វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4915 នាក់
ម្សិលមិញ 6359 នាក់
សរុប 14091548 នាក់
ខេត្តពោធិសាត់៖ឈ្មួញឈ្មោះ កោះ សំភី ហៅតាហយ ត្រូវបានគេរាយការណ៍ថានៅតែអាច កាប់ឈើនិងប្រើប្រាស់រថយន្តជាច្រើនគ្រឿងដឹកជញ្ជូនឈើចេញពីក្នុងតំបន់ដែនជម្រកសត្វព្រៃភ្នំឱរ៉ាល់ ដែលជាទីតាំងគ្រប់គ្រងដោយមន្ត្រីបរិស្ថាន ។
អ្នករកស៊ីឈើនិយាយថាឈ្មួញឈ្មោះ កោះ សំភី ហៅតាហយ អាចកាប់ឈើនិងប្រើប្រាស់រថយន្តម៉ាកបង្កុង ជាច្រើនគ្រឿងដឹកជញ្ជូនឈើចេញពីព្រៃ យកមករក្សាទុកក្នុងភូមិបំណក់ ឃុំឈើតុំ ស្រុកក្រគរ យ៉ាងពេញបន្ទុកដោយគ្មានសមត្តកិច្ចជំនាញទប់ស្កាត់ឬបង្ក្រាបនោះឡើយ។ ករណីយ៍នេះលោក ឡាយ វិសិដ្ឋ ប្រធានមន្ទីរកសិកម្មខេត្តពោធិ៍សាត់ និងមេរដ្ឋបាលព្រៃឈើខេត្តពោធិ៍សាត់ មិនហ៊ានប៉ះពាល់ឈ្មួញឈ្មោះ កោះ សំភី ហៅតាហយដែលជា ជាមន្ត្រីយោធានោះដែរ។នេះបើតាមសម្តីប្រជាពលរដ្ឋនៅក្នុងឃុំឈើតុំ ស្រុកក្រគរ ខេត្តពោធិ៍សាត់ បានឲ្យដឹង ។
សមត្តកិច្ចមូលដ្ឋាននិយាយថាករណីយ៍នេះ បើគ្មានការបើកដៃពីមន្ត្រីបរិស្ថាន ប្រចាំតំបន់ដែនជម្រកសត្វព្រៃភ្នំឱរ៉ាល់ ស្រុកភ្នំក្រវាញ ទេនោះគឺឈ្មួញឈ្មោះ កោះ សំភី ហៅតាហយ ដែលជាមន្ត្រីយោធា មិនអាចប្រព្រឹត្តបទល្មើសព្រៃឈើតាមអំពើចិត្តឡើយ។ គេមិនដឹងថាតើលោក ម៉ៅ ធនិន អភិបាលខេត្តពោធិ៍សាត់ និងលោក គង់ ពុទ្ធីរ៉ា ប្រធានមន្ទីរបរិស្ថានខេត្តពោធិ៍សាត់ ដែលចូលកាន់តំណែងជំនួសលោក ប៉ាន់ មរកតដឹងរឿងបទល្មើសព្រៃឈើក្នុងតំបន់ដែនជម្រកសត្វព្រៃភ្នំឱរ៉ាល់ នោះឬអត់ទេ។
ប្រជាពលរដ្ឋក្នុងឃុំឈើតុំ ស្រុកក្រគរនិយាយថាបើថ្នាក់ដឹកនាំគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ មិនចាត់វិធានការបង្ក្រាបឈ្មួញឈ្មោះ កោះ សំភី ហៅតាហយ ទេព្រៃឈើនៅតំបន់ដែនជម្រកសត្វព្រៃភ្នំឱរ៉ាល់ និងតំបន់ជួរភ្នំក្រវាញនឹងរលាយមិនខានសល់តែព្រៃតូចតាចប៉ុណ្នោះ។ សេចក្តីរាយការណ៍និយាយថាឈ្មួញឈ្មោះ កោះ សំភី ហៅតាហយ ជាមន្ត្រីយោធាពាក់ផ្កាយលើស្មា ។ បើចឹងមែននោះវាទាល់តែក្រុមលោកនាយឧត្តមសេនីយ៍សៅសុខាទើបមានសមត្តភាព!៕