អង់គ្លេស ដោះលែងអ្នកទោសជាង១៧០០នាក់មុនពេលកំណត់ ព្រោះគុកចង្អៀតពេកខណៈស្រុកខ្មែរសម្រុកចាប់បញ្ចូលគុក
11-February-2026 / ព័ត៌មានជាតិ
ប្រទេសអង់គ្លេស៖អ្នកទោសចំនួនប្រមាណ ១៧៥០នាក់ ត្រូវបានបានចាប់ផ្ដើមនៅព្រឹកថ្ងៃអង្គារ ដោះលែងពីពន្ធនាគារមុនកាលកំណត់ ដែលនេះគឺជាផែនការបន្ទាន់របស់ក្រសួងយុត្តិធម៌អង់គ្លេស ដើម្បីដោះស្រាយបញ្ហាណែនតាន់តាប់នៅក្នុងពន្ធនាគារនាពេលបច្ចុប្បន្ននិងសន្សំលុយ។ រដ្ឋាភិបាលអង់គ្លេសគ្រោងនឹងដោះលែងអ្នកទោសសរុបចំនួន ៥៥០០នាក់បន្ថែមទៀត។កាលពីសប្តាហ៍មុន ពន្ធនាគារអង់គ្លេស មានចំនួនអ្នកទោសច្រើនជាង ៨៨ ៥០០នាក់ ដែលជាតួលេខដ៏ខ្ពស់បំផុតមិនធ្លាប់មានពីមុនមក។
ក្នុងផែនការដោះលែងនេះ អ្នកទោសក្នុងពន្ធនាគារនៅប្រទេសអង់គ្លេស និងប្រទេសវែល ដែលជាប់ពន្ធនាគារតិចជាង៥ឆ្នាំ នឹងត្រូវបានដោះលែងបន្ទាប់ពីពួកគេបានចំណាយពេល៤០%នៃរយៈពេលដែលត្រូវជាប់ពន្ធនាគាររបស់ពួកគេ។ នៅថ្ងៃទី២២ខែតុលាខាងមុខ អង់គ្លេសមានគម្រោងដោះលែងអ្នកទោសផ្សេងៗទៀត ដែលត្រូវបានកាត់ទោសឲ្យជាប់ពន្ធនាគារលើសពី៥ឆ្នាំផងដែរ។
យ៉ាងណាមិញ ផែនការនេះមិនរាប់បញ្ចូលជនល្មើសដែលជាប់ពន្ធនាគារពាក់ព័ន្ធនឹងអំពើហិង្សាដែលមានការផ្តន្ទាទោសយ៉ាងតិច៤ឆ្នាំ ក៏ដូចជាជនល្មើសផ្លូវភេទ និងជនល្មើសអំពើហិង្សាក្នុងគ្រួសារនោះទេ។ផែនការដោះលែងអ្នកទោស ត្រូវបានប្រកាសកាលពីខែកក្កដាកន្លងទៅ ហើយវានឹងជួយឲ្យរដ្ឋាភិបាលអង់គ្លេសអាចកាត់បន្ថយការចំណាយរបស់ពន្ធនាគារបានចំនួន ២០០លានផោន ឬប្រហែល ២៦១លានដុល្លារក្នុង១ឆ្នាំៗ។
ដោយឡែកនៅករណីយ៍អ្នកទោសនេះដែរនៅស្រុកខ្មែរវិញកាលពីឆ្នាំនៅព្រឹកថ្ងៃទី១៩ ខែតុលា ឆ្នាំ២០២៣ក្នុងពិធីប្រគល់សញ្ញាបត្របណ្ឌិតកិត្តិយស ជំនាញ ដឹកនាំបញ្ជាកងកម្លាំងនគរបាលជាតិ និងគោរមងារសន្តិបណ្ឌិត នៃបណ្ឌិត្យសភានគរបាលកម្ពុជា ជូនដល់ឥស្សរជនជ័យលាភីលោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ បានបង្ហាញការព្រួយបារម្ភ អំពីស្ថានភាពអ្នកជាប់ទោស ដែលត្រូវបញ្ជូនទៅកាន់ពន្ធនាគារមានរហូតដល់ជាង១០០នាក់ ក្នុងមួយថ្ងៃ ខណៈអនុវត្តទោសរួចចេញ ទៅវិញមានតែ ១០ ទៅ ២០នាក់ប៉ុណ្ណោះ។ ម្យ៉ាងទៀត ចំនួនអ្នកទោសនៅពន្ធនាគារបច្ចុប្បន្ន លើសចំនួនដែលពន្ធនាគារអាចផ្ទុកបានតែជាង១ម៉ឺននាក់។កាលនោះលោកឧបនាយករដ្ឋមន្ត្រីប្រាប់ថា «ពន្ធនាគារនៅកម្ពុជា អាចដាក់អ្នកទោសត្រឹមតែក្រោម ៣ម៉ឺននាក់ប៉ុណ្ណោះ តែជាក់ស្ដែងបច្ចុប្បន្នអ្នកទោសកំពុងនៅក្នុងពន្ធនាគារ មានរហូតដល់ជាង ៤ម៉ឺននាក់»។
លោករដ្ឋមន្ត្រីក្រសួងមហាផ្ទៃ លើកឡើងបែបនេះថា «ឥឡូវខ្វាយខ្វល់ដែរ ខ្វាយខ្វល់ត្រង់ថា ពន្ធនាគារមួយថ្ងៃៗ ចូលខ្ទង់ ១០០ជាងនាក់ ១៥២ ១៥៣នាក់ ប៉ុន្តែចេញ ចេញមិនបានដល់ ១០ ទៅ២០នាក់ទេ ចឹងធម្មតាពន្ធនាគារមានចូល មានចេញ ឥឡូវបច្ចុប្បន្ននេះមាន ៤១,០០០ជាងនាក់ ដែលពន្ធនាគារកម្ពុជារបស់យើង ទទួលបានបច្ចុប្បន្នយ៉ាងច្រើនបំផុតត្រឹមតែក្រោម ៣ម៉ឺន លេខមូល ចឹងយើងលើស ១ម៉ឺនជាង ចឹងយើងពិបាកមែនទែន»។បើតាមតួរលេខដែលក្រសួងហាផ្ទៃប្រកាសរាល់ថ្ងៃនិងតួលេខដែលក្រួសួងយុត្តិធម៍ប្រកាសពីសំណុំរឿងដែលតុលលាការចាត់ការទាំងក្មេងទំនើងទាំងគ្រឿងញៀននិងបទល្មើសព្រហ្មទណ្ឌផ្សេងទៀតមក់ដល់ពេលនេះបើតាមការប៉ាន់ស្មានអាចមានអ្នកទោសខ្ទង់ជាង៥ម៉ឺននាក់បាត់ទៅហើយក្នុងពេលចំណុំគុកត្រឹមជាង១ម៉ឹន?។តើវាជាសញ្ញាល្អបង្ហាញថាស្រុកខ្មែរមានសមត្តកភាពបង្ក្រាបបានជនល្មើសឬក៏បង្ហាញថាស្រុកខ្មែរសម្បូរអ្នកប្រព្រឹត្តបទល្មើសបង្កការព្រួយបារម្ភដល់វិស៏័យទេសចរណ៍?៕
