បន្ទាប់ពីសម្ពោធបើកការដ្ឋានរដ្ឋមន្ត្រីក្រសួងសាធារណការ និងដឹកជញ្ជូន ចុះពិនិត្យតម្រាយផ្លូវទឹក ព្រែកជីកហ្វូណនតេជោ នៅខេត្តតាកែវ និងកែប
21-September-2026 / សេដ្ឋកិច្ច
កែប៖ លោក ប៉េង ពោធិ៍នា រដ្ឋមន្ត្រីរដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រុមការងារបច្ចេកទេសពិសេសចុះពិនិត្យទីតាំងភូមិសាស្ត្រ ត្រួតពិនិត្យនិយាមកា និងធ្វើការផ្ទៀងផ្ទាត់ផែនទី នៃគម្រោងផ្លូវនាវាចរណ៍ “ព្រែកជីកហ្វូណនតេជោ” នៅខេត្តតាកែវ និងខេត្តកែប។ ដំណើរចុះពិនិត្យលើកនេះ គឺដើម្បីបញ្ជាក់ឱ្យបានច្បាស់លាស់ថា តម្រាយផ្លូវទឹកព្រែកជីកហ្វូណនតេជោ ពិតជាធ្វើតាមផ្លូវទឹកចាស់ៗដែលមានស្រាប់ពិតមែន(ដូចផែនការមេដែលដាក់ចេញឬអត់?)។
ក្នុងនាមជាប្រធានក្រុមការងារបច្ចេកទេសពិសេស ទទួលបន្ទុកលើការកំណត់និយាមកា និងរៀបចំផែនទីលម្អិតសម្រាប់គម្រោងព្រែកជីកហ្វូណនតេជោ លោក ប៉េង ពោធិ៍នា បានដឹកនាំគណៈប្រតិភូ និងក្រុមការងារពាក់ព័ន្ធ ចុះពិនិត្យទីតាំងភូមិសាស្ត្រ ត្រួតពិនិត្យនិយាមកា និងធ្វើការផ្ទៀងផ្ទាត់ផែនទី នៃគម្រោងផ្លូវនាវាចរណ៍ “ព្រែកជីកហ្វូណនតេជោ” នៅប្រឡាយ១៥ នៅស្រុកអង្គបូរី ខេត្តតាកែវ កាលពីថ្ងៃទី ១២ខែសីហា និងនៅព្រឹកថ្ងៃទី១៣ ខែសីហា ឆ្នាំ២០២៤លោករដ្ឋមន្ត្រី និងគណៈប្រតិភូ បានចុះពិនិត្យទីតាំងតម្រាយផ្លូវទឹកព្រែកជីកហ្វូណនតេជោ ចេញទៅសមុទ្រកែប និងទីតាំងគំរូកំណត់និយាមកានៅឆ្នេរអង្កោលនៃ ស្រុកដំណាក់ចង្អើរ ខេត្តកែប។
បេសកកម្មនេះធ្វើឡើងដើម្បីបញ្ជាក់ឱ្យបានច្បាស់លាស់ថា តម្រាយផ្លូវទឹកព្រែកជីកហ្វូណនតេជោ ពិតជាធ្វើតាមផ្លូវទឹកចាស់ៗដែលមានស្រាប់ ពុំបានស្តារ និងអភិវឌ្ឍជាច្រើនទសវត្សរ៍មកហើយ និងដើម្បីជំរុញការងារអនុវត្តគ្រោងឱ្យបានលឿនទៅមុខ និងទាន់ពេលវេលា។សូមបញ្ជាក់ថាអតីតនាយករដ្ឋមន្ត្រីសម្តេចតេជោហ៊ុនសែនបានប្រកាសថាព្រែកជីកហ្វូណននេះមុននឹងដាក់គម្រោងធ្វើគឺមានការសឹក្សាស្រាវជ្រាវល្អិតល្អន់ពីអ្នកបច្ចេកទេសជំនាញជាច្រើននាក់រួចហើយ។តែមិនដឹងថាតើវត្តមានរដ្ឋមន្ត្រីក្រសួងដឹកជញ្ជូននិងសាធារណការពិនិត្យមើលបន្ថែមដើម្បីដោះស្រាយផលប៉ះពាល់ឬរកមើលកន្លែងណាមានផលប្រយោជន៍អាចជួយរំលោះទន់វិនិយោគដែរឬអត់នោះទេ?។
តាមក្រសួងសាធារណៈការ និងដឹកជញ្ជូនបានឱ្យដឹងថា ផ្លូវទឹកនេះ នឹងត្រូវសាងសង់ស្ទើរទាំងស្រុងលើតម្រាយខ្សែផ្លូវទឹកធម្មជាតិ និងផ្លូវទឹកបុរាណ ដែលបានបន្សល់ទុកស្រាប់តាំងពីសម័យអាណាចក្រហ្វូណនមកម្ល៉េះ ក្នុងនោះផ្លូវទឹក ធម្មជាតិដែលមានស្រាប់ មានប្រវែងប្រមាណ ១៣៥គីឡូម៉ែត្រ ផ្លូវទឹកត្រូវជីកតម្រង់កុំ ឱ្យកោងពេក មានប្រវែងប្រមាណ ៣៨គីឡូម៉ែត្រ និងផ្លូវទឹកជីកថ្មីមានប្រវែងប្រមាណ ៧គីឡូម៉ែត្រ ដើម្បីកាត់បន្ថយកំណោង និងកាត់បន្ថយចម្ងាយតភ្ជាប់ទៅកាន់សមុទ្រ។
ក្រសួងបញ្ជាក់ថា គម្រោងនេះនឹងសាងសង់សន្ទះផ្លូវទឹកចំនួន៣កន្លែង ស្ថិតនៅខេត្តកណ្តាល ខេត្តតាកែវ និងខេត្តកែប ដែលធានាបាននូវប្រសិទ្ធភាពក្នុងការទប់ស្កាត់ការជ្រៀតចូលនៃទឹកប្រៃទៅ ក្នុងបណ្តាញផ្លូវទឹកសាប និងអាចកំណត់បរិមាណ និងអត្រានៃរំហូរទឹកសាបដែលត្រូវ ហូរចេញទៅសមុទ្របានប្រកបដោយប្រសិទ្ធភាពខ្ពស់។
សូមបញ្ជាក់ថាការសាងសង់ព្រែកជីកហ្វូណនតេជោនេះមិនបានប្រើលុយចិនដូចការរំពឹងទុកនោះទេតែជាការវិនិយោគលុយក្នុងស្រុកទាំងអស់។ជាក់ស្តែងប្រភពពីផ្សារមូលបត្រកម្ពុជា (CSX) បានឲ្យដឹងថាកំពង់ផែស្វយត័ពីរគឹPAS និង PPAP កាន់កាប់ភាគហ៊ុន ៥១% និង OCICមានភាគហ៊ុន ៤៩% នៅក្នុងការសាងសង់ព្រែកជីកហ្វូណនតេជោ !។ការវិនិយោគរបស់កំពង់ផែទាំងពីរ នឹងគ្របដណ្តប់លើ ២១Km ហើយវាជាលើកដំបូងនៃការសាងសង់ និងមានគោលដៅសម្រាប់ប្រតិបត្តិការផ្លូវទឹក ស្របពេលដែល ៤៩%ទៀត នឹងគ្រប់គ្រងដោយ OCIC ។កំពង់ផែស្វយ័តក្រុងព្រះសីហនុ (PAS) ដែលបានចុះបញ្ជីជាសាធារណៈ និងកំពង់ផែស្វយ័តភ្នំពេញ (PPAP) នឹងរួមគ្នាកាន់កាប់ភាគហ៊ុន ចំនួន ៥១% នៅក្នុង Funan Techo Inland Waterways and Logistics Co.Ltd មានភារកិច្ចអភិវឌ្ឍន៍ព្រែកជីកហ្វូណនតេជោ ដែលមានតម្លៃ ១,៧ពាន់លាន$ ។ ព្រែកជីកនេះមានប្រវែង ១៨០Km ចាប់ពីខេត្តកណ្តាល ដល់ខេត្តកែប ។
យោងតាមឯកសាររបស់ផ្សារមូលបត្រកម្ពុជា (CSX) នៅថ្ងៃនេះ ការវិនិយោគរបស់កំពង់ផែទាំងពីរ នឹងគ្របដណ្តប់លើព្រែកជីកក្នុងប្រវែង ២១Kmដំបូង ។ ពួកគេក៏នឹងរួមគ្នាធ្វើការតាមផ្លូវទឹកផងដែរ ។
PAS ដែលនឹងកាន់កាប់ ២៦% នៅក្នុងប្រតិបត្តិការនេះបាននិយាយថា ប្រតិបត្តិការនៃការដ្ឋានព្រែកជីកហ្វូណនតេជោ នឹងជួយពង្រីកសមត្ថភាពដឹកជញ្ជូនតាមផ្លូវទឹករបស់ប្រទេសកម្ពុជាទៅកាន់ដែនសមុទ្រ ។ដូចគ្នានេះដែរ PPAP ដែលមានភាគហ៊ុន ២៥% បាននិយាយថាប្រតិបត្តិការរបស់ពួកគេ នឹងពង្រីកផ្លូវដឹកជញ្ជូនពីទីតាំងរបស់ខ្លួនទៅ «កំពង់ផែសមុទ្រក្នុងស្រុក និងគោលដៅអន្តរជាតិ» ។
ការរួមភាគហ៊ុននេះ គឺធ្វើឡើងតាមអនុសាសន៍របស់លោកនាយករដ្ឋមន្ត្រី ហ៊ុន ម៉ាណែត ដល់ពួកគេក្នុងការវិនិយោគលើគម្រោងព្រែកជីកជាប្រវត្តិសាស្ត្រ ដែលបានបើកការដ្ឋានសាងសង់កាលពីថ្ងៃទី៥សីហា២០២៤ ។
