស៊ីបាញ់កាំជ្រួចរយៈឆ្ងាយឆ្លើយតបបន្ទាប់់ពីអ៊ុយក្រែនបាញ់អាវុធឆ្ងាយចូលដីរុស្ស៊ីបាន២ថ្ងៃ

25-April-2025 / ព័ត៌មានអន្តរជាតិ

អ៊ុយក្រែន៖ កងទ័ពអាកាសរបស់ទីក្រុងគីវ (Kyiv) អ៊ុយក្រែននិយាយថា រុស្ស៊ី បានធ្វើសកម្មភាពបាញ់មីស៊ីលផ្លោងអន្តរទ្វីប ដើម្បីវាយប្រហារលើប្រទេសអ៊ុយក្រែន នៅថ្ងៃព្រហស្បតិ៍នេះ ដែលជាការប្រើប្រាស់គ្រឿងសព្វាវុធដ៏មានឥទ្ធិពលជាលើកដំបូងពីសំណាក់ភាគីរុស្ស៊ី ដែលរចនាឡើងដើម្បីវាយប្រហារនុយក្លេអ៊ែរក្នុងរយៈចម្ងាយរាប់ពាន់គីឡូម៉ែត្រ ។ a uy russy4

ជុំវិញបញ្ហានេះ អ៊ុយក្រែន មិនបានបញ្ជាក់ ថាតើមីស៊ីលនោះមានក្បាលគ្រាប់ប្រភេទណា ឬជាមីស៊ីលប្រភេទជាក់លាក់អ្វីនោះទេ ហើយក៏មិនមានការបញ្ជាក់ដែរថា តើមីស៊ីលនោះ មានផ្ទុកក្បាលគ្រាប់នុយក្លេអ៊ែរដែរឬយ៉ាងណា ។ភាគីរុស្ស៊ីឯណោះវិញ នៅមិនទាន់បានធ្វើការអត្ថាធិប្បាយណាមួយភ្លាមៗនៅឡើយទេ ។

តែ ប្រព័ន្ធផ្សព្វផ្សាយ Ukrainska Pravda ដែលមានមូលដ្ឋាននៅទីក្រុងគីវ បានដកស្រង់ប្រភពអនាមិកដែលអះអាងថា មីស៊ីលនេះ គឺជាប្រភេទ RS-26 Rubezh ជាមីស៊ីលផ្លោងអន្តរទ្វីប ដែលអាចបាញ់ដល់គោលដៅក្នុងរយៈចម្ងាយ ៥,៨០០ គីឡូម៉ែត្រឯណោះ ។ការបាញ់ដោយកាំជ្រួចរយៈឆ្ងាយនេះបានកើតឡើងបន្ទាប់ពីអ៊ុយក្រែនបានប្រើប្រាស់មីស៊ីល ATACMS របស់សហរដ្ឋអាមេរិក ដើម្បីវាយប្រហារទៅលើទឹកដីរុស្ស៊ីជាលើកដំបូង ដែលជាថ្ងៃទី ១,០០០ នៃសង្គ្រាមរុស្ស៊ី-អ៊ុយក្រែន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃទី១៩ ខែវិច្ឆិកា ឆ្នាំ២០២៤។

“វេលាម៉ោង ៣ និង ២៥ នាទីទៀបភ្លឺថ្ងៃ ១៩ វិច្ឆិកា ខ្មាំងបានវាយប្រហារមកលើទីតាំងយោធា មួយ ក្នុងខេត្តរុស្ស៊ី Briansk ដោយប្រើមីស៊ីលតាក់ទិចបាញ់រយៈឆ្ងាយ ប្រភេទ ATACMS ចំនួន ៦ ដើម” នេះជាសេចក្តីប្រកាសរបស់ក្រសួងការពារជាតិរុស្ស៊ី ទាំងបញ្ជាក់ថា ពីក្នុងនោះ ៥ ដើម ត្រូវបានប្រព័ន្ធ ការពារដែនអាកាសរុស្ស៊ី បាញ់កំទេចក្នុងអាកាស ហើយ មួយទៀត បានរងការខូចខាត ដែលអំបែងវា ធ្លាក់ចំលើ មណ្ឌលបច្ចេកទេសក្នុងទីតាំងនោះ ដោយបង្កឲ្យមានអគ្គិភ័យ ដែលត្រូវបានពន្លត់ទៅយ៉ាងលឿន។ ការវាយប្រហារនោះមិនបណ្តាលឲ្យមានអ្នករងគ្រោះទេ។

ព្រឹត្តិការណ៍នេះ កើតឡើង ក្រោយពី លោកប្រធានាធិបតីរុស្ស៊ី វ្ល៉ាឌីមៀរ ពូទីន ទើបបានចុះហត្ថលេខាលើ ក្រិត្យដែលពង្រីកលទ្ធភាពសម្រាប់ប្រើអាវុធនុយក្លេអ៊ែរ អមដោយលក្ខខ័ណ្ឌផងទាំងឡាយ ដែលញុះញង់ ឲ្យរុស្ស៊ីប្រើអាវុធនុយក្លេអ៊ែរ ដូចជាការបាញ់បង្ហោះមីស៊ីលបាលីស្ទិកច្រើនសន្ធឹកដោយសត្រូវ ស្រោច មកលើប្រទេសរុស្ស៊ីជាដើម។ការបាញ់ប្រហារគឺបន្ទាប់ពីប្រធានាធិបតីអាមេរិក លោក Joe Biden បានអនុញ្ញាតឱ្យអ៊ុយក្រែន ប្រើប្រាស់មីស៊ីលរយៈចម្ងាយទាំងនោះ ដើម្បីវាយប្រហារទៅក្នុងទឹកដីរុស្ស៊ី ដែលជាការសម្រេចចិត្តដ៏ចម្រូងចម្រាសមួយ។

នៅក្នុងសុន្ទរកថាទៅកាន់សភាកាលពីពេលថ្មីៗនេះ ប្រធានាធិបតីអ៊ុយក្រែន លោក Volodymyr Zelenskiy បានសង្កត់ធ្ងន់ថា «ពេលវេលាដ៏មុតស្រួច» នៃសង្គ្រាមនឹងមកដល់នៅឆ្នាំក្រោយ...នៅក្នុងដំណាក់កាលនៃសង្គ្រាមនេះ វានឹងសម្រេចថាអ្នកណានឹងឈ្នះ។ មិនថាយើងលើសត្រូវ ឬសត្រូវលើយើងអ៊ុយក្រែន... និងអឺរ៉ុប។ ហើយអ្នកគ្រប់គ្នានៅក្នុងពិភពលោក ដែលចង់រស់នៅដោយសេរី និងមិនត្រូវស្ថិតនៅក្រោមការជនផ្តាច់ការ»។អ្នកជំនាញខាងយោធានិយាយថា មីស៊ីលរបស់អាមេរិកអាចជួយអ៊ុយក្រែនការពារទឹកដី ដែលខ្លួនបានគ្រប់គ្រង ប៉ុន្តែទំនងជាមិនផ្លាស់ប្តូរដំណើរនៃសង្គ្រាមនោះទេ។កាលពីខែសីហា រុស្ស៊ីបានថ្លែងថា ខ្លួនបានបាញ់កំទេចមីស៊ីល ATACMS ចំនួន ១២ ដើម ពេលវាហោះ សំដៅទៅវាយប្រហារ ទៀបកោះគ្រីមេរបស់អ៊ុយក្រែនដែលត្រូវក្រុងម៉ូស្គូកាត់យកទៅគ្រប់គ្រង តាំងពីក្នុងឆ្នាំ ២០១៤ ម្ល៉េះ។

ថ្ងៃអង្គារទី ១៩ វិច្ឆិកា លោក ប្រធានាធិបតីរុស្ស៊ី វ្ល៉ាឌីមៀរ ពូទីន បានអនុម័តយុទ្ធសាស្ត្រនុយក្លេអ៊ែរថ្មី ដែល ពង្រីកលទ្ធភាពសម្រាប់រុស្ស៊ីប្រើអាវុធបរមាណូទៅលើប្រទសដែលគ្មាននុយក្លេអ៊ែរ ប្រសិនបើរុស្ស៊ីស្រាប់តែក្លាយជា ទីដៅ នៃការវាយប្រហារ ទោះដោយអាវុធសាមញ្ញក្តី ប៉ុន្តែដែលគាំទ្រដោយរដ្ឋដែលមានអាវុធនុយក្លេអ៊ែរ។ តែ រដ្ឋាភិបាលក្រុងវ៉ាស៊ីនតោន ហាក់មិនបានភ្ញាក់ផ្អើលចំពោះការប្រកាសរបស់រុស្ស៊ីនោះឡើយ និងថែមទាំងបានចាត់ទុកវាថា គ្រាន់តែជាវោហាសាស្ត្រច្រំដែលរបស់មេដឹកនាំរុស្ស៊ីតែប៉ុណ្ណោះ។

នៅថ្ងៃអង្គារម្សិលមិញ(ទី១៩វិច្ឆិកា) អ៊ុយក្រែនបានធើ្វការរម្លឹកខួបរយៈពេល ១,០០០ថ្ងៃនៃសង្គ្រាមឈ្លានពានរបស់រុស្ស៊ី ដោយធើ្វឡើងតាមរយៈសេចក្តីថ្លែងការណ៍មួយរបស់ឯកអគ្គរដ្ឋទូតអ៊ុយក្រែនប្រចាំអង្គការសហប្រជាជាតិ លោក សឺហ្គី គីស្លីយ៉ា (Sergiy Kyslytsya) ដែលមានការគាំទ្រពីបណ្តាប្រទេសអឺរ៉ុបចំនួន ៤២ ដើម្បីសម្តែងការប្រឆាំងជាថ្មីនូវសង្គ្រាមលុកលុយរបស់រុស្ស៊ីទៅលើអ៊ុយក្រែន និងបានទាមទារឱ្យរុស្ស៊ីធើ្វការដកទ័ពរបស់ខ្លួនចេញពីទឹកដីភាគខាងកើតរបស់អ៊ុយក្រែន។

ថ្លែងក្នុងឱកាសកិច្ចប្រជុំអង្គការសហប្រជាជាតិនៅឯទីក្រុងញូវយ៉ក អ្នកតំណាងរបស់អ៊ុយក្រែនរូបនេះបាននិយាយថា "រយៈពេលមួយពាន់ថ្ងៃដែលអ៊ុយក្រែនបានឆ្លងកាត់ គឺជាសោកនាដកម្មសង្គ្រាមដែលបានផ្តល់ជាការក្រើនរម្លឹកឡើងវិញទៅកាន់សហគមន៍អន្តរជាតិ អំពីភាពចាំបាច់ក្នុងការចូលរួមរក្សាឱ្យបាននូវគោលការណ៍ច្បាប់នានា ដើម្បីធានាសុខសនិ្តភាពនិងស្ថិរភាពរបស់ពិភពលោក មិនថាសម្រាប់តែអ៊ុយក្រែន ឫក៏ប្រទេសណាមួយនោះឡើយ" ។

នៅក្នុងសង្គ្រាមរយៈពេល 1,000 ថ្ងៃមកនេះ អ៊ុយក្រែនបានបាត់បង់ទឹកដីខេត្តនិងតំបន់សរុបចំនួន ៥ ទៅកាន់ប្រទេសរុស្ស៊ី រួមមាន ដុននេត លូហាន ឃឺសុន Zaporizhzhia និងតំបន់គ្រីមៀរ ស្របពេលអ៊ុយក្រែនកំពុងមានក្តីបារម្ភចំពោះការថយថមនូវជំនួយគាំទ្ររបស់ក្រុមសម្ព័ន្ធមិត្ត ជាពិសេសគឺសហរដ្ឋអាម៉េរិក នៅបន្ទាប់ពីការឈ្នះឆ្នោតរបស់លោកដូណាល់ត្រាំ។

តាមរយៈអ្នកនាំពាក្យវិមានក្រឹមឡាំង លោក Dmitry Peskov បាននិយាយថា សព្វាវុធប្រភេទនេះ អាចប្រតិបត្តិការទៅបានដោយសារតែមានការគាំទ្រផ្នែកបច្ចេកទេសរបស់អ្នកជំនាញការយោធាអាម៉េរិក ហើយត្រង់ចំណុចនេះ វាបានបង្ហាញយ៉ាងច្បាស់អំពីការរួមពាក់ព័ន្ធដោយផ្ទាល់របស់រដ្ឋការក្រុងវ៉ាស៊ីនតោ នៅក្នុងសង្គ្រាមអ៊ុយក្រែន ដែលរុស្ស៊ីចាំបាច់ត្រូវធើ្វការឆ្លើយតបឱ្យបានស័ក្ដិសម។

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បាននិយាយថាអ៊ុយក្រែននឹងបរាជ័យ នៅក្នុងសង្គ្រាមប្រឆាំងការឈ្លានពានពីរុស្ស៉ី ប្រសិនបើសហរដ្ឋអាមេរិកកាត់បន្ថយការផ្ដល់ជំនួយយោធាសម្រាប់ទីក្រុងកៀវ នៅចំពោះមុខភាពមិនច្បាស់លាស់នៃការវិលត្រឡប់មកកាន់អំណាចជាថ្មី របស់លោក ដូណាល់ ត្រាំ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។

លោក ហ្សេលេនស្គី ធ្វើការកត់សម្គាល់បែបនេះ នៅក្នុងបទសម្ភាសន៍ជាមួយសារព័ត៌មាន Fox News កាលពីថ្ងៃអង្គារ ទី១៩ ខែវិច្ឆិកា។ លោក ហ្សេលេនស្គី បានគូសបញ្ជាក់ដូច្នេះថា «ប្រសិនបើពួកគេ (សហរដ្ឋអាមេរិក) កាត់បន្ថយជំនួយយោធា ខ្ញុំគិតថាយើងនឹងត្រូវចាញ់។ យើងនឹងប្រយុទ្ធ ហើយយើងមាន អាវុធដែលយើងផលិតដោយខ្លួនឯង។ ប៉ុន្តែវាមិនគ្រប់គ្រាន់ទេដើម្បីទទួលបានជ័យជម្នះ»។
គួរបញ្ជាក់ថា ប្រធានាធិបតីជាប់ឆ្នោតអាមេរិក លោក ដូណាល់ ត្រាំ បានសន្យាម្ដងហើយម្ដងទៀតថាលោកនឹងបញ្ចប់សង្គ្រាមអ៊ុយក្រែនដោយប្រើពេលត្រឹម តែមួយថ្ងៃ នៅក្រោយពេលលោកឡើងកាន់តំណែងជាប្រធានាធិបតីជាផ្លូវការនៅខែមករា ឆ្នាំ២០២៥។

ប៉ុន្តែលោកមិនបានបញ្ជាក់ថាតើលោកបញ្ចប់សង្គ្រាម ដោយរបៀបណានោះទេ ប៉ុន្តែបានរិះគន់ទំហំនៃកញ្ចប់ជំនួយយោធាដែលរដ្ឋបាលលោក បៃដិន បានបញ្ជូនទៅឱ្យអ៊ុយក្រែន។អង្គការអន្តរជាតិសម្រាប់ការធ្វើចំណាកស្រុក (IOM) របស់អង្គការសហប្រជាជាតិ បានប្រកាសកាលពីថ្ងៃទី១៩ខែវិច្ឆិកាថា មនុស្សជាង ១៤,៦លាននាក់នៅទូទាំងប្រទេសអ៊ុយក្រែន ដែលត្រូវបានហែកហួរដោយសង្គ្រាម កំពុងត្រូវការជំនួយមនុស្សធម៌ជាបន្ទាន់។

លោកស្រី Amy Pope អគ្គនាយក IOM បាននិយាយនៅក្នុងសេចក្តីថ្លែងការណ៍មួយថា៖ «មួយពាន់ថ្ងៃបានកន្លងផុតទៅហើយ ចាប់តាំងពីការលុកលុយពេញលក្ខណៈរបស់រុស្ស៊ីបានចាប់ផ្តើម ដោយបន្សល់ទុកនូវភាពសោកសៅ និងការបំផ្លិចបំផ្លាញជាបន្តបន្ទាប់»។លោកស្រី បានបន្ថែមថា តួលេខសរុបរួមមានមនុស្ស ៣,៥លាននាក់បានផ្លាស់ទីលំនៅនៅអ៊ុយក្រែន ដែលភាគច្រើនជាស្ត្រី កុមារ មនុស្សចាស់ និងជនពិការ។

លោកស្រី បានកត់សម្គាល់ថា ការវាយប្រហារឥតឈប់ឈរលើហេដ្ឋារចនាសម្ព័ន្ធថាមពលរបស់អ៊ុយក្រែន ដែលកាត់ផ្តាច់ ៦៥% នៃទំហំអគ្គិសនីសរុប គឺជាបញ្ហាដ៏ធំចំពោះមនុស្សរាប់លាននាក់ ហើយទាមទារឲ្យមានការចូលរួមជួយពីសហគមន៍អន្តរជាតិ នៅពេលដែលរដូវរងាជិតចូលមកដល់។លោកស្រី Pope បានរៀបរាប់ថា៖ «អង្គការ IOM ជំរុញឲ្យរដ្ឋាភិបាល អ្នកដឹកនាំវិស័យឯកជន និងបុគ្គលជុំវិញពិភពលោក រក្សាការគាំទ្ររបស់ពួកគេសម្រាប់អ្នកដែលត្រូវការចាំបាច់បំផុត។ ទាំងអស់គ្នា យើងអាចធានាថា សូម្បីតែនៅក្នុងរដូវរងាដ៏ខ្មៅងងឹតបំផុតក៏ដោយ ក៏មានភាពកក់ក្តៅ សេចក្តីថ្លៃថ្នូរ និងការសន្យានៃអនាគតប្រកបដោយសន្តិភាព។ a uy shoot a uy shoot1 a uy shoot3 a zelensky