ពេលអវត្តមានប្រធានព្រឹទ្ធសភាពដែលនឹងក្លាយជាប្រមុខរដ្ឋស្តីទីពេលព្រះមហាក្សត្រអវត្តមានដែរតើឥស្សរជនណានឹងត្រូវឡើងជំនួស?
ភ្នំពេញ៖នៅវេលាម៉ោង១៥និង២០នាទីរសៀល ម៉ោងនៅរដ្ឋធានីសេអ៊ូលប្រទេសកូរ៉េ ត្រូវនឹងម៉ោង១៣និង២០នាទី ម៉ោងនៅរាជធានីភ្នំពេញ ថ្ងៃទី៩ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់កម្ពុជា អញ្ជើញដល់សាធារណរដ្ឋកូរ៉េខាងត្បូង ប្រកបដោយសុវត្ថិភាពហើយ ដើម្បីចូលរួមក្នុងវេទិកាចំណេះដឹងពិភពលោកលើកទី២៥ ក្រោមមូលបទ «មាគ៌ាឆ្ពោះទៅរកសហត្ថិភាព»និងអញ្ជើញធ្វើទស្សនកិច្ចនៅទីនោះ ចាប់ពីថ្ងៃទី៩ ដល់ថ្ងៃទី១៣ ខែកញ្ញា ឆ្នាំ២០២៤។
វត្តមានរបស់សម្ដេចតេជោ ហ៊ុន សែន និងគណៈប្រតិភូ នៅអាកាសយានដ្ឋានទ័ពអាកាសសេអ៊ូល(Seoul Airbase) ត្រូវបានទទួលគារវកិច្ចស្វាគមន៍យ៉ាងកក់ក្តៅជាទីបំផុត ពីសំណាក់ថ្នាក់ដឹកនាំជាន់ខ្ពស់នៃសាធារណរដ្ឋកូរ៉េ ជាច្រើនរូប។ការចាកចេញពីប្រទេសទៅកូរ៉េខាងត្បូងរបស់សម្តេចតេជោហ៊ុនសែនដែលជាប្រមុខរដ្ឋស្តីទីផងដែរ ពេលនេះគឺ ស្របពេលដែលព្រះមហាក្សត្រកម្ពុជាក៏ព្រះអង្គអវត្តមាននៅក្នុងប្រទេសផងដែរ ដោយព្រះករុណាព្រះមហាក្សត្រ កំពុងគង់ប្រថាប់ពិនិត្យព្រះរាជសុខភាពនៅឯប្រទេសចិន។
តើនៅក្នុងពេលដែលអវត្តមានអង្គព្រះមហាក្សត្រ និងប្រធានព្រឹទ្ធសភាដែលនឹងក្លាយជាប្រមុខរដ្ឋស្តីទីពេលអវតត្តមានព្រះមហាក្សត្រតើភារកិច្ចជាប្រមុខរដ្ឋស្តីទីនៃកម្ពុជា ត្រូវធ្លាក់លើឥស្សរជនរូបណា?
តាមរដ្ឋធម្មនុញ្ញព្រះមហាក្សត្រ គឺជាព្រះប្រមុខរដ្ឋរបស់កម្ពុជាពេញមួយព្រះជន្ម។ ប្រមុខរដ្ឋស្តីទី ជាតំណែងកំពូលមួយដែលទទួលឋានៈជាព្រះរាជានុសិទ្ធិ នៅពេលអវត្តមានព្រះប្រមុខរដ្ឋ។ ក្នុងករណីដែលព្រះមហាក្សត្រពុំអាចបំពេញព្រះរាជភារៈជាព្រះប្រមុខរដ្ឋបានដូចធម្មតា ដោយព្រះអង្គទ្រង់ប្រឈួនជាទម្ងន់ នៅពេលដែលព្រះមហាក្សត្រ ត្រូវព្យាបាលព្រះរោគនៅបរទេស ក៏ដូចជាក្នុងរយៈពេលដែលព្រះមហាក្សត្រទ្រង់អវត្តមាននៅក្នុងប្រទេស គឺប្រធានព្រឹទ្ធសភា ត្រូវទទួលភារៈជាប្រមុខរដ្ឋស្តីទី។ នេះបើយោងតាមរដ្ឋធម្មនុញ្ញនៃកម្ពុជា ត្រង់មាត្រា ១១.-ថ្មី មាត្រា ២៨.-ថ្មី និងមាត្រា ៣០.-ថ្មី។
ក្នុងករណីដែលប្រធានព្រឹទ្ធសភា ពុំមានលទ្ធភាពបំពេញភារកិច្ចជាប្រមុខរដ្ឋស្ដីទីជំនួសព្រះមហាក្សត្រ ក្នុងឋានៈជាព្រះរាជានុសិទ្ធិ ដូចមានចែងខាងលើ ប្រធានរដ្ឋសភា ជាអ្នកបំពេញភារកិច្ចនេះជំនួស។ បន្ថែមពីនេះ បើតាមវាក្យខ័ណ្ឌទី៣ នៃមាត្រា ១១ថ្មី ការទទួលភារកិច្ចជាប្រមុខរដ្ឋស្ដីទីនេះ ក៏អាចនឹងដូរឥស្សរជនផ្សេងទៀត តាមឋានានុក្រម ជាអាទិ៍ អនុប្រធានទី១ ព្រឹទ្ធសភា អនុប្រធានទី១ រដ្ឋសភា អនុប្រធានទី២ ព្រឹទ្ធសភា និងអនុប្រធានទី២ រដ្ឋសភា។ជាក់ស្តែងកាលពីឆ្នាំ២០០៤គាំចាំថាពេលអវត្តមានព្រះមហាក្សត្រប្រធានព្រីទ្ធសភាប្រធានរដ្ឋសភាអនុប្រធានទី១ព្រឺទ្ធសភាឥស្សរជនដែលឡើងជំនួសគឺលោកញឹកប៊ុនឆៃជាអនុប្រធានទី២ព្រឹទ្ធសភា។សម្រាប់ អវត្តមានព្រះករុណា ព្រះមហាក្សត្រ (គង់ប្រថាប់ពិនិត្យព្រះរាជសុខភាពនៅប្រទេសចិន)និងសម្ដេចតេជោ ហ៊ុន សែន ប្រធានព្រឹទ្ធសភា អញ្ជើញទៅកាន់ប្រទេសកូរ៉េ នាពេលនេះ អ្នកទទួលភារកិច្ចជាប្រមុខរដ្ឋស្ដីទីនៃកម្ពុជា នឹងត្រូវជំនួសដោយប្រធានរដ្ឋសភា គឺសម្តេចមហារដ្ឋសភាធិការធិបតី ឃួន សុដារី។
សូមបញ្ជាក់ថាទំនាក់ទំនងពាណិជ្ចកម្មរវាងកម្ពុជានិងកូរ៉េក្នុងរយៈពេល៧ខែក្នុងឆ្នាំ២០២៤ ពីខែមករា ដល់ខែកក្កដា ការនាំចេញទំនិញរបស់កម្ពុជាទៅកាន់ប្រទេសកូរ៉េខាងត្បូងគិតជាទឹកប្រាក់មានជាង ៤៤៧ដុល្លារ កើន ១៤ភាគរយ ខណៈការនាំចូលពីប្រទេសនេះមានជាង ១៨៧លានដុល្លារ កើន ៣,២ភាគរយ បើធៀបរយៈពេលដូចគ្នាក្នុងឆ្នាំ២០២៣។ នេះបើយោងតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា។ទំនាក់ទំនងរវាងប្រទេសទាំងពីរត្រូវបានតម្កើងកម្រិតដល់ «ភាពជាដៃគូយុទ្ធសាស្ត្រ» ក្នុងអំឡុងពេលដំណើរទស្សនកិច្ចលោក ហ៊ុន ម៉ាណែត ទៅកាន់កូរ៉េខាងត្បូង។
ថ្លែងក្នុងពិធីបើកវេទិកាធុរកិច្ចរវាងកម្ពុជា និងកូរ៉េខាងត្បូង នៅទីក្រុងសេអ៊ូល (Seol) ប្រទេសកូរ៉េខាងត្បូង កាលខែឧសភា សម្តេចធិបតី ហ៊ុន ម៉ាណែត បានកត់សម្គាល់ពីការកើនឡើងនៃវត្តមានគម្រោងវិនិយោគ និងសហគ្រាសពាណិជ្ជកម្មកូរ៉េ ទាំងតូច ទាំងធំនៅកម្ពុជា ហើយពាណិជ្ជកម្មទ្វេភាគីបានកើនឡើងលើស ១ ពាន់លានដុល្លារអាមេរិក ក្នុងឆ្នាំ ២០២៣ ដោយគ្រប់ដណ្ដប់វិស័យវាយនភណ្ឌ ផលិតផលធ្វើដំណើរ កង់ គ្រឿងបន្លាស់អេឡិចត្រូនិក កសិកម្ម និងការកែច្នៃផលិតផលកសិកម្ម។
សម្តេចធិបតីថ្លែងថា៖ «ក្រុមហ៊ុនកូរ៉េបាន និងកំពុងដើរតួនាទីជាតួអង្គគន្លឹះ ក្នុងទិដ្ឋភាពសេដ្ឋកិច្ចរបស់កម្ពុជា។ ការចូលរួមរបស់ក្រុមហ៊ុនកូរ៉េនៅលើវិស័យចម្រុះ ដូចជា កម្មន្តសាល អចលនទ្រព្យ ហេដ្ឋារចនាសម្ព័ន្ធ កសិកម្ម និងសេវាកម្មហិរញ្ញវត្ថុ បាន និងកំពុងជួយជំរុញកំណើនសេដ្ឋកិច្ច និងពន្លឿនការអភិវឌ្ឍវិស័យឧស្សាហកម្មនៅកម្ពុជា»។
