សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 995 នាក់

ម្សិលមិញ 6677 នាក់

សរុប 14148571 នាក់

នាយករដ្ឋមន្ត្រីម៉ាឡេស៊ីអានវ៉ាប្រកាសមិនយកប្រាក់ខែក្នុងពេលគណរដ្ឋមន្ត្រីកាត់២០ភាគរយ

03-April-2024 / ព័ត៌មានអន្តរជាតិ

ម៉ាឡេស៊ី៖ នាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៉ីម (Anwar Ibrahim) បានឲ្យដឹងថា បណ្តារដ្ឋមន្ត្រីក្នុងរដ្ឋាភិបាលចម្រុះរបស់លោក បានឯកភាពទទួលយកការកាត់ប្រាក់ខែ ២០ភាគរយ។ ទីភ្នាក់ងារបារាំង AFP នៅថ្ងៃចន្ទ ទី៥ ខែធ្នូ ឆ្នាំ២០២២បានផ្សាយឲ្យដឹងថា៖ កំលុងកិច្ចប្រជុំគណៈរដ្ឋមន្ត្រីលើកដំបូងនាថ្ងៃចន្ទនេះ ក្រុមរដ្ឋមន្ត្រីបានយល់ព្រមចំពោះគំនិត នៃការកាត់បន្ថយប្រាក់ខែនេះ ដោយសារតែក្តីកង្វល់ចំពោះបញ្ហាលំបាកផ្សេងៗ ដែលសាធារណជនបាននិងកំពុងប្រឈម។ a anvaa1

លោក អាន់វ៉ា បានគូសបញ្ជាក់ដូច្នេះថា «ចំណាត់ការនេះ នឹងបន្តរហូតទាល់តែសេដ្ឋកិច្ចប្រសើរឡើងវិញ។ ប្រសិនបើសេដ្ឋកិច្ចស្តារបានវិញ ក្នុងរយៈពេល៣ឆ្នាំខាងមុខ នោះយើងនឹងពិនិត្យមើលវាសាជាថ្មី។ ការកាត់ប្រាក់ខែគឺជារឿងមិនសមរម្យទេ ប៉ុន្តែខ្ញុំអរគុណដល់ពួកគេ សម្រាប់ការស្ម័គ្រចិត្តលះបង់បន្តិចបន្តួចនេះ»។លោកនាយករដ្ឋមន្ត្រីម៉ាឡេស៊ីបានបន្តទៀតថា «មានមនុស្សមួយចំនួនដែលនិយាយថា អាន់វ៉ា មិនយកប្រាក់ខែនាយករដ្ឋមន្ត្រីពិតមែន ប៉ុន្តែនឹងយកប្រាក់ខែរដ្ឋមន្ត្រីហិរញ្ញវត្ថុ។ វាពុំត្រឹមត្រូវនោះទេ ព្រោះប្រាក់ខែនឹងមានតែមួយប៉ុណ្ណោះ»។ ក្រៅពីតួនាទីនាយករដ្ឋមន្ត្រី លោក អាន់វ៉ា ក៏ទទួលបន្ទុកជារដ្ឋមន្ត្រីហិរញ្ញវត្ថុផងដែរ។ កាលពីកំលុងការឃោសនាបោះឆ្នោតនាពេលកន្លងទៅ លោក អាន់វ៉ា បានសន្យាថា លោកនឹងមិនយកប្រាក់ខែឡើយ បើក្លាយជានាយករដ្ឋមន្ត្រី ដើម្បីបង្ហាញសាមគ្គីភាពជាមួយប្រជាជន ដែលស្ថិតក្នុងស្ថានភាពលំបាក។

គួរបញ្ជាក់ថា កាលពីថ្ងៃសុក្រសប្តាហ៍មុន លោក អាន់វ៉ា បានបង្ហាញសមាសភាពគណរដ្ឋមន្ត្រីរបស់លោកមានចំនួន២៨រូប ដែលជាតិចជាង បើធៀបនឹងទំហំរដ្ឋបាលមុនៗ របស់អតីតនាយករដ្ឋមន្ត្រី លោក អ៉ីស្មែល សាប្រ៊ី យ៉ាកូប (Ismail Sabri Yaakob) ហើយនិងអតីតនាយករដ្ឋមន្ត្រីលោក មូហ៉ីយីដឌីន យ៉ាស្ស៉ីន (Muhyiddin Yassin)។កាលពីរដ្ឋបាលរបស់លោក អ៉ីស្មែល សាប្រ៊ី គឺមានរដ្ឋមន្ត្រីចំនួន៣១នាក់ និងអនុរដ្ឋមន្ត្រីចំនួន៣៨នាក់ ខណៈរដ្ឋបាលរបស់លោក មូហ៉ីយីដឌីន មានរដ្ឋមន្ត្រី៣២នាក់ និងអនុរដ្ឋមន្ត្រី៣៨នាក់។ យ៉ាងណាមិញ បញ្ជីឈ្មោះអនុរដ្ឋមន្ត្រីសម្រាប់រដ្ឋាភិបាលចម្រុះរបស់លោក អាន់វ៉ា នៅមិនទាន់ត្រូវបានបញ្ចេញនៅឡើយទេ៕ a anvaa