អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2259 នាក់

ម្សិលមិញ 1811 នាក់

សរុប 15649260 នាក់

កម្លាំងសមត្ថកិច្ចជិត ៥០០០នាក់ នឹងត្រូវដាក់ពង្រាយក្នុងពិធីបុណ្យអុំទូកដែលរដ្ឋចំណាយថវិការច្រើន

07-November-2024 / សន្តិសុខសង្គម

ភ្នំពេញ៖ កម្លាំងសមត្ថកិច្ចនៃស្នងការរដ្ឋាននគរបាលរាជធានីភ្នំពេញ នឹងរឹតបណ្ដឹងការចេញចូលយាន្តយន្ត និងបង្កើនគោលដៅបញ្ចៀសចរាចរណ៍ច្រើនជាងមុន ដោយប្រើប្រាស់កងកម្លាំងជិត ៥ពាន់នាក់ ដើម្បីបង្កលក្ខណៈងាយស្រួលដល់ប្រជាពលរដ្ឋ អាចដើរដោយថ្មើរជើង លេងកម្សាន្តដោយភាពសប្បាយរីករាយ និងមានសុវត្ថិភាព ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤។ a police pp

លោកវរសេនីយ៍ឯក សំ វិច្ឆកា អ្នកនាំពាក្យស្នងការរដ្ឋាននគរបាលរាជធានីភ្នំពេញ នៅថ្ងៃទី១១ ខែវិច្ឆកា ឆ្នាំ២០២៤បានឲ្យដឹងថា លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានលើកឡើងថា ដើម្បីឲ្យកិច្ចការងារ ការពារសន្តិសុខ និងរក្សាបាន របៀបរៀបរយ នៅក្នុងរាជពិធីបុណ្យអុំទូកថ្នាក់ជាតិនាពេលប៉ុន្មានថ្ងៃខាងមុខ សម្រេចបានទៅតាមផែនការគ្រោងទុកនោះ កម្លាំងនៃស្នងការនគរបាលរាជធានីភ្នំពេញ បានត្រៀមកងកម្លាំងប្រមាណជិត ៥ពាន់នាក់ ដើម្បីការពារសន្តិសុខ សណ្ដាប់ធ្នាប់ និងសុវត្ថិភាពថ្នាក់ដឹកនាំ និងប្រជាពលរដ្ឋ ដែលចូលរួមក្នុងព្រះរាជពិធីបុណ្យអុំទូក ដោយក្នុងនោះមានការបែងចែកកងកម្លាំងការពារជា ៣តំបន់ រួមមាន តំបន់A ជាទីតាំងប្រារព្ធពិធី, តំបន់B ច្រកចេញចូលពិធី និងតំបន់C គឺជាគោលដៅច្រកចេញចូលភូមិសាស្ត្ររាជធានីភ្នំពេញ។

លោកឧត្តមសេនីយ៍ឯក ជួន ណារិន្ទ បានគួសបញ្ជាក់ថា កិច្ចការពារសន្តិសុខ និងរក្សាសណ្ដាប់ធ្នាប់នេះ ជាកាតព្វកិច្ចរបស់សមត្ថកិច្ច ក៏ដូចជាកម្លាំងគណៈបញ្ជាការឯកភាពថ្នាក់រាជធានី និងថ្នាក់ជាតិ ត្រូវសហការ ដើម្បីថែរក្សាឱ្យបានល្អ។ ជាពិសេសកិច្ចការងារធានាសន្តិសុខសណ្ដាប់ធ្នាប់ឆ្នាំនេះ នគរបាលនឹងបង្កើនគោលដៅបញ្ចៀសចរាចរណ៍ច្រើនជាងមុន ដើម្បីបញ្ចៀសយានយន្តផ្សេងៗ ចូលទៅក្នុងរង្វង់ទីតាំងប្រារព្ធពិធី។ ការធ្វើបែបនេះដើម្បីទុកលទ្ធភាពឱ្យប្រជាពលរដ្ឋមកពីគ្រប់មជ្ឈដ្ឋាន អាចដើរដោយថ្មើរជើង លេងកម្សាន្តដោយភាពសប្បាយរីករាយ។គេមិនដឹងថាតើក្រសួងមហាផ្ទៃឧបត្ថម្ភកងកម្លាំងការពារសន្តិសុខបន្ថែម១ថ្ងៃប៉ុន្មានលើប្រាក់ខែនោះទេព្រោះលោកសមវិច្ឆិកាមិនបានប្រាប់?

ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំនេះនឹងប្រារព្ធឡើងនៅថ្ងៃទី១៤ ១៥ ១៦ ខែវិច្ឆិកា ឆ្នាំ២០២៤។ ព្រឹត្តិការណ៍នេះនឹងមានទូក ង ចូលរួមប្រកួនប្រជែងចំនួន ៣៤៦ទូក លើសពីឆ្នាំកន្លងទៅ ៩ទូក និងមានកីឡាករចំណុះទូកជាង ២ម៉ឺននាក់ និងប្រទីបចំនួន ៣៥ប្រទីប ខណៈឆ្នាំ២០២៣ មានចំនួនត្រឹមតែ ២៩ប្រទីប ប៉ុណ្ណោះ៕ a police pp1 a police pp2