វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4499 នាក់
ម្សិលមិញ 5020 នាក់
សរុប 14119946 នាក់
ភ្នំពេញ៖ នៅថ្ងៃទី១៥ ខែធ្នូ ឆ្នាំ២០២០នេះលោក W. Patrick Murphy ឯកអគ្គរដ្ឋទូតអាមេរិកប្រចាំកម្ពុជា បានទទួលជួបជាមួយតំណាងគណបក្សនយោបាយមួយចំនួន ដោយបានពិភាក្សាអំពីបញ្ហាប្រជាធិបតេយ្យពហុបក្សនៅកម្ពុជា។
តាមរយៈទំព័រហ្វេសប៊ុកផ្លូវការ របស់ស្ថានទូតសហរដ្ឋអាមេរិកប្រចាំកម្ពុជា បានបង្ហាញថា លោក W. Patrick Murphy បានជួបជាមួយលោក ម៉ម សូណង់ដូ ប្រធានគណបក្សសំបុកឃ្មុំសង្គមប្រជាធិបតេយ្យដែលជាមេក្លោងក្រុមអ្នកប្រជាធិបតេយ្យ, លោក មុត ចន្ថា អតីតមន្ត្រីនៃអតីតគណបក្សសង្គ្រោះជាតិ(ជំនួយការលោកកឹមសុខា), លោក យ៉េង វីរៈ ប្រធានគណបក្សប្រជាធិបតេយ្យមូលដ្ឋាន, លោក សុខសុវណ្ណ វឌ្ឍនាសាប៊ុង ប្រធានគណបក្សខ្មែរក្រោក(ដែលត្រូវបាននាយករដ្ឋមន្ត្រីដេញចេញពីសមាជិកឧត្តមក្រុមប្រឹក្សាពិគ្រៅយោបល់ព្រោះចង់ចេះដឹងរឿងដីធ្លីនៅខេត្តព្រះសីហនុ, និងតំណាងគណបក្សនយោបាយមួយចំនួនទៀត។
ទំព័រហ្វេសប៊ុករបស់ស្ថានទូត សរសេរថា «លោកឯកអគ្គរដ្ឋទូតអាមេរិក លោក W. Patrick Murphy នៅថ្ងៃនេះ បានជួបជាមួយតំណាងគណបក្សនយោបាយមួយចំនួន នៅប្រទេសកម្ពុជា ដើម្បីពិភាក្សាពីប្រជាធិបតេយ្យពហុបក្ស នៅក្នុងព្រះរាជាណាចក្រនេះ។ សហរដ្ឋអាមេរិក គាំទ្រប្រជាជនកម្ពុជា និង សិទ្ធិរបស់គេស្របតាមធម្មនុញ្ញ ដើម្បីប្រជាធិបតេយ្យ និងសេរីភាពជាមូលដ្ឋាន»៕