រឿងកម្មករនិងម្ចាស់ឆ្កែសម្តេចតេជោអន្តរាគមចៅក្រមស៉ើបសួរសម្រេចដោះលែងជនត្រូវចោទចេញពីពន្ធនាគារ
21-September-2026 / ព័ត៌មានជាតិ
ភ្នំពេញ៖ ទីបំផុតចៅក្រមស៉ើបសួរ នៃសាលាដំបូងរាជធានីភ្នំពេញ នៅថ្ងៃទី៣១ ខែតុលា ឆ្នាំ២០២៤នេះ បានសម្រេចដោះលែងបុរសម្នាក់ជាកម្មករចេញពីពន្ធនាគារ ក្រោយពីបានចាប់ និងឃុំខ្លួន តាមពាក្យបណ្ដឹងពីស្ដ្រីម្នាក់ពាក់ព័ន្ធករណីចាប់យកឆ្កែចិញ្ចឹមមួយក្បាលដើម្បីតថ្លៃឲ្យសងប្រាក់ខែជម្ពាក់បន្ទាប់ពីមានអន្តរាគមន៍ពីមេធាវីសម្តចហ៊ុនសែន។
សូមបញ្ជាក់ថា សំណុំរឿងមួយនេះ ស្ថាប័ននគរបាល និងតុលាការ ត្រូវបានមហាជនយកធ្វើជាប្រធានបទជជែកគ្នាពេញបណ្ដាញសង្គម។ដើមចមនៃបណ្ដឹង រហូតឈានដល់ការចាប់ និងឃុំខ្លួនបុរសខាងលើនេះ ត្រូវបានគេបញ្ជាក់ថា បុរសខាងលើ និងដើមបណ្ដឹងជាមនុស្សស្គាល់គ្នា ពោលចុងចោទជាកូនចៅធ្វើការឲ្យដើមចោទ ដែលគេដឹងថាមានប្ដីជាជនជាតិចិន។មូលហេតុដំបូងគឺស្ដ្រីជាដើមចោទមិនបានបើកលុយថ្លៃធ្វើការជាអ្នកបើកបររថយន្ដ ចំនួន៦០ម៉ឺនរៀល ឲ្យបុរសចុងចោទនោះទេ ដោយសន្យាថ្ងៃនេះថ្ងៃនោះជាបន្ដបន្ទាប់គេចវេសរហូត។ ដោយសារចិត្តខឹង បុរសជាកម្មករហើយក្លាយជាចុងចោទបានចាប់កូនយកឆ្កែចិញ្ចឹមមួយក្បាលរបស់ស្ដ្រីដើមបណ្ដឹង រួចយកទៅស្រុកនៅខេត្តក្រចេះដើម្បីតថ្លៃយប្រាក់ខែជម្ពាក់ទើបប្រគល់កូនឆ្កែឲ្យវិញ។
ភាគីទាំងពីរបានឈ្លោះទាស់ទែងគ្នា ហើយស្ដ្រីដើមបណ្ដឹង បានដាក់ពាក្យប្ដឹងទៅនគរបាលខណ្ឌសែនសុខ ហើយឈានដល់ការនគរបាលទៅចាប់ខ្លួនបុរសជាកម្មករខាងលើឈ្មោះ ណន សុខហេង នៅថ្ងៃទី១៥ ខែតុលា ឆ្នាំ២០២៤ នៅខេត្តក្រចេះ រួចបញ្ជូនមករាជធានីភ្នំពេញ។រំលងបានប៉ុន្មានថ្ងៃ ក្រោយមកទទួលព័ត៌មានថា បុរសខាងលើត្រូវបានតុលាការរាជធានីភ្នំពេញ សម្រេចឃុំខ្លួន។រឿងរ៉ាវនេះក៏បានផ្ទុះការវែកញែកគ្នានៅតាមបណ្ដាញសង្គមតែម្ដង។
សូមបញ្ជាក់ថា នៅព្រឹកថ្ងៃព្រហស្បតិ៍ ១៤ រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឲ្យចៅ ណន សុខហេង អាយុ២២ឆ្នាំរស់នៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ ដែលមានជម្លោះជាមួយ ឈ្មោះ គា ចន្ធូ ម្ចាស់ក្រុមហ៊ុន«ស៊ាង ឡង មីងស៊ូ» លក់ និងផ្គត់ផ្គង់សម្ភារៈការពារជម្រាបទឹក ដែលមានទីតាំងនៅផ្លូវភ្នំពេញ ហាណូយ ភូមិឃ្មួញ សង្កាត់ឃ្មួញ ខណ្ឌសែនសុខ ចូលជួបដើម្បីសម្របសម្រួលបញ្ចប់ជម្លោះក្រៅប្រព័ន្ធតុលាការ ដោយមានការចូលរួមសម្របសម្រួលដោយ ប្រធានគណៈកម្មាធិការនីតិកម្មព្រឹទ្ធសភា ស្នងការនគរបាលរាជធានីភ្នំពេញ នៅវិមានព្រឹទ្ធសភា រាជធានីភ្នំពេញ។
នៅក្នុងការសម្របសម្រួលនេះ សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើសុំអោយភាគីជម្លោះ និងបានណែនាំទៅ គណៈកម្មាធិការនីតិកម្មព្រឹទ្ធសភា ក្រុមមេធាវីស្ម័គ្រចិត្តសម្ដេច និងស្នងការនគរបាលរាជធានីភ្នំពេញ ធ្វើការសម្របសម្រួលបញ្ចប់ជម្លោះនេះនៅក្រៅប្រព័ន្ធតុលាការ និងកុំឲ្យបន្តដេញដោលរកខុសត្រូវអ្វីបន្ថែមទៀត ពិសេសកុំមានការគុំគួនគ្នា និងសុំឲ្យប្រព័ន្ធផ្សព្វផ្សាយសង្គមនានាបញ្ឈប់ការផ្សាយ អ្នកនេះខុស អ្នកនេះត្រូវបន្តទៀត។បន្ទាប់ពីបញ្ចប់ សម្ដេចតេជោ បានអនុញ្ញាតឲ្យ ចៅ ណន សុខហេង បានថតរូបអនុស្សាវរីយ៍ និងបានឧបត្ថម្ភថវិកាចំនួន ១០,០០០ដុល្លារសហរដ្ឋអាមេរិក និង ៣៥លានរៀល ព្រមទាំងបានបង្កើតអាជីវកម្មឡដុតនំប៉័ងមួយនៅក្នុងក្រុងក្រចេះ ខេត្តក្រចេះ ដល់ចៅប្រុស ដើម្បីប្រកបរបរចញ្ចឹមគ្រួសារ លើសពីនេះ សម្ដេចតេជោ បានណែនាំចៅប្រុស ណន សុខហេង ត្រូវយកចិត្តទុកដាក់ក្នុងការប្រកបអាជីវកម្មដែល សម្ដេចបានផ្ដល់អោយពេលនេះ ពិសេសត្រូវចេះយកលុយបង្កើតលុយ ហាមលេងល្បែង និង ស្មោះត្រង់ជាមួយប្រពន្ធ ។
នៅថ្ងៃទី៣១ ខែតុលា ឆ្នាំ២០២៤នេះ ចៅក្រមស៉ើបសួរ ទិត ដាលីន បានចេញដីកាបង្គាប់ឲ្យដោះលែងឈ្មោះណនសុខហេង ដែលតាមនីតិវិធីវាត្រូវតែស្ត្រីម្ចាស់ឆ្កែដកពាក្យប្តឹងនិងព្រមសងលុយប្រាក់ខែគាត់វិញដែរបន្ទាប់ពីនគរបាលទៅដកហូតយកឆ្កែបានមកវិញពេលចាបខ្លួន។ចឹងបានថាហេតុតែម្ចាស់ឆ្កែជាអ្នកមានគេអាចជួលនគរបាលឲ្យទៅរកចាប់ខ្លួនអ្នកយកឆ្កែដលើខេត្តក្រចេះយកទៅដាក់គុក?។បញ្ហាវានៅត្រង់ថាសមត្តកិច្ចនគរបាលរួមទាំងមន្ត្រីតុលាការគ្មានសមធម៍ក្នុងការដោះស្រាយបញ្ហាយកតែអង្គហេតុមួយជ្រុងមកអនុវត្តន៍។បើចឹងៗមិនឲ្យគេរិះគន់ប្រពន្ធ័យុត្តិធម៍ខ្មែរយើង?។តែឥឡូវករណីយ៍នេះគ្រោះក្លាយជាលាភ។អរគុណហ្វេសប៊ុកទៅ!?
