អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2135 នាក់

ម្សិលមិញ 1811 នាក់

សរុប 15649136 នាក់

ពលករខ្មែរដែលផុតសុពលភាពបណ្ណ័ការងារអាចបន្តរហូតដល់ឆ្នាំ២០២៧

07-November-2024 / សេដ្ឋកិច្ច

ភ្នំពេញ៖ក្រសួងការងារកម្ពុជា បានឲ្យដឹងថា៖គណៈរដ្ឋមន្ត្រីថៃបានសម្រេចអនុញ្ញាត្តឲ្យពលករខ្មែរ បន្តបណ្ណអនុញ្ញាតការងារ និងការស្នាក់នៅបន្ថែមរយៈពេល២ឆ្នាំទៀតរហូតដល់ឆ្នាំ២០២៧។ ក្រៅពីនេះ ភាគីថៃក៏បានស្នើសុំទៅគណៈរដ្ឋមន្ត្រីថៃតាមសំណើរបស់នាយករដ្ឋមន្ត្រីកម្ពុជាលោក ហ៊ុន ម៉ាណែត ដើម្បីអាចលើកលែងតម្លៃសេវាការអនុញ្ញាតចេញ-ចូលប្រទេសថៃ សម្រាប់ពលករខ្មែរ នាឱកាសបុណ្យចូលឆ្នាំប្រពៃណីជាតិខ្មែរនៅឆ្នាំ២០២៥ខាងមុខ ដូចឆ្នាំ២០២៤ដែរ។ a heng sour

សេចក្តីប្រកាសរបស់ក្រសួងឱ្យដឹងទៀតថា ក្រសួងការងារកម្ពុជាបានស្នើឱ្យក្រសួងការងារថៃបន្តសិក្សាលើគំនិតផ្តួចផ្តើមជាមួយបេឡាជាតិសន្តិសុខសង្គមរបស់កម្ពុជា ដើម្បីអាចធ្វើចល័តភាពអត្ថប្រយោជន៍របបសន្តិសុខសង្គមសម្រាប់ពលករទេសន្តរប្រវេសន៍នៃប្រទេសទាំង២ នៅពេលពួកគេត្រលប់មកប្រទេសកំណើតវិញ។ បន្ថែមពីនេះ ប្រទេសទាំង២ ក៏បានបញ្ជាក់ពីការបង្កើនកិច្ចសហប្រតិបត្តិការលើការប្រើប្រាស់ប្រព័ន្ធព័ត៌មានវិទ្យា ដើម្បីគ្រប់គ្រងលើដំណើរការបញ្ចូន និងទទួលពលករខ្មែរ ក៏ដូចជាកាត់បន្ថយពេលវេលាក្នុងដំណើរការឯកសារ និងការចូលធ្វើការក្នុងប្រទេសថៃដោយគ្មានឯកសារគ្រប់គ្រាន់។

សូមបញ្ជាក់ថាកាលពីដើមឆ្នាំ២០២៤មានសេចក្តីរាយគារណ៍ថាពលករខ្មែរកំពុងធ្វើការនៅប្រទេសថៃប្រហែលពីរសែននាក់នឹងត្រូវផុតទិដ្ឋាការការងារនៅចុងខែមេសា ខណៈអាជ្ញាធរថៃបានព្រមានពលករខ្មែរ និងពលករបរទេសផ្សេងទៀតដូចជាឡាវ និងមីយ៉ាន់ម៉ាឲ្យស្នើសុំទិដ្ឋាការថ្មីមុនទិដ្ឋាការចាស់ផុតកំណត់។អនុប្រធានអ្នកនាំពាក្យរដ្ឋាភិបាលថៃលោក Kharom Polpornklang មានប្រសាសន៍ថា អនុស្សារណៈនៃការយោគយល់គ្នាពហុភាគី(MoU)ស្ដីពីកិច្ចសហប្រតិបត្តិការការងារ ដែលនាំឲ្យមានពលករបរទេសជាច្រើនបានទទួលការងារនៅប្រទេសថៃ នឹងត្រូវចប់ត្រឹមថ្ងៃទី៣០ ខែមេសា ឆ្នាំ២០២៤។ ដូចនេះ លោកថាពលករបរទេសទាំងនោះត្រូវចាកចេញពីប្រទេសថៃមុនកាលកំណត់មកដល់ ឬអាចប្រឈមនឹងវិធានការផ្លូវច្បាប់។

រដ្ឋាភិបាលថៃបានសម្រេចពន្យារបណ្ណការងារមានរយៈពេលបួនឆ្នាំដែលត្រូវផុតសុពលភាពតាំងពីខែមករា មកដល់ចុងខែមេសាវិញ និងបានជំរុញដល់ក្រុមហ៊ុនដែលចង់បានពលករសម្រាប់ការងារខ្លួនឲ្យពន្លឿនររៀបឯកសារសម្រាប់ការងារទាំងនេះ។រដ្ឋាភិបាលបានជំរុញឲ្យនិយោជករៀបចំដាក់ឯកសារពលករមកជាថ្មីឲ្យបានឆាប់ បើសិនជានិយោជកនៅបន្តត្រូវការពលករទាំងនោះធ្វើការនៅក្នុងប្រទេសថៃ។ឡូវបញ្ហាត្រុវបានដោះស្រាយហើយ!។

គួរជម្រាបជូនថា តាមរបាយការណ៍របស់ក្រសួងការងារ កម្ពុជាមានពលករចំណាកស្រុកស្របច្បាប់ជាង ១,៣លាននាក់ ដែលបានចេញទៅធ្វើការនៅក្រៅប្រទេស ក្នុងនោះនៅប្រទេសថៃច្រើនជាងគេ មានដល់ទៅជាង១,២លាននាក់។ តែតួលេខក្រៅផ្លូវការបានឲ្យដឹងថាអាចមានច្រើនជាងនេះ ទាំងអ្នកទៅខុសច្បាប់ និងស្របច្បាប់។ a heng sour1 a heng sour2