រញ្ជួយដីនៅខេត្តវៀតណាមជាប់កម្ពុជា តែញ័រខ្លាំងដល់ទឹកដីប្រទេស ថៃនិងខ្មែរ
05-September-2026 / សន្តិសុខសង្គម
វៀតណាម៖កម្លាំងរញ្ជួយដី៥.១រិចទ័រដែលវាយប្រហារខេត្ត KonTun ភូមិភាគកណ្តាលប្រទេសវៀតណាមជាប់ខេត្តរតនគីរីរបស់កម្ពុជានោះ ក៏បានអង្រួនដល់ខេត្ត Ubon Ratchathani និង Sakon Nakhon ប្រទេសថៃ ដោយបណ្ដាលឲ្យមនុស្សនៅក្នុងអគារខ្ពស់មានអារម្មណ៍វិលមុខ និងញ័រ។
មជ្ឈមណ្ឌលប្រតិបត្តិការគ្រោះមហន្តរាយភូមិសាស្ត្រ នាយកដ្ឋានធនធានរ៉ែក្នុងប្រទេសថៃរាយការណ៍នៅថ្ងៃទី ២៨ ខែកក្កដា ឆ្នាំ ២០២៤ នាវេលាម៉ោង ១១:៣៥ នាទីព្រឹក (ម៉ោងក្នុងស្រុក) ថា គ្រោះរញ្ជួយដីកម្រិត ៥.១ រ៉ិចទ័រ បានកើតឡើងលើដីក្នុងជម្រៅ ៤.៥ គីឡូម៉ែត្រ ដែលជាចំណុចខាងលើចំណុចកណ្តាលនៃការរញ្ជួយដីនៅភាគកណ្តាលប្រទេសវៀតណាម ឆ្ងាយពីទីក្រុង KonTum ប្រហែល ៥៤គីឡូម៉ែត្រប៉ុណ្ណោះ។ចំណុចកណ្តាលនៃការរញ្ជួយដីស្ថិតនៅឆ្ងាយពីខេត្ត Ubon Ratchathani ទៅភាគអាគ្នេយ៍ចម្ងាយប្រមាណ ៣៦១គីឡូម៉ែត្រ បណ្ដាលឲ្យប្រជាពលរដ្ឋនៅឃុំមឿង ស្រុកវ៉ារិនចំបាប់ ខេត្ត Ubon Ratchathani រួមទាំងខេត្ត Sakon Nakhon អាចមានអារម្មណ៍រំញ័រពីការរញ្ជួយដីមួយនេះ។ទោះបីជាយ៉ាងណា មកទល់ពេលនេះភាគីខាងប្រទេសថៃ មិនទាន់ចេញរបាយការណ៍ពីការខូចខាតណាមួយនូវឡើយទេទាក់ទិននឹងគ្រោះរញ្ជួយដីរង្គើដល់ទៅពីរខេត្ត។
កម្លាំងរញ្ជួយដីនេះមានជម្រៅក្រោមដី១០គីឡូម៉ែត្រ។ នេះបើយោង មជ្ឍមណ្ឌលស្រាវជ្រាវវិទ្យាសាស្ត្រភូគប្បសាស្ត្រអាល្លឺម៉ង់ (GFZ) បានបញ្ចាក់យ៉ាងដូច្នោះ។ដោយឡែកនៅប្រទេសកម្ពុជាវិញ ប្រជាពលរដ្ឋនៅក្នុងខេត្តរតនគិរី នៅព្រឹកថ្ងៃទី២៨ ខែកក្កដាឆ្នាំ ២០២៤ នេះមានការភ្ញាក់ផ្អើល និង សំឡេងលាន់ឮសូរដូចត្រាក់ទ័របរកិនដី និង រង្គើផ្ទះ នៅចន្លោះម៉ោង ១១:៣០នាទីថ្ងៃទី ២៨ ខែកក្កដាឆ្នាំ ២០២៤។
ការភ្ញាក់ផ្អើល របស់បងប្អូនប្រជាពលរដ្ឋក្នុងខេត្តរតនគិរី គឺ បាន បញ្ជាក់ចោទសួរគ្នា តាមរយៈគណនីហ្វេសប៊ុកមួយ មានឈ្មោះ Chhay thi ជាលោកមេឃុំប៉ាតេ ក្នុងស្រុកអូរយ៉ាដាវដែលបានសុំឲ្យបងប្អូនជួយប្រាប់កន្លែងដែលរំញ័រដី និងរង្គើផ្ទះ។
នៅក្នុងនោះ គេសង្កេតឃើញបណ្ដាញសដោយគណនីហ្វេសប៊ុកមួយចំនួន បានខំមិនប្រាប់តៗគ្នាថា សម្រាប់ខេត្តរតនគិរីមានការញ័រដីនិងរង្គើផ្ទះស្ទើរគ្រប់ស្រុកក្នុងនោះ មានស្រុកអូរយ៉ាដាវ ស្រុកបរ កែវ ក្រុងបានលុង ស្រុកអូរជុំ និងស្រុកអណ្ដូងមាសជាដើម។
បើតាមការបញ្ជាក់ពី លោក ស្រីស៊ុន ចិន្តា ក្រុមប្រឹក្សាឃុំប៉ាតេស្រុកអូរយ៉ាដាវបានឲ្យដឹងថានៅវេលាម៉ោង ១១:៣០នាទីថាផ្ទះរបស់គាត់ផ្ទាល់ដែលពួកគាត់កំពុងហូបបាយ ស្រាប់តែហាក់បីដូចជាវិលមុខនិងរង្គើផ្ទះ ពេលចុះមកដីគាត់សម្លឹងមើលមិនឃើញអ្វីសោះ ប៉ុន្តែឮសូរសន្ធឹកលាន់ងឿងដូចសំឡេងរ៉ូឡូកិនបង្ហាប់ដី។
ចំណែកឯ លោក ចេង ហេង មេឃុំបក់ញ៉ៃក្នុងស្រុកអូរយ៉ាដាវដូចគ្នាក៏បានឲ្យដឹងនៅម៉ោងប្រហាក់ប្រហែលគ្នាដែរថា ផ្ទះរបស់គាត់គឺរង្គើ ពេលចុះមកដីឮសូរសំឡេងដូចរ៉ូឡូកិនដីដែរ។ដោយមានការងារឆ្ងល់នូវសំឡេងរំញ័រដីនិងរង្គើផ្ទះតាមបណ្ដាភូមិឃុំស្រុកមួយចំនួនពួកគាត់បានចែករំលែកដំណឹងនេះតាមបណ្ដាញសង្គមហ្វេសប៊ុក ក្នុងនោះយើងក៏ឃើញមានគណនីហ្វេសប៊ុកមួយចំនួនបានចូលខំមិនប្រាប់តៗគ្នាថានៅស្រុកអូរជុំក៏មានរង្គើផ្ទះនៅក្រុងបានលុងក៏មានរង្គើផ្ទះ ស្រុកបកែវក៏មានរង្គើផ្ទះ នៅស្រុកអណ្ដូងវមាសក៏មានរង្គើផ្ទះផងដែរ។
បើតាមការចូលខំមិនរបស់ លោក វេជ្ជបណ្ឌិតសឹង រិទ្ធី បានសរសេរខំមិនថា ការឮសូររំញ័រដីនិងរង្គើផ្ទះក្នុងភូមិសាស្ត្រខេត្តរតនគីរីនេះគឺបណ្ដាលមកពីមានការរំញ្ជូយដីនៅប្រទេសវៀតណាម។ហើយប្រទេសយើងដែលរងផលប៉ះពាល់តិចតួចដែលមានព្រំប្រទល់ជាប់គ្នានឹងប្រទេសវៀតណាមនិងប្រទេសឡាវ។សម្រាប់ប្រទេសកម្ពុជាយើងនឹងប្រទេសឡាវគឺមានកម្រិតប៉ះពាល់តិចតួចបំផុត។គ្រាន់តែរង្គើផ្ទះនិងឮសំឡេងប៉ុណ្ណោះ។
