វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2368 នាក់
ម្សិលមិញ 3717 នាក់
សរុប 14150701 នាក់
ភ្នំពេញ៖ ជនជាតិចិនម្នាក់ ដែលបានបាញ់បោះសេរីចំនួន ១២គ្រាប់ណោចាក់អង្រែលើ ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់ នៅព្រឹកថ្ងៃទី៣ ខែមិនា ឆ្នាំ២០២៣។ កាលពី ថ្ងៃទី១ ខែមីនា ឆ្នាំ២០២៣ វេលាម៉ោង ១១:៣០នាទី កម្លាំងការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ និងអធិការដ្ឋាននគរបាលខណ្ឌមានជ័យ បាន ឃាត់ខ្លួនជនសង្ស័យម្នាក់ ពាក់ព័ន្ធករណីកាន់កាប់ ប្រើប្រាស់ និងទិញអាវុធ ខុសច្បាប់ប្រព្រឹត្តនៅចំណុ្ចខុនដូ R&F បន្ទប់លេខ១០៧ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ជនសង្ស័យជនជាតិចិនដែល មានអាវុធខ្លីប្រើមានឈ្មោះ GUAN JIANNAN ភេទប្រុស ជាពាណិជ្ជករស្នាក់នៅខុនដូ R&F បន្ទប់លេខ១០៧ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ វត្ថុតាងចាប់យក រួមមាន អាវុធខ្លីម៉ាកអាវុធខ្លីម៉ាក Sig Sauer បង់ចំនួន២, អាវុធខ្លីម៉ាក Blow Mini បង់ចំនួន១, គ្រាប់ប្រភេទ ៩mm ចំនួន៧៨គ្រាប់, គ្រាប់ប្រភេទ ៣៨០ចំនួន ៤៦គ្រាប់, សំបកគ្រាប់ប្រភេទ ៩mm ចំនួន១២គ្រាប់, សំបកគ្រាប់ប្រភេទ ៣៨០ ចំនួន ៥គ្រាប់, កុំព្យូទ័រ និងក្តារចុច ចំនួន១គ្រឿង, ទូរសព្ទដៃ ១២មីនី ពណ៌ ក្រហម ចំនួន២គ្រឿង, លិខិតឆ្លងដែន ១ក្បាល, សៀវភៅការងារជនបរទេសចំនួន ២ក្បាល (ឈ្មោះ GUAN JIANNAN និង CONG XIN), បណ្ណបើកបរជនជាតិចិនចំនួន១, MACBOOK AIR ចំនួន ១គ្រឿង និងប្រាក់រៀលចំនួន ១០០,០០០រៀល និងប្រាក់ដុល្លារចំនួន ៥ដុល្លារ។